اسلامی امارت باش وزیری نینگ ایکینچی اورین باسری عبدالسلام حنفی، اسلامی امارت کوچلری تامانیدن اوروش اسیرلری اولدیریلیشی گه دایر ادعالر گه مناسبت بیلدیریب ایتیشیچه، اوروش اسیرلرینی اولدیریش گه هیچ کیمنی حقی یوق دیر.
اسلامی امارت باش وزیری نینگ ایکینچی اورین باسری عبدالسلام حنفی بوگون (چهارشنبه، ۲۷ میزان)، کابل ده اوتکزیلگن ییغینده، اسلامی امارت کوچلری تامانیدن اوروش اسیرلری اولدیریلیشینی رد قیلیب ایتیشیچه، اوروش اسیرلرینی اولدیریش گه هیچ کیمنی حقی یوق دیر.
بیزلرنینگ فیسبوک صحیفه‌میزگه باش اورینگ!
جناب حنفی گه کوره، اسلامی امارت کوچلری نینگ قانون بوزرلیکلرینی تیکشیریش اوچون حربی بیر محکمه تشکیل ایتیلگن، اسلامی امارت کوچلریدن شکایتی بولگن کیشی، اوشبو محکمه گه مراجعت قیله آله‌دیلر.
اونینگ ایتیشیچه: «اوروش میدانیدن تشقری هیچ کیمنی جنگ اسیرلرینی اولدیریش گه حقی یوق دیر، بو ایشگه قول اورگن کیشی‌لر مجرم تانیله‌دی، بو ایش اسلامی امارت تامانیدن محکوم ایتیله‌دی. اوروش اسیرلری نینگ دوسیه‌لری اوچتله محکمه ده نهایی بولیشی کیره‌ک، اسلامی امارت کوچلری نینگ قانون بوزرلیکلرینی تیکشیریش اوچون حربی محکمه تشکیل ایتدیک، اسلامی امارت کوچلریدن شکایتی بولگن کیشی‌لر، اوشبو محکمه گه مراجعت قیله آله‌دیلر.»
بیزلرنینگ توییترده هم تعقیب قیلینگ!
اونینگ کوپه‌یتیریشیچه، اوروش اسیرلری نینگ حجت‌لری، اوچتله محکمه ده نهایی بولیب و محکمه نینگ بویروغی اساسیده اولر نینگ تقدیری خصوصیده قرار آلینه‌دی.
ایتیش کیره‌ک که بوگون، افغانستان اوچون بیرلشگن ملت‌لر تشکیلاتی انسان حقلرینی کوزه‌تووچی تشکیلات گزارشگری ریچارد بنت، پنجشیر ده انسان حقلرینی کوزه‌تیش مقصدیده اوشبو ولایت گه بارگن.
