بیرلشگن ملتلر تشکیلاتی باش‌کاتبی نینگ سیاسی اورین‌باسری روزمیری دیکارلو، کابل گه قیلگن سفری‌ده اسلام امیرلیگی نینگ یوقاری مرتبه‌لی رسمی‌لری جمله‌دن سرپرست حکومت باش وزیری نینگ سیاسی اورین باسری محمد عبدالکبیر بیلن اوچره‌شگن.
ارگ تامانیدن ترقه‌تیلگن بیانیه گه کوره، بیرلشگن ملتلر تشکیلاتی نینگ اوشبو رسمی‌سی افغانستان نینگ بیر قطار یوتوقلریدن خوش قرشی‌لگن.
بیرلشگن ملتلر تشکیلاتی باش کاتبی نینگ سیاسی اورین‌باسری، شونینگدیک اسلام امیرلیگی تشقی ایشلر وزیرلیگی سرپرستی امیرخان متقی بیلن اوچره‌شگن.
بو توغریده تشقی ایشلر وزیرلیگی سوزلاوچیسی اورین‌باسری ضیااحمد تکل نینگ ییتکرمه‌لر گه ایتیشیچه: «بو اوچره‌شوو افغانستان و بیرلشکن ملتلر تشکیلاتی ارا علاقه‌لر و دوحه ییغین نینگ اۉچینچی دوری همده بو ییغین آجندا و ترکیبی خصوصیده هرتانلمه بحث اېتیلدی.»
بیزلرنینگ فیسبوک صحیفه‌میزگه باش اورینگ!
روزمیزی دیکارلو افغانستان ده یاردم ییتکزیش و بشری مسئله‌لر یانیده، افغاستان خصوصیده دوحه نینگ کیله‌سی ییغینی موضوع‌سی نی هم اسلام امیرلیگی رسمی‌لری اینیقسه سرپرست حکومت باش وزیری نینگ سیاسی اۉرین باسری بیلن صحبت قیلگن.
او افغانستان نینگ دنیا بیلن تعاملی یخشی‌لنیشی و حاضرگی قیینچیلیکلر حلی اوچون دوحه ییغینی کیینگی دوری نینگ یخشی بیر فرصت‌لیگی گه تاکید‌لب و اسلام امیرلیگی‌دن بو ییغین گه شرکت قیلیشی نی ایسته‌گن.
بیراق اسلام امیرلیگی ینه بیر مرته دوحه ییغینی گه شرکت قیلیش اوچون اوشبو حکومت موقفی نینگ نظر گه آلینیشی نی ایسته‌گن.
بیرلرمانلر دوحه نینگ اوتگن ییغین‌لری نی ناکام دییش بیلن، بیراق ایتیشلریچه، دوحه نینگ کیله‌سی ییغینیده اسلام امیرلیگی شرکتی نی اونملی دیر.
شونینگدیک بیلرمانلر بو کبی ییغین‌لر گه شرکت قیلیش و اونینگ نتیجه‌سی نی، بیر قطار ایسته‌کلر جمله‌دن اسلام امیرلیگی آرقه‌لی همه شمول حکومت ایجاد‌لنیشی و قیزلر نینگ تعلیم حقی قبول‌لنیشی خصوصیده ضرور دیب بیله‌دیلر.
بو توغریده سیاسی ایش بیلرمانلردن عبدالجبار اکبری نینگ ایتیشیچه: «دوحه‌ده اوتکزیلیشی کوتیلگن ییغین‌ده افغانستان‌دن هم هیات اشتراک اېتسه و بو ییغین سیاسی بیر کیلیشوونی اورته‌گه آلیب کېلگن تقدیرده، اسلام امیرلیگی اوچون مهم دیر.»
بیزلرنینگ «ایکس» ترماغی ده هم تعقیب قیلینگ!
سیاسی ایش بیلرمانلردن باشقه بیری عبدالقدیر قانت نینگ ایتیشلریچه: «دنیا اینقسه غربی مملکتلرنی حاضرگی حکومت‌دن بۉلگن طلب‌لری انیق دیر، بو طلب‌لر، برچه شامل حکومت، عیاللرنی سیاسی جریان‌لرگه شریک اېتیلیشی همده اولرنی اوقیش حقی‌دن عبارت دیر. بو ییغین‌ده هم حاضرگی حکومت‌گه اوشبو طلب‌لر بیان اېتیلیشی ممکن.»
شو بیلن بیرگه، بیلرمانلردن باشقه بیر قطاری گه کوره، دنیا و بیرلشگن ملتلر تشکیلاتی حاضر ایسه افغانستان نینگ سیاسی قیین‌چیلیگی حلی اوچون جدی ایمسلر.
بو توغریده خلق‌ارا رابطه‌لر بیلرمانی نورالرحمان ثاقب نینگ ایتیشیچه، افغانستان خصوصیده بیرلشگن ملتلر تشکیلاتی رفتاری کوپراق انسان‌پرورلیک یاردم‌لر گه متمرکز دیر. «حاضرگی شرایط‌ده بیرلشکن ملتلر تشکیلاتی اۉرین باسری نینگ کابل‌ده بۉلگن سفری کوپینچه انسانی موضوع‌لرگه قره‌تیلیشی ممکن، چونکه افغانستان اخیرگی کونلر ایچیده، طبیعی حادثه‌لر باعث جدی انسانی وضعیت‌لرگه گواه بۉلماقده.»
ایتیش کیره‌ک که، اسلام امیرلیگی افغانستان نینگ یالغیز نماینده‌سی صفتیده چقیریلمه‌گنی خصوصیده ایسته‌گی قبول بولمه‌گنی و دوحه نینگ اوتگن ییغین آجندالری آلدین‌دن شریک قیلینیشی سبب، بو ییغین گه شرکت قیلمه‌گن ایدی.
