نیچه کون آلدین اسلامی امارت سرپرست حکومتی هلمند کجکی توغانی نینگ ایکینچی فازینی آچدی و اونی آچیش بیلن، ایران حکومتی هلمند دریاسیدن اوشبو مملکت حقابه‌سی خصوصیده خواطر بیلدیرگن.
بوندن آلدین ایران جمهور باشلیغی ابراهیم رئیسی، افغانستان سرپرست حکومتی تامانیدن ایران نینگ حقابه‌سی توللنیشینی ایتگن ایدی.
حاضر اوشبو مملکت تشقی ایشلر وزیری، ایران جمهور باشلیغی نینگ سوزلرینی تکرار قیلگن.
بیزلرنینگ فیسبوک صحیفه‌میزگه باش اورینگ!
ایران تشقی ایشلر وزیری حسین امیر عبداللهیان، اوتگن پنج‌شنبه اسلامی امارت تشقی ایشلر وزیرلیگی نینگ سرپرستی امیرخان متقی بیلن تیلیفونی علاقه ده، مذکور مملکت نینگ حقابه مسئله‌سی حل ایتیلیشینی سوره‌گن.
اوشبو تیلیفونی ملاقات ده ایران تشقی ایشلر وزیری، ایران نینگ حقابه مسئله‌سی، تیزلیک بیلن حل ایتیلمه‌گن تقدیرده، ایکی مملکت نینگ مناسبتی اوستیگه سلبی تاثیر قیلیشینی بیلدیرگن.
بیراق اسلامی امارت سرپرست حکومتی نینگ ایتیشیچه، ۱۳۵۱_ییل بیتیمی اساسیده ایران نینگ حقابه‌سی توللنیشی گه متعهد دیر.
سوو و برق وزیرلیگی سوزلاوچیسی اخترمحمد نصرت نینگ سلام‌‌وطندار گه ایتیشیچه: «۱۳۵۱_ ییل بیتیمی اساسیده ایران نینگ عادی حالتده بیر ثانیه ده ۲۲ متر مکعب سوو حقی بار و بیز ۴ متر مکعب نی یخشی نیت و قوشنی اوله‌راق بیره‌میز و اونگه متعهد میز، قورغاقچیلیک بولگنده اوشه اندازه گه سوو کمیه‌دی.»
سوو و برق وزیرلیگی نینگ ایتیشیچه، ۱۳۵۱_ییل بیتیمی ده، قورغاقچیلیک ییل‌لرده سوو قنده‌ی توللنیشی ذکر بولگن.
گزارش‌لر اساسیده، افغانستان اوشبو ییل قورغاقچیلیک بیلن روپه‌ره دیر.
بیزلرنینگ توییترده هم تعقیب قیلینگ!
ایش بیلرمان‌لر، اوشبو ییل ده قورغاقچیلیک طفیلی مملکت بویلب سوولر یخشی مدیرت بولیشی اوستیگه تأکید ایته‌دیلر.
سیاسی ایش بیلرمان طارق فرهادی نینگ ایتیشیچه: «حاضر افغانستان قورغاقچیلیک بحرانی و سوو مدیریتی بحرانی بیلن روپه‌ره دیر، در حقیقت ایران گه کوپ سوو بیریش امکانی یوق دیر، ایران تشقی ایشلر وزیری نینگ قتیق سوزلری اوز موضوع‌لری دیر، بیراق افغانستان نینگ کوپ سووی یوق، سوولر باشقریلیشی درکار چونکه اوزیمیز ایکینچیلیک و ییگولیک امنیت گه نیازیمیز بار.»
بوندن آلدین افغانستان و ایران هیأت‌لری، سوو مسئله‌سی اوستیده نیچه مراتبه بحث ایتگنلر.
