بیرلشگن ملت‌لر تشکیلاتی نینگ خوفسیزلیک کینگش اعضاسی، بیر بیانیه ترقه‌تیش بیلن کابل ده پاکستان ایلچی‌خانه‌سی گه اویوشتیریلگن هجوم نی «ترورچیلیک» عنوان قیلیب و اونی جدی بیر شکلده قاره‌لگن.
مذکور هجوم اوتگن کون (جمعه، ۱۱-قوس) یوز بیردی. پاکستان دولتی ایتگن که، اوشبو هجوم نینگ مقصدی کابل ده مذکور مملکت ایلچی‌سی عبیدالرحمان نظامانی ایکن؛ بیراق او سالم دیر و اونینگ قوریق‌چیسی یره‌لنگن.
بیرلشگن ملت‌لر تشکیلاتی نینگ خوفسیزلیک کینگش اعضاسی ایتگن که، برچه تامان‌لردن دیپلماتیک و قنسولی ییرلر و بیرلشگن ملت‌لر تشکیلاتی گه اعضا بولگن مملکت‌لر خادم‌لری نینگ امنیتی گه حرمت قایل بولیش‌لری نی ایسته‌گن.
بیزلرنینگ فیسبوک صحیفه‌میزگه باش اورینگ!
اوشبو نهاد نینگ بیانیه‌سیده کیلگن که: «خوفسیزلیک کینگش اعضاسی عامل‌لر، تشکیل بیرووچیلر، مالی حمایت قیلووچیلر و بو رقم اقدام‌لردن حمایت قیلووچیلردن جواب بیریلیشی و محاکمه بولینیشی نی کیره‌کلی بولگنی گه تاکید قیلگنلر.»
اولر برچه مملکت‌لردن خلق‌ارا قانون و خوفسیزلیک کینگش قطع‌نامه‌لری اساسیده‌گی سوزلریگه، فعال بیر شکلده تروریزم گه قرشی همکارلیک قیلیش‌لری نی ایسته‌گن.
اوتگن کون کابل توش‌دن کیین، ایکی هجوم گه شاهد ایدی. بیرینچی هجوم گلبدین حکمتیار رهبرلیگی‌ده‌گی افغانستان اسلامی حزب دفتری گه صورت تاپدی. اوشبو حزب گه کوره، مذکور هجوم‌ده عیال کییم بیلن ایکی خودکش هجوم‌چی نینگ نقشی بار ایکن؛ بیراق هدف گه ییتیشیش‌دن آلدین هلاک بولگن.
گلبدین حکمتیار ویدیویی بیر پایم‌ده ایتگن که، اوشبو هجوم‌چیلر نینگ اوق آتیشی سبب، بیر کیشی هلاک بولگن و باشقه ایکی کیشی ایسه یره‌لنگن. اوشبو هجوم مسئولیتی نی حاضرگچه بیرار شخص یا-ده گروه بوینیگه آلمه‌گن.
مذکور هجوم‌دن کیین، پاکستان تشقی ایشلر وزیرلیگی اعلام قیلگن که، کابل ده اوشبو مملکت ایلچی‌سی عبیدالرحمان نظامانی، قوراللی بیر هجوم‌دن سالم چیقگن.
پاکستان تشقی ایشلر وزیرلیگی نینگ اعلامیه‌سیده کیلگن که، کابل ده مذکور ایلچی‌خانه بناسی قوراللی هجوم آستیده قرار تاپگن.
اوشبو وزیرلیک نینگ ایتیشیچه، مذکور هجوم‌دن مقصد پاکستان ایلچی‌سی ایکن؛ بیراق اونگه هیچ زیان ییتیشمه‌گن و قوریق‌چیلریدن بیری جدی شکلده زیان کوتارگن.
افغانستان تشقی ایشلر وزیرلیگی اوشبو هجوم نی قاره‌لب و ایتگن که، مغرض کیشی‌لر گه دیپلماتیک مأموریت‌لر برابریده خوفسیزلیک تهدید‌لر نینگ قره‌تیلیشی گه رخصت بیرمه‌یدی.
بیزلرنینگ توییترده هم تعقیب قیلینگ!
تشقی ایشلر وزیرلیگی سوزلاوچیسی عبدالقهار بلخی گه کوره، مذکور وزیرلیک سرپرستی امیر‌خان متقی پاکستان تشقی ایشلر وزیری بلاول بوتو زرداری بیلن، کابل ده پاکستان ایلچی‌خانه گه اویوشتیریلگن هجوم خصوصیده تلفن آرقه‌لی سوزلشگن.
مذکور سوزلشوو‌ده متقی ایشانچ بیرگن که، کابل ده پاکستان ایلچی‌خانه‌سی نینگ امنیتی خاص بیر شکلده توتیلیشی ممکن و اوشبو واقعه عامل‌لری نی تاپیش و محاکمه قیلیش اوچون سعی و حرکت قیلیشی ممکن.
تشقی ایشلر وزیرلیگی سوزلاوچیسی بلاول بوتو زرداری‌دن نقل قیلیب ایتگن که، بو کبی واقعه‌لر ایکی مملکت آره‌سیده‌گی رابطه‌لر نی بوزه آلمه‌یدی و بو کبی اقدام‌لرده موفق بولیش اوچون هیچ کیم گه رخصن بیرمه‌یشی ممکن.
