افغانستان ده سینماگرلر و فیلم ایجادکارلری نینگ ایتیشلریچه، سونگی سیاسی_اجتماعی اوزگریش‌لردن کیین، اوشبو صناعت ساحه‌سیده‌گی یوتوق‌لر یوق بولیب و نامعلوم کیله‌جک بیلن روپه‌ره بولگن. کابل ده فیلم و سریال ایجادکارلریدن بیرقطاری گه کوره، قریب اوتگن ایکی ییل ده افغانستان ده سینما و فیلم ایشلب چیقریش اونیتیلگن؛ اوشبو صناعت اوچون انیق کون ترتیبی نظرگه آلینمه‌ی و بو ساحه ده هیچ بودجه اختصاص بیریلمه‌گن.
۲۰دن آرتیق فیلم و ۵ سریال ایشلب چیقریش ده حصه قوشگن افغانستان سینماسی و نمارسانه اعضالریدن بیری آرمان جعفری نینگ ایتیشیچه، حاضر ایسه فیلم تولیدی کوپینچه قیین‌چیلیکلر سبب، اونمی کمه‌یگن و افغانستان ده یالغیز فیلم تولید قیلووچی ایکی موسسه فعال دیر. او، سینما احوالی دن خواطر بیلدیریب ایتیشیچه: «مسلکی بولگن کیشی‌لر وطن نی ترک قیلدیلر یا که حاضر ایسه ایش و فعالیت قیله آلمه‌یدیلر. ماهر اویونچینی تاپماق، ینگی حکومت‌دن جواز آلیش و تولید اوچون اسپانسر یوقلیگی، درآمد آزلیگی سینما نینگ باشقه قیین‌چیلیکلریدن دیر.»
بیزلرنینگ توییترده هم تعقیب قیلینگ!
جعفری گه کوره، فیلم اوچون بیللی بیر ییر و ایچکی مخاطبلر یوقلیگی، اونینگ تولید بولیشینی اهمیت‌سیز قیلگن؛ چونکه افغانستان تولیدی فیلم‌لری نینگ درآمدی و ترقه‌تیلیش ییری، یوتیوب کانال‌لری دیر. اونینگ کوپه‌یتیریشیچه، اوتگن ایکی دهه‌ده فیلم تولیدی یخشی ایدی و اوشبو باسقیچ ده قریب تورت مینگ فیلم تولید بولگن؛ بیراق اسلام امیرلیگی حاکمیتیدن کیین، افغانستان ده یالغیز اوچ فیلم تولید بولگن، لیکن میدیالردن هیچ بیری گه نشر بولمه‌گن.
شونینگدیک نمارسانه مسئولی سیدتقی حیدری، افغانستان سینماسی نینگ حاضرگی وضعیتی‌دن خواطر بیلدیریب ایتیشیچه: «حاضرگی وضعیت امیدوارقیلووچی ایمس و قرانغو کوریله‌دی. حاضرگچه سینما اوچون بیللی بیر قانون و بیللی بیر وضعیت ایتیلمه‌گن. انه شوو سبب، هر بولیم‌ده ایشله‌یدیگن هر کیم، کیله‌جکلری برابریدا بیللی بیر وضعیت نی کورمه‌یدیلر.»
حیدری نینگ کوپه‌یتیریشیچه، افغانستان نینگ سینماچیلریدن کوپینچه‌سی، ایش‌سیز و بوندن آلدین فعال بولگن اوچ سینما هم تعطیل بولگن.
افغان فیلم رئیسی جاوید افغان افغانستان ده سینما صناعتی نینگ اهمیتی کمه‌یش سببی نی، بودجه یوقلیگی عنوان قیلگن. اونینگ سلام‌وطندار گه ایتیشیچه: «داستانلی فیلم و سریال‌لر بودجه گه نیازی بار که حاضرگچه هیچ بودجه‌میز یوق. احتکار اسمی آستیده بیر فیلم ایش آستیده دیر و حاضرگچخ توزه‌تیلمه‌گن. بودجه قولگه کیلگنی صورت‌ده، داستانلی، هنری و افغانی فرهنگ ایجاب قیلگن اسلامی سریال‌لر توزه‌تیب نشر قیلیش گه متعهدمیز.»
اسلام امیرلیگی نینگ قدرت گه ایریشگنیدن کیین، افغانستان ده سینما صناعتی کوپینچه چیکلاولر بیلن روپه‌ره بولگن و حاضر ایسه تلویزیون‌لرده، ایچکی و تشقی‌ده تولید بولگن فیلم‌لر و سریال‌لر نینگ ترقه‌تیلیشی خصوصیده رخصت بیریلمه‌گن که، بو وضعیت عایله‌لر نینگ بیرجا اولتیریش و دوست‌لر نینگ توپلنیشی نی کمه‌یتیرگن.
قندوز نینگ علی‌آباد تومنی قیشلاغلریدن بیریده حیات کیچیره‌دیگن عبدالله نینگ ایتیشیچه: «فیلم و موسیقه نینگ بند بولیشی بیلن، توپلنیش‌لر کمه‌یگن. حیات هم برچه اوچون تکراری و شوق‌سیز بولگن.» عبدالله اوشبو وضعیت‌دن خواطر بیلدیریب ایتیشیچه، «حتی اوز منطقه‌ییزده تورت‌ته دوست یا-ه عایله بیلن اولتیریب فیلم کوریش هم قیین دیر و ۲۴ ساعت غم‌درون بولیب بیر چیککه‌ده اولتیریش گه مجبورمیز.» اونینگ کوپه‌یتیریشیچه، تلویزیون‌لرده فیلم و سریال.پ‌لر ترقه‌تیلیشی نینگ توخته‌تیلیشی بیلن، یشاوچیلر بیر بیرلری نی بعضا ملاقات قیله‌دیلر.
بیزلرنینگ فیسبوک صحیفه‌میزگه باش اورینگ!
دکان‌دارلیک بیلن شغللنگن بلخ دولت‌آباد تومنی نینگ اوزاق منطقه یشاوچیلریدن بیری غلام حیدر نینگ ایتیشیچه، تلویزیون‌لرده فیلم و سریال ترقه‌تیلیشی نینگ توسیق بولینگنی‌دن کیین، وقتی نی خوش سقلش اوچون هیچ بیر یول قالمه‌گن. «اوشبو ایش‌دن چرچه‌گنیمیز پیتده، کیلیب عایله بیلن فیلم کوریب وقتی‌میز نی یخشی اوتکزه‌ر ایدیک و چرچه‌گنیمیز نی بو رقم اونوته‌ر ایدیک.»
افغانستان نینگ سینما صناعتی، ایچکی اوروش‌لردن آلدینگی دوره‌ده بیراز یخشی وضعیتی بار ایدی که، اوشبو اوروش‌لر باشلنیشی و اسلام امیرلیگی نینگ قدرت گه ایریشگنیدن کیین، تنزل گه یوز توتگن و اوتگن ایکی دهه‌ده خم ترقیاتی اوچون یخشی فرصتلر یره‌تیلگن ایکی که، اوندن فایده‌لی بیر شکلده قوللنیلمه‌‌دن، حاضر ینه تنزل گه یوز توتگن.
