دوحه نینگ اوچینچی ییغینی گه اسلام امیرلیگی قتنه‌شیشی اوچون خلق‌ارا سعی‌وحرکت‌لر دوامی‌ده، بو مرته افغانستان اوچون اروپا بیرلشمه‌سی نینگ مخصوص نماینده‌سی توماس نیکلسون، اوتگن شنبه کونی اسلام امیرلیگی تشقی ایشلر وزیرلیگی سرپرستی امیرخان متقی بیلن اوچره‌شگنی‌ده، دوحه ییغینی گه سرپرست حکومت نینگ قتنه‌شیشی اهمیتی و بو ییغین نینگ اونملی بولگنی گه اورغوله‌گن.
اسلام امیرلیگی تشقی ایشلر وزیرلیگی سوزلاوچیسی نینگ اورین‌باسری ضیااحمد تکل نینگ ایتیشیچه، مذکور اوچره‌شووده اوشبو وزیرلیک سرپرستی امیرخان متقی اسلام امیرلیگی نینگ دنیا بیلن ایجابی و موازنتلی تعامل ایسته‌گی گه تاکید‌لب، دوحه ییغینیده بو حکومت نینگ کینگ کولمده حضور تاپیشینی ایسته‌گن.
جناب تکل نینگ کوپه‌یتیریشیچه: «جناب نیکلسون دوحه نینگ اوچینچی ییغینی گه افغانستان اسلام امیرلیگی نماینده‌لری قتنه‌شیشی اهمیتی گه تاکید قیلیب و ایتگن که بو ییغین‌ده اونملی موضوع‌لر صحبت بولیب و تیکشیریلیشی ممکن. جناب متقی هم ایتگن که اسلام امیرلیگی برچه مملکتلر بیلن ایجابی و موازنتلی تعامل گه اساسلنیب و بو ییغین‌ده کینگ کولمده حضوری بولیشی نی ایسته‌گن.»
بیزلرنینگ فیسبوک صحیفه‌میزگه باش اورینگ!
اسلام امیرلیگی تشقی ایشلر وزیرلیگی سوزلاوچیسی نینگ اورین‌باسری گه کوره، اوشبو اوچره‌شووده جناب متقی اسلام امیرلیگی نی دوحه نینگ اوچینچی ییغینی گه قتنه‌شووی یا-ده قتنشمسلیگی خصوصیده ایشانچ بیرمه‌ی و ایتیشیچه، مذکور ییغین نینگ قنده‌ی اوتکزیلیشی نی تیکشیرماقده‌لر.
عین حالده، بیرقطار سیاسی ایش بیلرمانلر، اسلام امیرلیگی نینگ دوحه ییغینیده قتنه‌شیشی اوچون دنیا جدی‌لیگینی، دنیا مملکتلری تامانیدن اسلام امیرلیگی افغانستان حقیقتی اوله‌راق تن آلینیشی دیب توشینه دیلر.
سیاسی ایش بیلرمانلردن محمود اضطرابی نینگ ایتیشیچه، اسلام امیرلیگی افغانستان نینگ رواجلنیشی برابریده‌گی موجود قیین‌چیلیک‌لر حلی اوچون، دنیا بیلن هماهنگ‌لیک و تعامل قیلیش‌دن باشقه یولی یوق. «اسلام امیرلیگی دنیا بیلن تعامل قیلیش نتیجه‌سی گه ییتیشگن و اسلام امیرلیگی برابریده بولگن قیین‌چیلیک‌لر نینگ حل بولیشی کیره‌ک و بو اسلام امیرلیگی و غربی مملکتلر آره‌سیده قرشی و ایکی تامانلمه بیر نیاز دیر. موضع آلیشلر و کیچیکتیریش هم اولر نینگ شرطلری نی قبول قیلیش اوچون دیر.»
شونینگدیک سیاسی ایش بیلرمان و بیلیم یورت اوقیتووچیسی شفیق‌الله سادات نینگ ایتیشیچه، دنیا ییغیلیشلریده اسلام امیرلیگی نینگ دواملی حضوری، افغانستان ده‌گی موجود قیین‌چیلیک‌لری نینگ حل بولینیشی گه سبب بولیشی ممکن.
اونینگ کوپه‌یتیریشیچه: «بوگونکی دنیا بیلگن که اسلام امیرلیگی گه بدیل یوق و بولر نی افغانستان ده بیر حقیقت بیله‌دیلر. اولر نینگ حضوری نی ییغیلیش‌لرده ضروری بیله‌دیلر؛ بیراق حاضرگچه تامانلر بیر بیری نینگ ایسته‌کلری ین قبول قیلمه‌گنلر و انه شوو سبب اسلام امیرلیگی حضورلری نینگ کیچیکتیره‌دیلر.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، تینچ‌لیک و سیاسی ایشلری بوییچه بیرلشگن ملتلر تشکیلاتی نینگ باش کاتبی اورین‌باسری رزماری دیکارلو، کابل گه قیلگن سفری و اسلام امیرلیگی رسمی‌لری بیلن اوچره‌شگنی‌ده، اولر نینگ دوحه ییغینی گه قتنه‌شیشلری اوچون دعوت قیلگن.
شونینگدیک بیرلشگن ملتلر تشکیلاتی باش کاتبی سوزلاوچیسی استفان دوجاریک، نیچه پیت آلدین اسلام امیرلیگی رسمی‌لری بیلن اوچره‌شگنی‌ده دوحه نینگ اوچینچی ییغینی یولگه قوییلگنی‌دن مقصد هماهنگ شکلده افغانستان بیلن خلق‌ارا تعامل کوپه‌یشی دیگن.
ایتیش کیره‌ک که، دوحه نینگ اوچینچی ییغینی، جاری ییل۱۰ و ۱۱-سرطان قطر پایتختی دوحه‌ده یولگه قوییله‌دی.