برچسب: حج و اوقاف وزیرلیگی

حج و اوقاف وزیرلیگی مسئوللری نینگ ایتیشلریچه، قویاش ۱۴۰۳-ییل فرضی حج ده، افغانستان گه ۳۰ مینگ سهم بیریلگن.

حج و اوقاف وزیرلیگی سرپرستی نورمحمد ثاقب نینگ ایتیشیچه، بو آره‌ده ۳۰ مینگ‌‌دن ۸ مینگ سهم ایسه عیال‌لردن دیر.

بیزلرنینگ فیسبوک صحیفه‌میزگه باش اورینگ!

جناب ثاقب گه کوره: «جاری ییل عربستان آرقه‌لی افغانستان‌لیک حاجی‌لر سهمی ۳۰ مینگ تعیین‌لنگن؛ جدی شکلده بو سهم نینگ کوپه‌یتیریلیشی نی ایسته‌یمیز. بو وزیرلیک آرقه‌لی حج پروسه‌سی اوچون نیاز و کیره‌کلی برچه تدبیرلر آلینگن. بیریلگن سهم ایسه مملکت بویلب عادلانه شکلده تقسیم بوله‌دی. اوشبو سهم عادی، مجاهدلر، حکومتی اداره‌لر، شهید‌لر وارث‌لری، پاکستان، ایران و باشقه مملکت‌لرده‌گی مهاجرلر گه اَیری شکلده بیریله‌دی.»

حج و اوقاف وزیرلیگی سرپرستی نینگ کوپه‌یتیریشیچه، جاری ییل‌ده هر بیر کیشی نینگ خره‌جتی ۳ مینگ ۸۰۰ دالر‌دن آرتیق بوله‌دی.

باشقه بیر تاماندن، حج و اوقاف وزیرلیگی نینگ حج و عمره زیارت‌لری بوییچه عمومی باشلیغی عطاالله خادم نینگ ایتیشیچه، بو وزیرلیک‌ده ۵۰ مینگ‌دن آرتیق کیشی فرضی حج گه سفر قیلیش اوچون ثبت بولگن.

بیزلرنینگ «ایکس» ترماغی ده هم تعقیب قیلینگ!

خادم نینگ کوپه‌یتیریشیچه: «ینگی‌لیکده ثبت بولگنلر ایسه ۳ مینگ ۸یوز بوله‌دی که قرعه کشی اساسیده، سهمیه بیریله‌دی. مجاهد‌لر گه ۳ مینگ ۹یوز ۴۱ سهم بیریلگن و شونینگدیک مهاجرلر و شهید‌لر وارث‌لری گه هم سهم بیریلگن دیر.»

حج و اوقاف وزیرلیگی مسئوللری، فرضی حج اوچون آتلری یازیلگن کیشی‌لردن، چهارشنبه کونی، ۹-حمل‌دن رمضان آیی یکونیگچه، مذکور وزیرلیک‌دن بولگن برچه قرض‌لری نینگ تصفیه قیلیشلری نی ایسته‌گن.

اسلام امیر‌لیگی سرپرست حکومتی نینگ حج و اوقاف وزیرلیگی مسئوللری، بوگون (دوشنبه، ۲۳-اسد)، دولت نینگ ملت گه حساب بیریش برنامه‌سیده، اوشبو وزیرلیک نینگ بیر ییل‌لیک یوتوق‌لریدن بیر گزارش ارایه قیلیش بیلن ایتیشلریچه، مذکور وزیرلیک نینگ آماری اساسیده، حاضر ایسه مملکت بویلب ۹۳ مینگ ۳۰۰ مسجد بار.

اوشبو وزیرلیک مسئوللری گه کوره، مملکت بویلب فعال مسجد‌لر آره‌سیدن، یالغیز بیش مینگ‌دن آرتیغی حج و اوقاف وزیرلیگی‌ده ثبت دیر.

بیزلرنینگ توییترده هم تعقیب قیلینگ! 

حج و اوقاف وزیرلیگی نینگ مالی و اداری عمومی رئیسی عبدالولی حقانی نینگ ایتیشیچه: «افغانستان بویلب ۹۳ مینگ ۳۰۰ مسجد بار، بو آره‌ده کابل شهریده بیر مینگ ۳۷۵ مسجد ثبت بولگن و شو رقم ولایت‌لرده ۴ مینگ ۹ یوز ۳۸ مسجد ثبت بولگن دیر.»

شونده‌ی بیرحالده، حج و اوقات وزیرلیگی نینگ ایتیشیچه، اوتگن بیر ییل‌ده اوشبو وزیرلیک آرقه‌لی مملکت بویلب کمیده ۱۸ مسجد نینگ قوریلیشی اوچون برنامه آلینگن که، ۵ مسجد نینگ قوریلیش ایشی باشلنگن.

بیزلرنینگ فیسبوک صحیفه‌میزگه باش اورینگ!  

حج و اوقات وزیرلیگی نینگ مسلکی معینی زرمحمد حقانی نینگ ایتیشیچه: «مرکز و ولایت‌لرده امیر‌المومنین حکمی اساسیده، ۱۸ محراب مسجد نینگ قوریلیش و نظارتی،‌ جمله‌دن ۵ محراب مسجد بناسی نینگ ایشی باشلنگن و ۱۳ مسجد محرابی نینگ ایشی تخنیک و تعمینات حجتلری تیارلنماقده.»

حج و اوقاف وزیرلیگی مسئوللری مملکت‌ده‌گی مسجد‌لر سانی نی ییترلی بیلمه‌ی و اورغولشیچه، کوپینچه مسجد‌لر نینگ قورلیشی و مسجد‌ کم‌لیگی بیلن روپه‌ره بولگن منطقه‌لر نی تانیش اوچون، هیئت تعین‌لنگن.