پایتخت کابل ده خطاط‌لیک مرکزلریده اوقیتووچیلردن بیرقطاری نینگ ایتیشلریچه، اوتمیش ییللر گه نسبتن یاش‌لر نینگ خطاط‌لیککه علاقه‌سی کمه‌یب و اوقووچیلر سانی سیزیلرلی درجه ده کمه‌یگن. اولر گه کوره، سونگی ایکی ییل ده کابل شهری ده خطاط‌لیک هیچ بیر کورگزمه یولگه قوییلمه‌گن.
کابل ده خطاط‌لیک مرکزلردن بیری ده اوقیتووچی حبیب‌الرحمان نینگ ایتیشیچه، سونگی ایکی ییل ده اوقووچیلر سانی بیرمینگ دن ۲۰۰ گه کمه‌یگن.
او نینگ کوپه‌یتیریشیچه: «ییتتی ییل دن بیری بو ساحه ده ایشله‌ی من، احوال چتاق دیر اوقووچیلر سانی کمه‌یگن اوتمیش ییل‌لرده ۱۰۰۰ اوقووچی فارغ بولر ایدی لیکن حاضر ۲۰۰ اوقووچی‌میز بار.»
بیزلرنینگ فیسبوک صحیفه‌میزگه باش اورینگ!
۲۰ ییل دن بیری خطاط‌لیک ساحه‌سیده اوقیتووچیلیک قیلیب کیلگن صبور وحیدی گه کوره، سونگی ایکی ییل ده معلومات و مدنیت وزیرلیگی تامانیدن بوتوغریده هیچ دقت قیلینمه‌گن.
مذکور اوقیتووچی معلومات و مدنیت وزیرلیگی مسئوللریدن، خطاط‌لیک هنری رواجلنیشی و اوشبو هنر علاقه‌مندلری سانی کوپه‌یشی اوچون خطاط‌لیک کورگزمه‌لر یولگه قوییش‌لرینی طلب قیله‌دی.
او نینگ ایتیشیچه: «معلومات و مدنیت وزیرلیگی نینگ امکانیتی گه قره‌گنده، سونگی ایکی ییل ده بوتوغریده هیچ دقت قیلینمه‌گن. رسام‌لر چیزگن اثرلرینی گورگزمه گه قوییش اوچون کورگزمه‌لر یولگه قوییلیشی کیره‌ک ایدی.»
خطاط‌لردن باشقه بیری عبدالواسع عزیزی نینگ کوپه‌یتیریشیچه، جمهوریت تیزیمی ده ییل‌لیک کورگزمه‌لر یولگه قویلر ایدی، بیراق اسلام امیرلیگی حاکمیتیدن کیین اولکه ده خطاط‌لیک هیچ بیر کورگزمه یولگه قوییلمه‌گن. «جمهوریت تیزیمی ده ییل‌لیک کورگزمه‌لر یولگه قوییلیب و رسام‌لر اوز چیزگن اثرلرینی نمایش گه قوییش اوچون ولایتی فیستیوال‌لر اوتکزیلردی، بیراق حاضر بوتوغریده هیچ دقت قیلینمه‌یپتی.»
باشقه تاماندن، خطاط‌لیک اوقووچیلریدن بیرقطاری اسلام امیرلیگی اینیقسه معلومات و مدنیت وزیرلیگی دن، مملکت بویلب خطاط‌لیک هنرینی رواجلنتیریش و اوقیتووچیلرینی قوللب_قوتلش اوچون اورگه‌تیش مرکزلر قوریشنی ایسته‌یدیلر.
خطاط‌لیک اوقووچیلریدن هیله گه کوره: «حاضرگی شرایط ده خطاط‌لیک تنزل گه یوز توتگن، عیاللر نینگ اوشبو هنر گه علاقه‌سی کوپ دیر، بیز اوچون تعلیمی مرکزلر قوریلیب و بوتوغریده دقت قیلینیشی کیره‌ک.»
بیزلرنینگ توییترده هم تعقیب قیلینگ!
شونینگدیک، خطاط‌لیک اوقووچیلریدن باشقه بیری بنفشه نینگ ایتیشیچه: «دولت دن اوشبو هنر گه دقت قیلیشنی ایسته‌یمیز، بیز اوچون اوقیش زمینه‌سی بولمسه ده، خطاط‌لیک آرقه‌لی تعلیم گه دوام بیریشنی ایسته‌یمیز.»
معلومات و مدنیت وزیرلیگی مسئوللری نینگ بوتوغریده فکر_ملاحظه‌سینی اورگه‌نیش اوچون تلاش قیلدیک، لیکن موفق بولمه‌دیک.
تخنیکی و مسلکی تعلیمات اداره‌سی نینگ نشرات آمری محمدعثمان الماس نینگ سلام‌وطندار گه ایتیشیچه، مذکور اداره یقینده مملکت ده اسلامی خطاط‌لیک بیرینچی فیستیوالینی یولگه قوییشنی ریجه‌لشتیرگن. «یقینده اسلامی خطاط‌لیک بیرینچی فیستیوالینی یولگه قویه‌میز و اوشبو فیستیوال ده تخنیکی و مسلکی تعلیمات اداره‌سی نینگ هنرهای زیبا انستیتوتی برچه طلبه‌لری و بو ساحه ده ایشله‌یدیگن‌لر اشتراک ایتیش‌لری ممکن، یوقاری نمره آلگن ۱۰ کیشی گه ساوغه نظرگه توتیلگن.»
افغانستان ده خطاط‌لیک هنری اوزاق تاریخ گه ایگه؛ بیراق اوشبو هنر گه دایر دولت نینگ بی فرق‌لیگی، علاقه‌مندلری سانی کمه‌یشیگه سبب بولگن.
