اسلام امیرلیگی سرپرست حکومتی آرقه‌لی قیزلر و عیاللر تعلیم و ایش‌دن محروم بولگنلریدن کیین، بلخ ده بیر سوداگر ییگیت‌لر اینیقسه عیاللر گه ایش زمینه‌سی یرهتیلیشی مقصد، شخصی خره‌جت بیلن تیکووچیلیک ایشخانه ایجاد قیلگن.
اوشبو ایشخانه مسئولی نذیراحمد نینگ سلام‌وطندار گه ایتیشیچه، حاضر ایسه مذکور ایش‌خانه‌ده ۷۰ قیز و عیال شامل ۱۵۰ کیشی کییم-کیچک ایشلب چیقیریش بیلن شغللنگن. او، مذکور ایشخانه خصوصیده ایتیشیچه: «ایش‌خانه‌میزده ۱۵۰ کیشی کییم-کیچک ایشلب چیقریش خصوصیده ایشله‌یدی و بو آره‌ده ۷۰ ته‌سی نی قیزلر و عیاللر تشکیل بیره‌دی.»
مذکور ایش‌خانه‌ده ایش بیلن شغللنگن کیشی‌لردن قطاری، سرپرست حکومت قرار آرقه‌لی تعلیم و ایش‌دن محروم قالگن قیزلر دیر.
بیزلرنینگ فیسبوک صحیفه‌میزگه باش اورینگ!
اوشبو ایش‌خانه‌ده ایش بیلن شغللنگن قیزلردن بهاره و فریده، مذکور ایش‌خانه‌ده ایش زمینه‌سی یره‌تیلگنی‌دن خورسند‌لیک قیلیب و سرپرست حکومت‌دن جماعه‌ده عیاللر حضوری برابریده‌گی تقیقلر نینگ آلینیشی نی ایسته‌گنلر.
فریده نینگ ایتیشیچه: «۱۲-صنف اوقووچیسی ایدیم و اوزگریشلردن کیین، مکتب باریش‌دن محروم بولگدیم. اوندن کیین تیکووچیلیک قیلیش گه قرار آلدیم و حاضر اوشبو ایش‌خانه‌ده ایشله‌یمن.»
شونینگدیک بهاره نینگ ایتیشیچه: «بیلیم یورت گه باریش نی ایسته‌ر ایدی؛ بیراق باره آلمه‌سلیک اوچون جوده‌یم نارحت‌مین. حکومت‌دن عیاللر گه ایش و تحصیل اوچون رخصت بیریلیشی نی ایسته‌یمین.»
سرپرست حکومت آرقه‌لی قیز و عیاللر نینگ تعلیم و ایش‌دن محروم بولگنلریدن کیین، عیاللر و قیزلر آره‌سیده، مسلک اورگنیش پروسه‌سی رواجلنگن و تیکووچیلیک ایشلری کوپه‌یگن دیر.
بیزلرنینگ «ایکس» ترماغی ده هم تعقیب قیلینگ!
بلخ ده کییم ایشلب چیقرووچیلر بیرلشمه‌سی نینگ معلوماتی اساسیده، حاضر ایسه کمیده ۳۰۰۰ کیشی ۶۰ تیکووچیلیک ایش‌خانه‌ده کییم ایشلب چیقریش بیلن شغللنگن. بلخ ده کییم ایشلب چیقرووچیلر بیرلشمه‌سی مسئولی شیراحمد سلطانی نینگ ایتیشیچه، بو آره‌ده ۳۰ ایشخانه عیاللر گه تیگیشلی دیر و عیاللر آرقه‌لی مدیریت بوله‌دی.
بلخ ده کییم ایشلب چیقرووچیلر بیرلشمه‌سی مسئولی نینگ کوپه‌یتیریشیچه: «بلخ ده کییم ایشلب چیقرووچیلر بیرلشمه‌سی، ۶۰ ایشلب چیقرووچی ایشخانه نی ثبت قیلگن و بو آره‌ده ۳۰ ایشخانه عیاللر گه تیگیشلی دیر. توپلم شکلده ۳۰۰۰ کیشی گه ایش زمینه‌سی یره‌تیلگن.»
افغانستان ده اسلام امیرلیگی نینگ قیته قدرت گه ایریشگنی‌دن کیین، اجتماع‌ده عیاللر حضوری خصوصیده کوپینچه چیکلاو‌لر یره‌تیلگن. اوشبو چیکلاو‌لر، ایچکی و تشقی عکس‌العمل‌لر گه هم روپه‌ره بولگن دیر.
