نورستان نینگ غرب تامانیده‌گی تومن یشاوچیلریدن قطاری نینگ ایتیش‌لریچه، مذکور تومن‌لرده ساغلیک امکانیت‌لر کم‌لیگی سبب، یشاوچیلر کوپینچه قیین‌چیلیک‌لر بیلن روپه‌ره دیر.
نورستان نینگ دوآب، مندول و نورگرام تومنی یشاوچیلری نینگ سلام‌وطندار گه ایتیش‌لریچه، درمانی مرکزلرده مسلکی شفاکار و دارو یوقلیگی سبب، مذکور اوچ تومن‌ده عادی کسل‌لیک‌لر نینگ درمان بولیشی هم ممکن ایمس.
بیزلرنینگ توییترده هم تعقیب قیلینگ!
اولر نینگ ایتیش‌لریچه، کوپینچه پیت عادی کسل‌لیک‌لر گه چلینگن کیشی‌لر نی، درمان اوچون لغمان و ننگرهار گه آلیب باریش گه مجبورلر.
نورستان نینگ غربی بولیم یشاوچیلریدن انور نینگ سلام‌وطندار گه ایتیشیچه: «نورستان تاغلی بیر ولایت دیر. اوشبو ولایت‌ده‌گی کلینیک‌لرده، نه شفاکار بار و نه هم دارو. کوپینچه پیت کسل‌لریمیز نی ننگرهار و لغمان گه درمان اوچون آلیب باره‌میز. حکومت‌دن اهالی قیین‌چیلیگی حلی اوچون اساسی حل یول تاپیشی نی ایسته‌یمیز.»
شونینگدیک نورستان نینگ غربی بولیم یشاوچیلریدن باشقه بیری امرالله نینگ ایتیشیچه: «منطقهمیزده ساغلیق خذمت‌لر، شفاکار و دارو یوق. یالغیز بیر قنچه ساغلیق مرکزلرده دارو بار. منطقهمیزده اهالی یالغیز دارو خصوصیده ایمس، بلکیم باشقه دستلبکی امکانیت‌لر توغریسیده هم قیین‌چیلیگی بار. انه شوو سبب، حکومت نینگ کوپراق توجه قیلیشی نی ایسته‌یمیز.»
عین حالده، نورستان ساغلیق نی سقلش ریاستی رئیسی نقیب‌الله نوری نینگ ایتیشیچه، دایم اهالی قیین‌چیلیگی و ایسته‌‌گی نی وقتی‌ده حل قیلدیک؛ بیراق اوشبو ولایت نینگ جغرافیایی وضعیتی باعث، منطقه‌لرده قطاری‌ده قیین‌چیلیک ایجاد بولگن.
بیزلرنینگ فیسبوک صحیفه‌میزگه باش اورینگ!
جناب نوری نینگ ایتیشیچه: «نورستان نینگ جغرافیایی وضعیتی باعث، جمعیتی آز و پراگنده دیر. بو قیین‌چیلیک نی ساغلیق نی سقلش وزیرلیگی بیلن جریان گه قویدیک. اولر هم درمانی مرکزلر نی کوپه‌یتیرگنلر. امکانیتیمیز قدر نورستان نینگ غربی تامان منطقه‌لریده‌گی ساغلیق بولیمی گه توجه قیلگن‌میز.»
ایتیش کیره‌ک که، ساغلیق خذمت‌لر قیین‌چیلیگی بیلن یالغیز نوستان نینگ غربی بولیم یشاوچیلری ایمس، بلکیم مملکت نینگ شرقی ولایت‌لریده‌گی اوزاق منطقه‌لری بولیمی یشاوچیلری هم بو کبی قیین‌چیلیک‌لر بیلن ره‌په‌ره دیر.