کابل نینگ دشت‌برچی ساحه‌سیده عیال‌لردن قطاری اوتگن کون کاج تعلیمی مرکزی گه اویوشتیریلگن هجوم خصوصیده عکس‌العمل کورستیب، بوگون ایرتنگ چاغی بو هجوم‌دن نفرت‌لری نی اظهار قیلیش اوچون سرک‌لر گه چیقیشدیلر؛ لیکن اسلامی امارت کوچلری اولر گه بو ایش اوچون رخصت بیرمه‌گن.
شونده‌ی بیرحالده، کابل نینگ تعلیم و تربیه بیلیم یورت قیز طلبه‌لری بوگون مملکت نینگ هزاره یشاوچیلری گه اویویشتیریلگن هجوم‌لر دوامی اینیقسه اوتگن کون کابل غربی‌ده کاج تعلیمی مرکزی گه اویوشتیریلگن هجوم گه قرشی اعتراض بیلدیرگنلر.
بیزلرنینگ فیسبوک صحیفه‌میزگه باش اورینگ!
مذکور طلبه‌لر «تحصیل و تعلیم گناه ایمس»، «امنیت حقی‌میز»، «امنیت ایسته‌ی‌میز»، «اولیم، بیلیم دشمن‌لریگه»، «بیز بیرمیز»، «بیز گه قوشیلینگ» شعارلری نی بیان قیلگنلر. شونینگدیک اعتراض قیلووچیلر «هزاره‌لر نسلی اولدیریشی» نینگ توخته‌تیلیشی نی ایسته‌گنلر.
اوتگن کون ایرتنگ چاغی کاج تعلیمی مرکزی گه اویوشتیریلگن هجوم، کمیده ۱۵۰ اوقووچی نینگ کانکور آزمایشی سیناوی نی اوتکزیشلری بیرحالده یوز بیرگن. اوشبو هجوم ملی و خلق‌ارا عکسالعمللر بیلن روپه‌ره بولگن.
بیرلشگن ملت‌لر تشکیلاتی نینگ باش کاتبی آنتونیو گوترش، کابل غربی‌ده کاج تعلیمی مرکزی گه اویوشتیریلگن هجوم خصوصیده اسلامی امارت‌دن، تعلیم گه قول تاپیش اوچون افغانستان اهالی‌سی نینگ حقوقی‌دن محافظت قیلیش‌لری نی سوره‌گن.
افغانستان اوچون آمریکا خاص نماینده‌سی توماس وست هم اوشبو هجوم نی «دل‌خراش» دیب و تویتر صحیفه‌سیده یازگن که: «بو جوده‌یم دل‌خراش دیر که ینه بیر مرته هزاره قیز اوقووچی‌لر گه هجوم صورت تاپگن و شونینگدیک اولر گه کوپینچه تلفات ییتکزگن. قربان بولگنلر نینگ عایله‌لری گه تسلیت بیلدیره‌من»
باشقه بیر تامان‌دن، خلق‌ارا کیچیریم تشکیلاتی اوشبو هجوم نی قاره‌لب و اقلیت‌لردن حفاظت قیلیش اوچون اسلامی امارت نی ناکام دیگن.
بیرلشگن ملت‌لر تشکیلاتی نینگ خوفسیزلیک کینگشی، یونیسف، افغانستان اوچون آمریکا ایلچی‌خانه شارژدافری، یوناما و ریچارد بنت، افغانستان اوچون بیرلشگن ملت‌لر تشکیلاتی نینگ انسان حقوقی خاص گزارش‌گری هم اوشبو هجوم گه قرشی عکس‌العمل کورستیب اسلامی امارت‌دن مذکور هجوم عامل‌لری نی قولگه آلینیشی نی ایسته‌گن.
بیزلرنینگ توییترده هم تعقیب قیلینگ!
باشقه بیر تامان‌دن، افغانستان سابق جمهور رئیسی حامد کرزی، سابق دولت ملی مصالحه عالی کینگش رئیسی عبدالله عبدالله، اجتماعی ترماق ایشلاوچیلری و سیاستچی‌لردن قطاری، کاج تعلیمی مرکزی گه اویوشتیریلگن هجوم نی قاره‌لگنلری یانیده، اسلامی امارت‌دن یشاوچیلر اینیقسه اقلیت‌لر گه امنیت تامین بولیشی اوچون، جدی آدیم کوتاریلیشی نی ایسته‌گنلر.
شونده‌ی بیرحالده، اسلامی امارت سوزلاوچیسی ذبیح‌الله مجاهد بیر تویت آرقه‌لی اوشبو هجوم نی قاره‌لب و ایتگن که، واقعه عامل‌لری نی قولگه آلیش اوچون کیره‌کلی آدیم‌لر آلینگن. یوناما تامانیدن ترقه‌تیلگن سونگی رقم گه کوره، اوشبو هجوم‌ده حاضرگچه ۳۵ کیشی هلاک و ۸۲ یرهلنگن. مذکور هجوم مسئولیتی نی حاضرگچه هیچ کیم بوینیگه آلمه‌گن.
