ایران جمهور باشلیغی مسعود پزشکیان، فرانسه جمهور باشلیغی امانوئل مکرون بیلن تلفونی علاقه ده، ایران باسیم‌لر گه قرشی هېچ قچان جیم تورمسلیگی حقیده آگاه‌لنتیرگن. ایران یېتکرمه‌لری، ۱۷-اسد، چهارشنبه کونی اوشبو مملکت جمهور باشلیغی نینگ فرانسه دولت رهبری بیلن تلفونی گپیرگنیدن خبر بیرگنلر.
حماس گروهی نینگ ییریک رهبرلریدن یحیا سنوار، اسماعیل هنیه اۉرنیده اېتیب تعیینلنگن. اوشبو گروه ۱۶-اسد، سه‌شنبه کونی بیر بیانیه ترقه‌تیب، یحیا سنوار حماس نینگ ینگی باشلیغی اوله‌‌راق تعیینلنگنینی بیلدیرگن. الجزیره گه کوره، اسرائیل یحیا سنوار نی اۉتگن ییل ییتّی اکتوبر ده اوشبو مملکت نینگ جنوبی حدودلریده حماس جنگری‌لری تامانیدن اۉیوشتیریلگن هجوم اصلی طراح‌سی بیله‌دی.
اسرائیل اردوسی نینگ غزه شهری ده آوارهلر مکتبی همده رفح شهری جنوبی حدودلریده هوا هجوملری عاقبتیده فلسطین‌لیک ۲۴ کیشی قربان بولگن. رویترز نینگ گزارشی اساسیده، اسرائیل اردوسی ۱۳-اسد، شنبه کونی غزه حدودلری «شیخ رضوان» ده آوارهلر ییرلشگن مکتب ده اۉیوشتیرگن هوا هجوملریده فلسطین‌لیک ۱۵ کیشی قربان بولگن.
امریکا مدافعه وزیرلیگی (پنتاگون) اوشبو مملکت اسرائیل دن دفاع قیلیش و ایران همده بو مملکت نیابتی گروه‌لری نینگ احتمالی تهدیدلری اوچون اۉرته شرققه کوپراق حربی کېمه یوباریشینی معلوم قیلگن. رویترز آژانسی گه کوره، امریکا مدافعه وزیری لوید آستین ۱۲-اسد، جمعه کونی اۉرته شرق و اروپا گه بالستیک راکته‌لرنی یوق قیلیش گه قادر بولگن حربی کېمه یوباریلیش بویروغینی بیرگن.
بیرلشگن ملتلر تشکیلاتی خوفسیزلیک کینگشی ۱۰-اسد، چهارشنبه کونی حماس نینگ سیاسی رهبری اسماعیل هنیه اولدیریلیشی گه دایر، ایران نینگ اېسته‌گی بیلن شاشیلینچ ییغین اۉتکزدی. اوشبو کینگش اعضالری، اۉرته شرق ده کوچلی اوروش یوز بیریش احتمالیدن آگاه‌لنتیرگنلر.
اسرائیل اردوسی نینگ غزه شهری شمالی حدودلریده اۉیوشتیرگن هوا هجوملری عاقبتیده الجزیره نینگ ایکّی خبرچیسی هلاک بولگن. الجزیره ۱۰-اسد، چهارشنبه کونی ترقه‌تگن گزارشیده، بو خبرچیلری نینگ موتری حماس سیاسی رهبری اسماعیل هنیه نینگ اوی یقینیده، اسرائیل هوا کوچلری تامانیدن نشانگه آلینگنینی معلوم قیلگن.
غزه ده‌گی بحران حاضرگه قدر قریب ۳۹ مینگ دن کوپراق تینچ اهالی نینگ اولیمی و ۹۰ مینگ دن کوپراق اهالی نینگ یره‌لنیشی گه سبب بولگن، همان دوام اېتماقده دیر. اسرائیل و حماس اۉرته‌سیده قانلی اوروش دوام اېتماقده اېکن، مملکت‌لر غزه ده آتش کېسین برقرار اېتیلیشی اوچون سعی-حرکت‌لری گه دوام بیرماقده‌لر.
اسلام امیرلیگی تشقی ایشلر وزیرلیگی سۉزلاوچیسی نینگ اۉرین باسری ضیااحمد تکل بوگون (۳-اسد، چهارشنبه) ایکس صحیفه‌سیده بیر بیانیه ترقه‌تیب، متقی بو موضوع نی حماس نینگ سیاسی ایشلر بوییچه اداره باشلیغی اسماعیل هنیه بیلن تلفونی علاقه ده آچیقلب و حماس نینگ اسرائیل برابریده کوره‌شی اوستیگه تأکید اېتگن.
رویترز ۳۱-سرطان، یک‌شنبه کونی، اسرائیل حربی کوچلری رفح شهری مرکزی ده مینگلب آواره جایلشگن کمپ نی نشانگه آلگنینی معلوم قیلگن. اوشبو گزارش اساسیده، اسرائیل حربی کوچلری «تل السلطان» ده حماس جنگری‌لرینی نشانگه آلیب و اولر گه عاید قورال-یراغ و آست قورمه‌لرنی یوق اېتگنلرینی ادعا قیلگن.
حماس و اسرائیل اۉرته‌سیده آتیش کېسین مذاکره‌لری توخته‌تیلگن بیرحالده، مذکور مملکت اردوسی ۲۶-سرطان، سه‌شنبه کونی غزه نینگ بیرقطار حدودلریده کېنگ کولمده هجوملری گه دوام بیرگن. معلومات‌لر اساسیده اسرائیل نینگ غزه مرکزی و جنوبی حدودلریده اۉیوشتیرگن هجوملری عاقبتیده چمه‌سی ۵۷ کیشی قربان بولگن.
اسرائیل اردوسی نینگ غزه جنوبی حدودلریده هوا هجومی عاقبتیده فلسطین‌لیک قریب ۴۰۰ کیشی اولیب و یره‌لنگن. رویترز آژانسی گه کوره، ۲۳-سرطان، شنبه کونی اسرائیل اردوسی نینگ غزه جنوبی حدودلریده اۉیوشتیرگن هجومی عاقبتیده فلسطین‌لیک ۹۱ کیشی هلاک بولیب و باشقه ۳۰۰ دن آرتیق کیشی یره‌لنگن.
اسرائیل حربی کوچلری نینگ غزه شمالی حدودلریده هوا هجوملری عاقبتیده فلسطین‌لیک ۴۲ کیشی قربان بولگن. معلومات‌لر گه کوره، اسرائیل حربی کوچلری ۲-سرطان، شنبه کونی غزه شمالی حدودلری الطوفه منطقه‌سی و ساحل کمپی گه هجوم اۉیوشتیرگن. خلق‌ارا یېتکرمه‌لر نینگ معلوماتی اساسیده، سۉنگی بیر کیچه-کوندوز ایچیده اسرائیل نینگ غزه ده هوا هجوملری عاقبتیده فلسطین‌لیک ۱۰۱ کیشی قربان بولیب و باشقه ۱۶۹ کیشی یره‌لنگن.
فلسطین ساغلیق‌نی سقلش وزیرلیگی، اسرائیل نینگ «المواسی» منطقه‌سی که بوندن آلدین اسرائیل تامانیدن تینچ منطقه تعیینلنگن اېدی هجوملری عاقبتیده، چمه‌سی ۲۵ کیشی هلاک بولیب و باشقه ۵۰ کیشی یره‌لنگنینی معلوم قیلگن.
خلق‌ارا یېتکرمه‌لر، بیرلشگن ملتلر تشکیلاتی خوفسیزلیک کینگشی ۱۰-جون، دوشنبه کونی غزه ده اسرائیل و حماس اۉرته‌سیده آتیش کېسین برقرار اېتیلیشی اوچون امریکا قۉشمه ایالتلری جمهور باشلیغی جوبایدن نینگ تکلیفینی قۉللب-قوتله‌گنی حقیده گزارش بیرگنلر.
خلق‌ارا ییتکرمه‌لر نینگ گزارشی اساسیده، شنبه کونی ۸-جون، غزه مرکزی «النصیرات» منطقه‌سیده اسرائیل حربی‌سی نینگ هوایی هجومی عاقبتیده، کمیده ۲۱۰ فلسطین‌لیک قربان بولیب و ۴۰۰ کیشی ایسه یره‌لنگن.
امریکا تشقی ایشلر وزیری آنتونی بلینکن، غزه ده حماس و اسرائیل اۉرته‌سیده آتش کېسین برقرار اېتیلیشینی محاکمه قیلیش مقصدیده کېله‌سی هفته اۉرته شرققه سفر قیلیشی ممکن. رویترز آژانسی، بلینکن اوشبو سفری ده اسرائیل، مصر، قطر و اردن رسمی‌لری بیلن اوچره‌شووی ممکن دیگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
