بیرلشگن ملت‌لر تشکیلاتی و اسلام امیرلیگی ارا قرمه قرشی‌لیکلر دوام ایتر ایکن، اوشبو تشکیلات باش کاتبی نینگ اورین باسری امینه محمد گه کوره، بیرلشگن ملت‌لر تشکیلاتی نینگ باش کاتبی آنتونیو گوترش افغانستان اوچون قطار مملکتلر نینگ مخصوص نماینده‌لری بیلن اوچره‌شیب و اسلام امیرلیگی تن آلینیشینی محاکمه قیله‌دی.
بیرلشگن ملت‌لر تشکیلاتی نینگ اوشبو ییریک مقامی گه کوره، اسلام امیرلیگی رسمیت گه تانیلگن تقدیرده، مسئولیت حس قیلیش‌لری ممکن.
خانم‌محمد گه کوره: «اوشبو ییغیلیش ده قانون و قاعده اساسیده، اسلام امیرلیگینی رسمیت گه تانیش اوچون اقدام بولیشی گه امید بیلدیره‌من. بو ممکن می بیلمه‌ی من. اسلام امیرلیگی رسمیت گه تانیلیش‌نی کوتماقده، بو اوشبو گروه اوستیده باسیم کیلتیریش یگانه واسطه‌میز دیر.»
بیزلرنینگ فیسبوک صحیفه‌میزگه باش اورینگ!
عین‌حالده، اسلام امیرلیگی سوزلاوچیسی نینگ اورین باسرلریدن بلال کریمی، بیرلشگن ملت‌لر تشکیلاتی نینگ اوشبو ییغیلیشینی خوش قرشی‌لب ایتیشیچه، بو گَل حرکت‌لر موجود قیینچیلیکلر حلی اوچون یاردم بیره‌دی.
او نینگ سلام‌وطندار گه ایتیشیچه: «فاصله‌لر و قیینچیلیکلر حلی اوچون بوله‌دیگن اقدام‌لرنی خوش قرشی له‌یمیز، بیزنی قیینچیلیکلر حلی اوچون یقینلشتیره‌دی، حقیقتن هم یخشی آدیم دیر.»
عین‌حالده، خلق‌ارا مناسبت‌لر ایش بیلرمانی محمداکرم عارفی نینگ ایتیشیچه، بیرلشگن ملت‌لر تشکیلاتی اسلام امیرلیگی اوستیگه باسیم کیلتیریش مقصدیده سعی‌وحرکت قیلماقده، شونی اوچون ایریم ریجه‌لرنی نظرگه آلگن.
باشقه تاماندن، سیاسی مسئله‌لر ایش بیلرمانی طارق فرهادی گه کوره، مذکور ییغیلیش ده بیرلشگن ملت‌لر تشکیلاتی افغانستان ده اوز فعالیت‌لری گه دوام بیریشی خصوصیده بیر قرار گه کیلیب و اسلام امیرلیگی نینگ رسمیت گه تانیلیشی نتیجه بیرمه‌یدی.
بیزلرنینگ توییترده هم تعقیب قیلینگ!
او نینگ کوپه‌یتیریشیچه: «بیرلشگن ملت‌لر تشکیلاتی افغانستان ده فعالیت‌لری گه دوام بیریشی اوچون سعی‌وحرکت قیلماقده، افغانستان ده ییترلی اوزگریش‌لر کیلمه‌گونچه مذکور ییغیلیش ده اسلام امیرلیگینی رسمیت گه تانیش نتیجه بیرمه‌یدی.»
اسلام امیرلیگی حاکمیتیدن قریب ایکی ییل اوتسه ده، لیکن منطقه و دنیا اولکه‌لری تامانیدن حاضرگچه رسمیت گه تانیلمه‌گن.
شو بیلن بیرگه، بیرلشگن ملت‌لر تشکیلاتی افغانستان اوچون قطار مملکتلر نینگ مخصوص نماینده‌لری حضوری بیلن ییغیلیش اوتکزیب و اسلام امیرلیگی نی رسمیت تانیش خصوصیده بحث ایتیش‌لری ممکن.