توقیزینچی دسمبر خلق‌ارا فساد گه قرشی کوره‌ش کونی گه تېنگ. شو بیلن بیرگه، اسلام امیرلیگی سۉزلاوچیسی ذبیح‌الله مجاهد، افغانستان‌ده فساد صفر گه یقین اېکنینی معلوم قیلگن.
اسلام امیرلیگی سۉنگی اوچ ییلده فساد گه قرشی جدی کوره‌شیب و بو ایشیگه دوام بیریشیدن ایشانچ بیلدیرگن، اسلام امیرلیگی سۉزلاوچیسی ذبیح‌الله مجاهد.
اونگه کوره: «اسلام امیرلیگی تورلی خیل فساد گه جدی کوره‌شگن؛ جمهوریت توزومیده افغانستان فساد بوییچه دنیا ده بیرینچی و ایکّینچی اورینده اېدی؛ حاضر افغانستان‌ده فساد صفر گه یقین بولگن و بولسه هم جوده آز دیر و عدلی ارگانلر اېزله‌یدی، اخلاقی و اجتماعی فساد گه قرشی کوره‌ش همان دوام اېتماقده دیر.»
بیزلرنینگ فیسبوک صحیفه‌میزگه باش اورینگ!
شو بیلن بیرگه، بیرلشگن ملتلر تشکیلاتی ترقه‌تگن گزارشی‌ده دنیا مقیاسیده فساد گه قرشی کوره‌ش اوچون یاشلرنینگ رولینی مهم دیب و میلادی ۲۰۲۴ دن ۲۰۲۵-ییللر آره‌سیده فساد گه قرشی کوره‌ش اوچون اولرنینگ اتحاد بولیشی گه تأکید اېتگن.
بو گزارش‌نینگ بیر بولیمیده بونده‌ی کېلگن: «دنیامیز تورلی قیینچیلیک‌لر و عدالت‌سیزلیکلر بیلن روپه‌ره دیر، اولرنینگ کوپینچه‌سی فساد گه باغلیق دیر. فساد جمعیت توزیلمه‌سینی بوزه‌دی و رواجلنیش گه توسیق بوله‌دی. میلادی ۲۰۲۴ دن ۲۰۲۵-ییلده خلق‌ارا فساد گه قرشی کوره‌ش یاشلرنینگ رولی فساد حقیده آگاهی‌لیک بیریش مدافعه‌چیلری اوله‌راق تأثیرلی و مهم دیر؛ چونکه بو ایش کوپینچه یاشلرنی اوقیش امکانیتی، وظیفه و باشقه ساحه‌لردن محروم قیله‌دی.»
بیزلرنینگ «ایکس» ترماغی ده هم تعقیب قیلینگ!
بیرلشگن ملتلر تشکیلاتی اوشبو گزارشی‌نینگ بیر بولیمیده، فساد گه قرشی کوره‌ش دنیا اهالیسی‌نینگ تورت‌دن بیر قسمی اوچون حیاتی دیه قید اېتیلگن.
شو بیلن بیرگه، پالیسی عامه بیلرمانی نیازمحمد همدردنینگ ایتیشیچه، فساد گه قرشی کوره‌ش و بوتون مملکتلرده بو معما کمه‌یشی اوچون، دولتلر تامانیدن برچه تامانلمه ریجه‌لر کوزگه توتیلیشی کېره‌ک.
اونینگ کوپه‌یتیریشیچه: «بو معما گه قرشی کوره‌ش یول، تورلی خیل فساد حقیده آگاهی‌لیک بیریش دیر، اهالی گه بعضی موردلر خطا و ناقانونی همده جمعیت نقصانی گه بولگنی اېتیلسه و نهایت دقت قیله‌دیلر.»
میلادی ۲۰۰۵-ییلده، توقیزینچی دسمبر بیرلشگن ملتلر تشکیلاتی تامانیدن خلق‌ارا فساد گه قرشی کوره‌ش کونی مسما بولگن و دنیا مملکتلریدن فساد گه قرشی کوره‌ش حقیده دقت قیلیش‌لری سوره‌لگن.
