پکتیا ده اریچیلردن قطاری نینگ ایتیشلریچه، اولر اریچیلیک اوچون کوپینچه سعی و حرکت قیله‌دیلر؛ بیراق عسل ساتیلیشی اوچون ماس بازار یوق دیر.
پکتیا مرکزی گردیز شهری نینگ «تیره‌کندو» منطقه‌سیده اریچیلیک فارم ایگه‌سی بولمیش صدیق‌الله نینگ ایتیشیچه، گرچند بو ییل قوروقچیلیک سبب عسل ییتیشتیریلیشی کمه‌یگن؛ بیراق اونینگ کیفیتی اوتگن ییل‌لر گه قره‌گنده یخشی بولگن.
اونینگ کوپه‌یتیریشیچه، حاضر ایسه اریچیلیک فارمی‌ده ۳۰۰ اری صندیغی بار و بو ییل اوشبو صندیغلردن قریب ۵۰۰۰ کیلوگرام عسل قولگه کیلتیرگن.
بیزلرنینگ «ایکس» ترماغی ده هم تعقیب قیلینگ!
صدیق‌الله نینگ اورغولشیچه، پکتیا ده کوپراق عسل ییتیشتیریلیشی بیرحالده، بیراق پاکستان دن کیفیت‌سیز عسل وارد بولیب و اوشبو ولایتده ییتیشتیریله‌دیگن عسل بازاری تنزل گه یوز توتگن.
اونینگ ایتیشیچه: «بو ییرلر بویوک بازارلر نینگ ایجاد بولیشی کیره‌ک که، سوداگرلر پاکستان گه کیتمه‌سینلر و افغانستان گه کیلیب بو ییردن عسل آلسین‌لر. حاضر سوداگر یوق و بازار هم یوق. ۳۰۰ عسل صندیغی‌دن، ۵۰۰ بشکه عسل ییغگن‌میز که، اوی‌ده قالگن دیر؛ چونکه عسل آلیش اوچون سوداگر یوق. بو ییرده بازار هم یوق که اولر گه عسل بیرسه‌ک.»
صدیق‌الله گه کوره، مملکت ایچیده و تشقی‌ده مناسب بازار یوقلیگی سبب، پاکستان سوداگرلری افغانستان ده ییتیشتیریله‌دیگن عسل نینگ ساتیب آلیب و کیین، پاکستان اسمی آستیده باشقه مملکت‌لر گه صادر قیله‌دیلر.
شونینگدیک اریچیلردن باشقه بیری سیف‌الرحمان نینگ ایتیشیچه، پاکستان عسلی کیفیت‌سیز دیر و بازارده آز قیمت گه ساتیله‌دی؛ انه شوو سبب اهالی مملکتده ییتیشتیریله‌دیگن عسل اورنیده پاکستان دن وارد بوله‌دیگن عسل نی ساتیب آله‌دیلر.
اونینگ کوپه‌یتیریشیچه: «بازار گه کیلگنلری پیتده، ایران یا-ده پاکستان عسلی بولگنی پیتده، بازار خصوصیده کوپ تاثیر قویه‌دی. قیمت‌لریمیز نی بوزه‌دی. اهالی باشقه اصلی عسل آلمه‌یدی.»
عین حالده، پکتیا ایکینچیلیک، سووغاریش و چاروه‌چیلیک ریاستی مسئوللری نینگ ایتیشلریچه، مملکت ایچیده و تشقی‌ده افغانستان ده ییتیشتیریله‌دیگن عسل نینگ ساتیلیشی اوچون ماس بازار یره‌تیلیشی خصوصیده سعی و حرکت‌لر نینگ باشله‌گنلر.
بیزلرنینگ فیسبوک صحیفه‌میزگه باش اورینگ!
پکتیا ایکینچیلیک، سووغاریش و چاروه‌چیلیک ریاستی نینگ فایده‌لی حشرات عمومی مدیری نجیب‌الله محرابی نینگ ایتیشیچه، اوشبو ولایتده اریچیلر قیش موسومیده عسل صندیغلری نی پاکستان گه آلیب کیته‌دیلر و کوکلم موسومیده ایسه اری‌لری نینگ کیلتیریشلری پیتده، بیر قطار اهالی افغانستان فارم‌لری اسمی‌ده قوللنیب و پاکستان عسلی نی مملکت گه وارد قیله‌دیلر.
اونگه کوره، اولر پاکستان عسلی نینگ وارد بولینیشی آلدی آلینیشی اوچون، اری فارم‌لری نینگ ثبت قیلیش پروسه‌سی نی باشله‌گنلر. «حاضر اولر گه کارت ترقته‌میز که مملکتی‌میز نینگ تولید‌لری بیللی بولسین. برچه اری صندیغلریمیز نی دقیق شکلده بیللی قیله‌میز که، بیله‌یلیک پاکستان ده قنچه بار؛ چونکه حاضرگچه بیزلر حساب قیلمه‌گن‌میز. انه شوو سبب هر کیم کیلیب و او ییرده اری صندیغیم بار دیدی؛ لیکن حاضرگچه او ییر گه سفر قیلمه‌گن‌میز که کوره‌یلیک او ییرده فارم بار می یا-ده خیر؟ انه شوو سبب بو اقدام صورت تاپه‌دی.»
پکتیا ایکینچیلیک، سووغاریش و چاروه‌چیلیک ریاستی نینگ معلوماتی اساسیده، حاضر ایسه اوشبو ولایتده ۳۳۸ اریچیلیک فارمی فعالیت قیله‌دی که مذکور فارم‌لرده قریب ۴۸۰۰۰ اری صندیق بار و بو ییل مذکور فارم‌لردن ۳۰۰ تُن عسل قولگه کیلگن.
