ساغلیق‌نی سقلش وزیرلیگی نینگ مسئوللری «سرطان کسل‌لیگی گه قرشی کوره‌ش خلق‌ارا» کونی مناسبتی بیلن اوتکزیلگن ییغیلیشده ایتیشلریچه، خلق‌ارا ساغلیق‌نی سقلش تشکیلاتی نینگ معلوماتی اساسیده، اوتگن میلادی ییل ده اولکه بویلب ۲۳ مینگ کیشی سرطان گه چلینگن، اولر ارا ۱۶ مینگ کیشی اوشبو کسل‌لیک طفیلی وفات ایتگن.
ساغلیق‌نی سقلش وزیرلیگی نینگ طبی خذمت‌لر ایشلری بوییچه معینی حبیب‌الله آخوندزاده نینگ ایتیشیچه: «خلق‌ارا ساغلیق‌نی سقلش تشکیلاتی نینگ معلوماتی اساسیده، اوتگن میلادی ییل ده ۲۳ مینگ کیشی سرطان گه چلینگن اولردن ۱۳ مینگینی عیاللر و ۱۰ مینگینی ایرکک‌لر تشکیل بیره‌دی، اولردن ۱۶ مینگی اوشبو کسل‌لیک طفیلی وفات ایتگن.»
بیزلرنینگ فیسبوک صحیفه‌میزگه باش اورینگ!
ساغلیق‌نی سقلش تشکیلاتی مسئوللری نینگ ایتیشلریچه، سرطان کسل‌لیگینی انیقلش و درمانلش مرکزلری، کابل ده جمهوریت، صحت طفل و استقلال کسلخانه‌لری و شونینگدیک هرات و بلخ ده ایجاد ایتیلگن، اورته شکلده هر کونی سرطان گه چلینگن قریب ۱۰۰ و ۱۵۰ کیشی گه ساغلیک خذمت کورسه تیله‌دی.
شفاکارلر گه کوره، سرطان نی آلدینی آلیش ممکن و بوتوغریده، اولکه یشاوچیلری گه آگاهی‌لیک بیریلیشی کیره‌ک.
ساغلیق‌نی سقلش وزیرلیگی نینگ طبی قاعده‌لرنی رعایت قیلیش باشلیغی حیدرخان حیدر نینگ ایتیشیچه: «سرطان نی آلدینی آلیش ممکن و اولکه یشاوچیلری خواطرده بولمسلیک‌لری لازم، اولر گه آگاهی‌لیک بیریلیشی کیره‌ک.»
بیزلرنینگ توییترده هم تعقیب قیلینگ!
ایتیش کیره‌ک که، بوندن آلدین ساغلیق‌نی سقلش وزیرلیگی سرطان کسل‌لیگیگه قرشی کوره‌ش خلق‌ارا کونیده سلام‌وطندار بیلن اوتکزگن صحبتیده، اوتگن ییل ده اولکه بویلب اوچ مینگ کیشی سرطان گه چلینیب و هلاک بولگنینی ایتگن ایدی.