خلق‌ارا میدیالر نینگ معلوماتی اساسیده، اسرائیل نینگ غزه شهرینی بوشه‌تیش بویروغی دن کیین، فلسطین‌لیک مینگلب کیشی جنوب تامان گه قاچگنلر.
اسرائیل حربی کوچلری، جمعه کونی، ۲۱ میزان، فلسطین اهالیسی گه ۲۴ ساعت ایچیده غزه شمالی نی بوشه‌تیب و جنوب تامان گه باریش‌لرینی سوره‌گن.
بیزلرنینگ فیسبوک صحیفه‌میزگه باش اورینگ!
اسرائیل نینگ اوشبو مهلتی بوگون ایرته‌لب محلی وقت بیلن ساعت ۵:۰۰ ده یکونلنگن بولسه ده، بیراق بو مهلت اوزه‌یتیریلیشی یا یکونی خصوصیده حاضرگچه هیچ نرسه دیمه‌گنلر.
بیرلشگن ملت‌لر تشکیلاتی گه کوره، اسرائیل نینگ بویروغی دن کیین تخمینی روشده فلسطین‌لیک مینگلب کیشی شمال دن غزه جنوبی گه آواره بولگنلر.
شونینگدیک، کوپ سانده فلسطین‌لیک‌لر یشش اوی‌لرینی ترک قیلمسلیک‌لرینی ایتگنلر.
بیزلرنینگ «ایکس» ترماغی ده هم تعقیب قیلینگ!
حماس و اسرائیل اوروشی اوتگن هفته حماس نینگ اسرائیل گه کوتیلمه‌گن هجومیدن کیین باشلندی.
فلسطین رسمی‌لری نینگ معلوماتی اساسیده، اسرائیل حربی کوچلری نینگ هوایی هجوم‌لری عاقبتیده حاضرگچه قریب ایکی مینگ کیشی قربان بولگن.
