جمهوریت توزومی قوله‌شیدن آلدین تورلی میدیالر جمله دن ملی رادیو_تلویزیون، خاور و ستاره تلویزیون‌لریده گزارش‌گر و نطاق همده شهیدلر و ناگران‌لر وزیرلیگی نینگ مطبوعاتی بولیمیده ییتتی ییل ایشله‌گن ۲۲ یاشر سحر رحیمی نینگ ایتیشیچه، آله‌دیگن آی‌لیگی بیلن عایله اعضالری نینگ نفقه‌سینی تأمینلر ایدی، بیراق اونگه کوره، کمبغل‌لیک باعث اوزی و عایله اعضالری اقتصادی قیینچیلیک‌لر بیلن روپه‌ره بولگنلر.
سحر نینگ ایتیشیچه، اقتصادی قیینچیلیک باعث عایله اعضالری بیلن کابل دن توغیلگن ییری غور گه قیتیش گه مجبور بولگن. اونگه کوره، غور ده قریب تورت آی خارجی بیر نهاد گه ایشله‌گن؛ بیراق مذکور نهاد بیر آز مدت اوتیشیدن کیین یاپیلگن. سحر حاضر ایش‌سیز دیر ایتیشیچه: «کابل ده وظیفم بار ایدی. حکومت قوله‌شیدن کیین ایش‌سیز بولیب و غور گه قیتدیم. آتم کسل دیر و ایشلش توانی یوق و مین ایشلش گه مجبور من.»
سحر حاضر اجاره اوی ده حیات کیچیرماقده ایتیشیچه، نیچه آی دن بویان ایش اوچون تورلی اداره‌لر گه مراجعت قیلگن بولسه ده؛ بیراق حاضرگچه ایش تاپه آلمه‌گن. اونگه کوره: «روحی لحاظ دن امیدسیز بولگن من. اوچ آی آلدین احوالیم جوده هم چتاغ ایدی و روانشناس آلدی گه باردیم. اگر بارمه‌گنده ایدی اوزیمنی اولدیریشیم ممکن ایدی.»
بیزلرنینگ فیسبوک صحیفه‌میزگه باش اورینگ!
شونینگدیک، سابق حکومت ده باش قاره‌لاوچیلیک اداره‌سیده اوچ ییل وظیفه بجریب و اسلام امیرلیگی حاکمیتیدن کیین بیکار بولگن فرشته یوسفی گه کوره، اقتصادی قیینچیلیککه علاوه امنیتی تهدیدلر بیلن روپه‌ره دیر. او نینگ کوپه‌یتیریشیچه، اوزی و عایله اعضالری نینگ سلامت‌لیگی اوچون نیچه مرته کوچیش گه مجبور بولگن. فرشته نینگ ایتیشیچه: «عیاللردن بیرقطاری، یالغیز عایله اعضالری نینگ سرپرستی دیر. ایکی ییل دن بویان وظیفه باریش گه رخصت بیرمه‌یدیلر. نیچه مرته مراجعت قیلدیم؛ لیکن اولر بو ییر سیزلرنی جایینگیز ایمس دیب جواب قیتیردیلر.»
بونگه علاوه، یالغیز عایله سرپرستی بولگن عیاللردن بیرقطاری، اسلام امیرلیگی حاکمیتیدن کیین ایش‌سیز بولگنلر. اولر نینگ سلام‌وطندار گه ایتیشلریچه، نیچه ییل تحصیل و ایشلش دن کیین، حاضر چیکلاولر یره‌تیلیشی و ایش‌سیز بولیشی بیلن اقتصادی قیینچیلیککه دوچ بولیشگن.
سابق حکومت ده اداری فساد گه قرشی کوره‌ش کمیسیونی ده ایشله‌گن ثریا روحی، عیاللر بستیده ایرکک‌لر تعینله‌نیشی باره‌سیده ایتیشیچه: «بیز کوپراق روحی زیان کورگن‌میز. کیله‌جککه دایر امیدسیز بولگن‌میز. قیین احوال ده تحصیل قیلدیک و حاضر قیته دن بیز کوزدن توشدیک. بو احوال دوام ایتگن تقدیرده جمعیت ده عیال آتیده هیچ کیم قالمسلیگینی اویله‌ی میز.» خانم روحی نینگ کوپه‌یتیریشیچه، کوپ سعی‌و تلاش دن کیین نادولتی بیر نهاد ده اوچ آی ایشله‌گن، حاضر قیته دن ایش‌سیز بولگن.
عیاللر گه کونسه‌یین چیکلاولر یره‌تیلماقده ایکن، اقتصاد وزیرلیگی ۱۴۰۱_ییل ۳ جدی ده، بیر مکتوب صادر قیلیب و ایچکی و خارجی نادولتی مؤسسه‌لر نینگ عیال ایشلاوچیلری گه ایشلش رخصتینی تقیقله‌دی، نتیجه ده مذکور نهادلر نینگ کوپ سانده عیال ایشلاوچیلری ایش‌سیز بولگن.
بیزلرنینگ توییترده هم تعقیب قیلینگ!
نیچه کون آلدین سلام‌وطندار بیلن صحبت اوتکزگن ناروی قاچقینچیلر کینگشی باش کاتبی یان اگلند، ینگی‌لیکده اسلام امیرلیگی رسمی‌لری بیلن بولگن ملاقاتی و اوچره‌شوولریدن کیین، اوشبو نهادلر نینگ عیال ایشلاوچیلری ایش گه قیتیش گه امیدوار بولگن؛ بیراق اقتصاد وزیرلیگی سوزلاوچیسی عبدالرحمان حبیب نینگ ایتیشیچه، عیاللر نینگ ایشگه باریشی کیینگی امرگچه توخته‌تیلگن. او نینگ کوپه‌یتیریشیچه: «بوتوغریده اقتصاد وزیرلیگی تامانیدن صادر ایتیلگن مکتوب عملی بولماقده.»
ایتیش کیره‌که، ۱۴۰۰_ییل ۲۴ اسد و اسلام امیرلیگی حاکمیتیدن کیین، عیاللر گه ایریم چیکلاولر یره‌تیلگن. اسلام امیرلیگی نینگ بو ایشی، دولتی و نادولتی اداره‌لر نینگ کوپ سانده عیال ایشلاوچیلری ایش‌سیز بولیشی گه سبب بولگن.
