تخار ولایتی محلی رسمی‌لری، اوشبو ولایت نینگ فرخار تومنیده ترافیکی حادثه عاقبتیده بیر عایله نینگ توقیز اعضاسی اولیب و یره‌لنگنیدن خبر بیرگنلر.
بیزلرنینگ فیسبوک صحیفه‌میزگه باش اورینگ!
تخار ولایتی امنیه قوماندان‌لیگی سۉزلاوچیسی عبدالمبین صافی، اوشبو خبرنی تصدیقلب ایتیشیچه، بو حادثه فرخار تومنی «سینگان» منطقه‌سیده «آلتو» رسوملی بیر موتر سرکدن چیقیب قوله‌شی عاقبتیده یوز بیرگن.
اونینگ کوپه‌یتیریشیچه، اوشبو حادثه عاقبتیده ۱۹یاشر بیر قیز قین‌آنه‌سی بیلن هلاک بولیب و اوشبو قیز نینگ تورموش اورتاغی و تورت باله شامل ییتّی کیشی آغیر یره‌لنگن.
بیزلرنینگ «ایکس» ترماغی ده هم تعقیب قیلینگ!
تخار امنیه قوماندان‌لیگی سۉزلاوچیسی گه کوره، مذکور عایله تالقان شهریدن مهمان‌لیک اوچون فرخار تومنی گه بارماقده اېکن.
مملکت نینگ تورلی ولایت‌لری اینیقسه تخار ده هیداوچیلر نینگ دقت‌سیزلیگی و یوللر بوزوق‌لیگی طفیلی انده-سنده بو کبی واقعه‌لر یوز بیریب و یشاوچیلردن قربان‌لیک آلیشی اېتیله‌دی.
