افغانستان سابق جمهور باشلیغی محمداشرف غنی، قیزلر نینگ تعلیمی توخته‌تیلیشی گه مناسبت بیلدیریب اوز فیسبوک صحیفه‌سیده، حاضرگی وضعیت نی «جنسی تبعیض» دیب و اسلام امیرلیگی دن دوحه بیتیمی ضمیمه‌لرینی اهالی بیلن شریک قیلیشینی سوره‌گن.
اونگه کوره: «عیاللر نینگ تعلیمی توخته‌تیلیشی، افغانستان خلقی نینگ ترور قیلیش دوامی دیر. کوپچیلیک فکرینی نظرگه آلمه‌گنلر اهالی غضبی بیلن دوچ بولگن. دوحه بیتیمینی امضاله‌گنلر، اوشبو کیلیشوو ضمیمه‌سینی افغانستان خلقی بیلن شریک قیلیشی کیره‌ک.»
بیزلرنینگ فیسبوک صحیفه‌میزگه باش اورینگ!
اسلام امیرلیگیگه یقین سیاسی سیمالردن سیدذکرالله هاشمی گه کوره، دوحه بیتیمی نینگ ضمیمه‌سی یوق دیر. جناب هاشمی نینگ سلام‌وطندار گه ایتیشیچه: «محمداشرف غنی تاریخی اوتگن بیر سیما دیر و ضمیمه‌لر گه کیلسک، فکریمچه بونده‌ی نرسه یوق و بونده‌ی سوزلر بیلن اوزلرینی آقله ماقچین‌لر.»
شونینگدیک سیاسی فعال و سیاسی علوم تدقیقاتچیسی یارمحمد باقری نینگ ایتیشیچه، محمداشرف غنی اوز گروهی بیلن جمهوریت توزومی قولشی خصوصیده اوز مسئولیتیدن قاچماقده دیر.
اونینگ کوپه‌یتیریشیچه: «جناب غنی جمهوریت توزومی قولشی گه دایر اوز مسئولیتینی، دوحه بیتیمی ضمیمه‌لری بهانه‌سیده آقلش نیتیده دیر.»
باشقه تاماندن، خلق‌ارا مناسبت‌لر تدقیقاتچیسی نظراحمد رزاقی گه کوره، اشرف غنی دوحه بیتیمی و ضمیمه‌لری باره‌سیده سوزلش بیلن، اوزینی آقله‌ی آلمه‌یدی.
بیزلرنینگ توییترده هم تعقیب قیلینگ!
نظراحمد رزاقی نینگ کوپه‌یتیریشیچه: «غنی مملکت قولش دن بیر کیچه آلدین امریکا تشقی ایشلر وزیری بیلن تیلیفونی علاقه ده، مقاومت قیلیشینی ایتدی بیراق ایرته‌سی قاچدی و بو سوزلری بیلن اوزینی آقلش نیتیده دیر. اما دوحه بیتیمی نینگ بعضی بندلری سیاسی و خوفسیزلیک سبب شریک قیلینسملیگی ممکن.»
عین‌حالده عالی اوقوو وزیرلیگی، طلبه قیزلر نینگ اوقیشینی «کیینگی امرگچه» توخته‌تگن. مذکور وزیرلیک سه‌شنبه کونی بیر مکتوب آرقه‌لی دولتی و خصوصی برچه بیلیم یورت‌لر گه، طلبه قیزلر نینگ اوقیشینی «تعطیل« قیلیش بویروغینی بیرگن.