ساغلیق نی سقلش وزیرلیگی مسئوللری نینگ ایتیشلریچه، بوگون ننگرهار، کنر، لغمان و نورستان ولایت‌لریده، پولیو گه قرشی ایملش کمپاینی نی باشله‌گنلر.
اوشبو وزیرلیک مسئوللری گه کوره، پولیو گه قرشی ایملش کمپاینی نینگ اوشبو دوری‌ده، بیش یاش نی تولدیرمه‌گن قریب ۱.۲ میلیون باله نینگ پولیو گه قرشی ایملنیشی ممکن.
بیزلرنینگ فیسبوک صحیفه‌میزگه باش اورینگ!
ساغلیق نی سقلش وزیرلیگی سوزلاوچیسی شرافت زمان امرخیل نینگ سلام‌وطندار گه ایتیشیچه، اوشبو کمپاین جاری هفته سه‌شنبه کونی‌گچه دوام تاپیشی ممکن.
ساغلیق نی سقلش وزیرلیگی سوزلاوچیسی نینگ کوپه‌یتیریشیچه: «مملکت نینگ شرق زونی‌ده ننگرهار، لغمان، کنر و نورستان ده ساغلیق نی سقلش وزیرلیگی نینگ پلانی اساسیده، پولیو گه قرشی ایملش کمپاینی باشلنگن و اوشبو کمپاین‌ده بیش یاش نی تولدیرمه‌گن ۱.۲ میلیون باله نینگ پولیو گه قرشی ایملنیشی ممکن. شونینگدیک اوشبو برنامه تورت کون‌گچه دوامخ تاپه‌دی.»
ساغلیق نی سقلش وزیلیگی مسئوللری، عایله‌لردن بیش یاش نی تولدیرمه‌گن باله‌لری نینگ پولیو گه قرشی ایملش‌لری نی ایسته‌گنلر.
بیزلرنینگ توییترده هم تعقیب قیلینگ!
عین حالده، افغانستان و پاکستان دنیا بویلب باله‌لر فلجی کسللیگی بوتونلی یوق بولمه‌گن مملکت‌لردن سنله‌دی.
ایتیش کیره‌ک که، ۲۰۲۲-ییلده مملکتده باله‌لر فلجی کسللیگی نینگ ایکی مثبت واقعه‌سی بیری پکتیکا و باشقه بیری ایسه کنر ده ثبت بولگن و شونینگدیک بو ییل هم ننگرهار ده مثبت بیر واقعه ثبت بولگن.
