مملکت سابق جمهور رئیسی حامد کرزی نینگ کابلده خبری بیر ییغین اوتکزیب ایتیشیچه، افغانستان حکومتی و طالبان آره‌سیده بولگن تینچلیک سوزلشوولر تیزلیک بیلن جدی شکلده باشله‌نیشی ممکن و ایکی تامان‌نی بو فرصت‌دن فایده‌له‌نیشی کیره‌ک.
مملکت سابق جمهور رئیسی، افغانستان حکومتیدن تینچلیک خصوصیده یره‌تیلگن فرصت‌دن فایده‌له‌نیشی و طالبان گروهی دن زوروانلیک‌دن قول تارتیشی‌نی سوره‌گن.
جناب کرزی نینگ سونگی ۲۰ ییل‌لیک یوتوق‌لرگه اشاره قیلیب ایتیشیچه، حاضرگی نظام قولایلیک بیلن قولگه کیلمه‌گن و نابود ایتیلیشی اوچون هیچ‌کیم‌گه رخصت بیریلمه‌یشی لازم.
افغانستان حکومتی و طالبان گروهی آره‌سیده بولگن تینچلیک سوزلشوولر اوتگن نیچه آی جریانیده هیچ‌قنده‌ی ایجابی نتیجه بیرمه‌ی و مملکت بیرقطار ولایت‌لریده امنیتی کوچلر و طالبان جنگریلری آره‌سیده آتیشمه‌لر شدت‌لنگن صورتده، اوشبو بیانات‌لر مطرح ایتیله‌دی.
