سرپرست حکومت سوزلاوچیسی ذبیح‌الله مجاهد نینگ ایتیشیچه، امر بالمعروف و نهی عن‌المنکر قانونی اجرا بولیشی حقیده‌گی خواطرلر بی‌اساس بولیب و اسلام امیرلیگی اوستیگه سلبی تأثیر قویه آلمه‌یدی.
مجاهد جنابلری، ۵-سنبله، دوشنبه کونی کیچ قورون ایکس صحیفه‌سیده بیر بیانیه ترقه‌تیب یازیشیچه، امر بالمعروف و نهی منکر قانونی ایشانچلی منبعلر و قبول قیلینگن فقه اساسیده تیارلنگن و هیچ کیمگه توسقین‌لیک قیلمه‌یدی.
بیزلرنینگ «ایکس» ترماغی ده هم تعقیب قیلینگ!
مجاهد نینگ کوپه‌یتیریشیچه: «بو قانونلر گه تیگیشلی بیران کیشی نینگ خواطری بولسه و اونی رد قیلسه، بیرینچیده اوزینی اسلامی قانون خصوصیده آگاه قیلیشی و اسلامی ارزشلرگه حرمت قیلیشی کیره‌ک.»
سرپرست حکومت سوزلاوچیسی نینگ اورغولشیچه، اسلام امیرلیگی اسلامی شریعت خصوصیده‌گی ناراضلیکلرنی «حرمت‌سیزلیک» بیله‌دی.
بیانیه‌ده کیلیشیچه: «بو کبی ناراضلیک نی اسلامی شریعت گه حرمت‌سیزلیک بیله‌میز. مسلمانلر شریعت حکملری بولگن بو قانونلر بیلن، اوزلرینی آگاه قیلیب و اوز عالملریدن بو خصوصیده سوره‌سینلر. مسلمان تامانیدن بو قانونلر نینگ رد بولیشی یا-ده انتقاد قیلینیشی، اوزلری نینگ دین‌لریدن خبرسیزلیک معناسیگه دیر و حتا ایمانی نینگ یوق ایتیش خوفی هم بار.»
بیزلرنینگ فیسبوک صحیفه‌میزگه باش اورینگ!
اوتگن هفته پنجشنبه کونی سرپرست حکومت عدلیه وزیرلیگی اعلام قیلگن که، ۳۵ ماده و تورت فصل بیلن امر بالمعروف و نهی عن‌المنکر قانونی اسلام امیرلیگی رهبری آرقه‌لی توشیح بولیب و افغانستان بویلب عمل قیلینه‌دی.
بو خبر نینگ ترقه‌تیلگنیدن کیین، خلق‌ارا نهادلر جمله‌دن افغانستان ده بیرلشگن ملتلر تشکیلاتی نینگ اورین‌باسرلیک هیئت دفتری (یوناما) و مملکت‌لردن قطاری، امر بالمعروف و نهی عن‌المنکر قانونی نینگ توشیح بولگنی گه عکس‌العمل بیلدیریب و اونینگ عملگه آشیریلیشی خصوصیده خواطر بیلدیرگنلر.
