غزنی ده «دوداق و تنگله‌ی جیریق» بولگن باله‌لر، کابل دن بو ولایت گه بارگن جراحی پلاستیک شفاکارلری گروهی آرقه‌لی، غزنی حوزه‌وی کسل‌خانه‌سیده تیکین شکلده دوالنهدی.
مذکور گروه مسئولی عبدالغفار غیور نینگ ایتیشیچه، بو پروسه غزنی ولایتی‌ده‌گی کمبغل عایله‌لر گه یاردم بیریش مقصد یولگه قوییلیب و جاری هفته یکونلنیشی گه قدر دوداق و تنگله‌ی جیریق بولگن باله‌لردن برچه‌سی نینگ عملیاتی اوتکزیلیشی اوچون سعی‌وحرکت قیلینماقده.
بیزلرنینگ «ایکس» ترماغی ده هم تعقیب قیلینگ!
جناب غیور نینگ کوپه‌یتیریشیچه: «بو کسل‌خانه گه کیله‌دیگن دوداق و تنگله‌ی جیریق بولگن باله‌لر عملیات بولیشی و دارو‌سیز قیته قیشلاغی و تومنی گه کیتمسلیگی اوچون سعی‌وحرکت قیله‌میز. دوداق جیریق باله‌لر یاشی سکیز آی‌دن کوپراق یا-ده توقیز کیلودن کوپراق و شونینگدیک تنگله‌ی جیریق باله‌لر یاشی هم ۱۵ آی‌دن کوپراق بولسه، عملیات بوله‌دی.»
غزنی ساغلیق‌نی سقلش باشلیغی زرک رنزورمل نینگ ایتیشیچه، خصوصی کسل‌خانه‌لرده دوداق و تنگله‌ی جریق عملیات‌لری نینگ خره‌جتی ۱۰مینگ‌دن ۸۰ مینگ افغانی‌گه قدر دیر؛ بیراق بو عملیاتلر حاضر ایسه اوشبو ولایت یشاوچیلری اوچون تیکین شکلده صورت تاپه‌دی.
جناب رنزورمل نینگ کوپه‌یتیریشیچه: «کابل‌دن بو جماعه کیلگن و غزنی گه ماشین‌لرنی هم کیلتیرگن. شنبه و یک‌شنبه کونی‌دن بیری عملیاتلر نینگ دوامی بار. شنبه کونی ۲۰دن آرتیق و یک‌شنبه کونی ۲۰-۳۰دن آرتیق کیشی ایدی و شونینگدیک‌دن بو رقم ۵۰دن کوپه‌یشی ممکن.»
دوداق و تنگله‌ی جیریق بولگن سکیز یاشر باله نینگ آته‌سی سید رحمت نینگ سلام‌وطندار گه ایتیشیچه، بوندن آلدین نیچه مرته خصوصی کسل‌خانه‌لر گه مراجعت قیلگن؛ بیراق عملیات خره‌جتی یوقاریلیگی و اقتصادی قیینچیلیکلر سبب باله‌سی نینگ بو قیین‌چیلیگی نی درمان قیلدیره آلمه‌گن.
بیزلرنینگ فیسبوک صحیفه‌میزگه باش اورینگ!
غزنی حوزه‌وی کسل‌خانه‌سیده باله‌سی نینگ عملیات بولیش نوبتی نی کوتیب تورگن سیدرحمت نینگ کوپه‌یتیریشیچه: «هیچ بیر صرف-خره‌جت بولگنی یوق و حاضرگچه عملیات بولمه‌گن. کوپ خورسند‌میز که بو قیین‌چیلیک حل بولسه. هیچ نرسه ییه آلمه‌یدی. سبزه‌وات نی اصلا ییه آلمه‌یدی. یالغیز نان نی کوپ یوویتیب اوشه نی ییه‌ر ایدی.»
شونده‌ی بیرحالده، باله‌لری نینگ عملیات اوچون کیلتیرگن کیشی‌لردن قطاری، باله‌لری گه بو کبی بیر فرصت نینگ یره‌تیلگنی‌دن خورسند‌لیک قیلیب و ساغلیق بولیمی‌ده بو کبی تیکین شکلده صورت تاپه‌دیگن فرصت‌لر نینگ دوام قیلیشینی ایسته‌گنلر.
شفاکارلر نینگ ایتیشلریچه، ژنیتیکی قیینچیلیکلر و حامله‌دارلیک چاغیده آنه‌لر نینگ اوز باشیمچه‌لیک دارو قوللنیشلری، چقهلاقلر نینگ غیرطبیعی شکلده دوداق و تنگله‌ی جیریق دنیا گه کیلیشی اساسی سببلریدن دیر. اولر گه کوره، مذکور باله‌لر غیرطبیعی کورینیش گه علاوه، آوقت ییش و ایچیش چاغیده هم چیکلاولر و قیینچیلیکلر بیلن روپه‌ره بوله‌دیلر.
