افغانستان نینگ چیگره سیز گزارش‌گرلر و آزاد خبرچی‌لر اویوشمه‌سی، قوشمه بیر سروی‌لریده، افغانستان ده اسلامی امارت قدرت گه ایریشیشی و بومملکت ده رسانهلر نینگ تعطیل ایتیلیشی، خاتین‌لر نینگ رسانه‌لرگه ایشلش گه قرشی سلبی تاثیر قویگن.
بو نهادلر تامانیدن ینگی‌لیکده نشرایتیلگن گزارش ده کیلیشیچه، سونگی اوچ آی ده، افغانستان ده رسانهلر ایشلاوچی‌لری نینگ ۱۰ مینگ ۷۹۰ کیشی دن حاضر تورت مینگ ۳۶۰ کیشی‌سی ایشله‌ماقده و خبرچی‌لر و رسانهلر ایشلاوچی‌لریدن ۶۰ فایزی اوز وظیفه‌لرینی قولدن بیرگن.
بولر جمله‌سیدن ۸۴ فایز خبرچی خاتین‌لر یعنی هر بیش خاتین ایشلاوچی دن تورته‌سی اوز وظیفه‌سی قولدن بیرگن. شونینگ دیک مملکت ۳۴ ولایتی دن ۱۵ ولایتی ده هیچ بیر خاتین خبرچی و رسانه ایشلاوچی‌سی فعالیت قیلمه‌یدی. ایرککلر ایشلاوچی‌لر دن ۵۱ فایزی، یعنی هر ایکی ایرکک ایشلاوچی دن بیرته سی نینگ خبرچی‌لیک فعالیتی یوق.
بیزلرنینگ فیسبوک صحیفه‌میزگه باش اورینگ!
بو گزارش‌ده کیلیشیچه، افغانستان‌ده اسلامی امارت قدرت گه ایریشیشی بیلن، مذکور مملکتده ۴۰ فایزیدن آرتیق رسانهلر نینگ فعالیتی توخته‌گن. اوشبو گزارش اساسیده، افغانستان سابق تیزیمی نینگ سقوط قیلمگنی دن آلدین فعالیت قیله‌دیگن ۵۴۳ رسانهلر آره‌سیدن، حاضر ایسه یلغوز ۳۲۱ ته‌سی فعال دیر؛ که هر ۱۰ رسانه‌دن ۴ ته‌سی یاپیلگن.
گزارش گه کوره، ۴ آی آلدین مملکت ولایت‌لریده کمیده ۱۰ محلی رسانه فعال ایکن که حاضر ایسه ولایت‌لریدن کوپینچه‌سیده هیچ بیر رسانه فعال ایمس. مملکت نینگ ۷ بویوک شهریده رسانه‌لردن ۶۰ فایزی یاپیلگن. شونده‌ی بیرحالده کابل ده ۱۴۸ رسانه دن حاضر ۷۲ رسانه فعال و باشقه ۵۱ فایزی نینگ فعالیتی توخته‌گن.
گزارش‌ده تاکیدلنیشیچه، افغانستان نینگ حاضرگی وضعیتی ده، رسانهلر فعالیتی و خبرچی‌لیک ایشی قیین‌چیلیک و برچه چیکلاولر بیلن روپه‌ره بولگن. ولایت‌لر ده رسانهلر قندی یایین بیریش‌لری اوچون اسلامی امارت مسئول‌لری تامانیدن ۱۱ ماده‌لیک ایش شیوه‌سی، امر بالمعروف و نهی عن‌المنکر وزیرلیگی تامانیدن ۸ ماده‌لیک اصولنامه، عین حالده رسانهلر نشراتی محتواسی نی نشر قیلینمه‌گنی دن آلدین اسلامی امارت مسئول‌لری بیلن شریک قیلش، رسانه ایش‌لری نی قیینچیلککه یوزمه یوز قیلگن.
اقتصادی قیین‌چیلیک و ایچکی و تشقی یاردم‌لر نینگ کیسیلگنی، شونینگدیک سوداگرلرلیک اعلان‌لر چیگره‌سیز خبرچی‌لر نینگ گزارش‌لریده بیان ایتیلگن باشقه قیین‌چیلیک‌لردن بیری دیر.
شونده‌ی بیرحالده، گزارش‌لر اساسیده افغانستان ۲۰۲۱- میلادی ییل‌ده خبرچی‌لر اولیمی بوییچه ایکینچی مملکت اعلام بولگن و شونینگدیک رسانهلر ایرکین‌لیگی درجه‌لنیشی ده، افغانستان ۱۲۲ درجه ده اورین آلگن.
