کابل شهری یشاوچیلریدن بیرقطاری، شهر داروخانه‌لریده بیر تور دارولر نرخی فرق‌لیگیدن شکایت قیلماقده‌لر. اولر نینگ ایتیشلریچه، داروخانه‌لرده بیر تور دارولر نرخی فرقلی دیر.
ملالی توغریقخانه‌سیده عایله اعضالریدن بیری بستری بولگن محمدسلام عطایی نینگ ایتیشیچه، داروخانه‌لرده بیر تور دارو قیمتی فرقلی دیر.
بیزلرنینگ فیسبوک صحیفه‌میزگه باش اورینگ!
اونگه کوره: «بیر داروخانه دن بیر دارونی ۱۸۰۰ افغانی ساتیب آلدیم و کیین ایسه پروان هوتلی یقینیده‌گی داروخانه دن سوره‌دیم ۱۲۵۰ افغانی دیدی یعنی ۶۰۰ فرقی بار، حاضرگی شرایط ده یشاوچیلر عایله اعضالری نینگ خرجتینی تأمینله‌ی آلمه‌یدی و کسل‌لری نینگ داروسینی قنده‌ی ساتیب آلسین‌لر.»
کابل یشاوچیلریدن باشقه بیری فرید احمدی گه کوره: «طبیعی روشده داروخانه‌لرده بیر تور دارو نینگ نرخی فرقلی دیر و دارولر نینگ قیمتی نیچه برابر فرق قیله‌دی.»
افغانستان آزیق_آوقات و دارو ملی اداره‌سی گه کوره، داروخانه‌لرده دارولر نینگ نرخینی ثابت سقلش اوچون ینگی توزه‌تگن ریجه‌لری اساسیده، بوندن بویان شرکت‌لر دارولر پوشیده نرخینی یازیش‌گه مکلف دیر.
بیزلرنینگ توییترده هم تعقیب قیلینگ!
مذکور اداره سوزلاوچیسی جاوید هژیر نینگ ایتیشیچه: «ینگی ریجه اساسیده، دارولر نینگ پوشی ده نرخی یازیله‌دی، اولکه یشاوچیلری دارولر نرخی دن خبردار بولیش اوچون، دارو وارد قیله‌دیگن کمپنیه‌لر دارولر نرخینی یازیش گه مکلف دیر.»
آزیق_آوقات و دارو اداره‌سی نینگ معلوماتی اساسیده، حاضر کابل شهری ده تورت مینگ داروخانه و ۴۵۰ عمده فروش‌لیک داروخانه فعالیت قیلماقده.