افغانستان ملی اسلامی جنبش حزبی رهبری مارشال عبدالرشید دوستم، ساغلیک قیین‌چیلیکلر باعث، نیچه مدت‌دن بویان ترکیه‌ده ایدی، لیکن اوتگن کونی حیرتان بندری آرقه‌لی مزارشریف شهریگه کیلدی.
ملی اسلامی جنبش حزبی سوزلاوچیسی احسان نیرو نینگ بو خبرنی تصدیق‌لب ایتیشیچه، مملکت شمال و شمال‌شرقیده امنیتی وضعیت‌نی مهار قیلیش اوچون جناب دوستم نینگ تاثیرلی برنامه‌لری بار و تیزلیککه قول‌دن کیتگن منطقه‌لرنی قیته آلیش و مردمی کوچلرنی بسیج قیلیش اوچون سعی و حرکت‌لر صورت تاپیشی ممکن.
بیزلرنینگ فیسبوک صحیفه‌میزگه باش اورینگ!
احسان نیرو نینگ کوپه‌یتیریشیچه، جناب دوستم مملکت جمهور رئیسی محمداشرف غنی بیلن اوچره‌شیب امنیتی ریجه‌سینی مطرح قیلگنیدن سونگ، مملکت شمالی‌گه باریشی ممکن. او، مذکور ریجه خصوصیده معلومات بیرمه‌گن.
جناب نیرو گه کوره، مارشال دوستم نینگ ریجه‌لری جمهور رئیس غنی بیلن شریک ایتیلگنیدن سونگ، تیزلیککه عملگه آشیریله‌دی. اونینگ کوپه‌یتیریشیچه، مردمی کوچلرنی تجهیزلش مذکور اوچره‌شووده بحث ایتیله‌دیگن موضوعلر جملهسیدن دیر.
طالبان نینگ مملکت شمال و شمال‌شرقی‌ده‌گی هجوم‌لری شدت‌لنگنیدن سونگ، ملی اسلامی جنبش حزبی رهبری مارشال عبدالرشید دوستم طالبان‌گه قرشی عملیات‌لرنی رهبرلیک قیلیش مقصد ده جوزجان ولایتی‌گه بارگن ایدی، لیکن نیچه مدت‌دن سونگ، کسل‌لیک باعث، ترکیه‌گه کیتگن ایدی. گزارش‌لرگه کوره، جناب دوستم ترکیه‌ده بولگن پیت‌لرده هم محلی قومندانلر بیلن ارتباط ده بولیب و طالبان‌گه قرشی اوروش‌نی تلفون آرقه‌لی رهبرلیک قیله‌ریدی.
