قندوز نینگ خان‌آباد تومنی یشاوچیلریدن قطاری، اوشبو تومن‌ده غیر مسلکی دارو ساتهدیگنلر و کیفیت‌سیز دارولر کوپهیگنیدن شکایت قیله‌دیلر. خان‌آباد تومنی یشاوچیسی نجیب‌الله نینگ سلام‌وطندار گه ایتیشیچه، ساغلیق‌نی سقلش مسئوللری آرقه‌لی داروخانهلر نینگ تیکشیریلمه‌یشی سبب، اوشبو تومن‌ده غیرمسلکی کیشیلر تامانیدن اوزباشیمچه‌لیک شکلده داروخانهلر ایجاد بولگن.
اونینگ کوپه‌یتیریشیچه: «اوتگن‌‌لرده پیاز و کچالو ساته‌دیگن غیر مسلکی کیشیلر تامانیدن، کیچیک بیر شهر ایچیده ۲۰ یا-ده ۲۵ داروخانه نینگ ایجاد بولیشی گه نیاز ایمس. هر کوچه‌ده بیر داروخانه بار که، اوشبو دارو‌خانه‌گی کیشی‌لرده هم سواد یوق و یالغیز دارو ساته‌دیلر. سوراق-سوال یوق.»
نجیب‌الله، مذکور وضعیت خصوصیده خواطر بیلدیریب ایتیشیچه، بو وضعیت نینگ کنترول بولگنی پیتده، داروخانهلردن کوپینچه‌سیدن تاریخی اوتگن دارولر نینگ توپلنیشی ممکن. شونینگدیک او حکومتی مسئوللردن بو توغریده جدی توجه بولینیشی نی ایسته‌گن.
بیزلرنینگ توییترده هم تعقیب قیلینگ!
شونده‌ی بیرحالده قندوز نینگ خان‌آباد تومنی یشاوچیلریدن قطاری، اوشبو تومن داروخانهلریده کیفیت‌سیز دارولر و غیرمسلکی دارو ساتهدیگنلر سانی کوپهیگنیدن شکایت قیلیب و ایتیشلریچه، اوشبو وضعیت سبب، کوپینچه قیین‌چیلیک بیلن روپه‌ره‌لر. خان‌آباد تومنی یشاوچیلریدن باشقه بیری نورالحق نینگ ایتیشیچه، اوشبو تومن داروخانهلریده تاریخی اوتگن دارولر ساته‌دیله و شونینگدیک مذکور دارولردن کوپینچه‌سی نینگ مصرف تاریخی هم یوق. اونینگ کوپه‌یتیریشیچه: «دارولر نینگ کوپ قیمت نرخ گه ساته‌دیلر. ۲۰ افغانی بولگن دارو نی ۵۰ افغانی و ۴۰ افغانی بولگن دارو ایسه ۱۰۰ افغانی ساتیله‌دی. ساغلیق نی سقلش مسئوللری داروخانهلر نی تیکشیرمه‌یدی. حکومتی مسئوللردن اوشبو موضوع نینگ تیکشیریلیشی نی ایسته‌یمیز.»
شونده‌ی بیرحالده، خان‌آباد تومنی‌ده دارو ساته‌دیگنلردن قطاری نینگ ایتیشلریچه، اولر داروشناسلیک/فارمسی بولیمی‌دن فارغ بولگنلر و شونینگدیک ساغلیق نی سقلش وزیرلیگی تامانیدن سند‌لری تصدیق بولگن.
مذکور تومن‌ده دارو ساته‌دیگنلردن عتیق‌الله نینگ ایتیشیچه، اوشبو تومن‌ده غیرمسلکی داروخانهلر یوق و بولگنی صورتده هم، اوزاق منطقه‌لرده یاشرینچی شکلده ایشله‌یدیلر. اونینگ کوپه‌یتیریشیچه: «داروخانه توزتگنیم‌دن تورت آی بولگن؛ برچه سند‌لریم نی هم آلگن‌مین و فعالیتیم خصوصیده رخصت بیریلگن. غیرمسلکی دارو ساتهدیگنلر، سند‌سیز شکلده ایشله آلمه‌یدیلر؛ چونکه خان‌آباد تومنی ساغلیق نی سقلش نینگ تیکشیرووچی تیم‌لری، شو کبی کیشیلر کیتی‌ده دیر.»
باشقه بیر تامان‌دن، قندوز نینگ خان‌آباد تومنی‌ده‌گی داکترلر گه کوره، اوشبو تومن یشاوچیلری کوپینچه پیت داکتر گه بارمه‌سدن دارو آلیش اوچون داروخانه گه کیته‌دیلر که، کسل نینگ درست بیر شکلده تشخیص بولمه‌سدن دارو آله‌دیلر و انه شوو سبب داروخانهلر خصوصیده اهالی ایشانچ‌سیز بوله‌دی.
محمد‌حنیف بیر داکتر اوله‌راق اوشبو تومن یشاوچیلری گه، تاریخی اوتگن و غیرمسلکی داروساته‌دیگنلر دارو‌خانه‌سی مراجعه قیلمه‌یشلری نی ایتگن. اونینگ کوپه‌یتیریشیچه: «کچالو و پیاز ساتهدیگنلر آرقه‌لی داروخانه ایجاد بولگن دیگن کیشیلر، اوشبو موضوع نی بیلگنلری پیتده، اولر نینگ یانلری گه بارمه‌یشلری کیره‌ک. اوشبو موضوع یانیده، اولکه‌داشلری‌میز داکتر گه بارمه‌ی و اوز باشیمچه‌لیک شکلده هم دارو آله‌دیلر.»
شونده‌ی بیرحالده، قندوز خان‌آباد تومنی نینگ ساغلیق‌نی سقلش آمریتی مسئوللری گه کوره، دولتی نهاد‌لردن تشکیل بولگن اولر نینگ تیکشیرووچی تیم‌لری، هر آی شهر بویلب داروخانهلر نی تیکشیریب و شونینگدیک تاریخی اوتگن دارولر نی توپلگنلر. خان‌آباد تومنی ساغلیق نی سقلش آمری محمد‌صابر اسرار نینگ سلام‌وطندار گه ایتیشیچه، اوشبو تومن‌ده‌گی داروخانهلردن ۸۰ فایزی، مسلکی دیر و شونده‌ی بیرحالده، مذکور داروخانهلرده تاریخی اوتگن دارولر موجود‌لیگی نی هم تصدیق‌له‌یدی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «تاریخی اوتگن دارولر موجود دیر؛ بیراق کوپ آز که، اولر نینگ صفر گه ییتیشتیریش خصوصیده سعی و حرکت قیله‌میز؛ انه شوو سبب، هر آی تیکشیرووچی تیمی‌میز تاریخی اوتگن دارولر نی توپلش اوچون، ایشله‌یدیلر. قالگن ۲۰ فایز هم داروخانهلرده مسلکی کیشیلر نینگ موظف بولیشی اوچون ایشله‌یدیلر.»
ایتش کیره‌ک که، شونینگدیک بوندن آلدین هم، قندوز یشاوچیلری داروخانهلرده کیفیت‌سیز دارولر موجود‌لیگی‌دن شکایت قیلگن ایدیلر.
