روسیه تاس آژانسی، افغانستان ایشلری بوییچه روسیه جمهور باشلیغی نینگ مخصوص نماینده‌سی ضمیر کابلوف دن نقل قیلیب، میلادی ۲۰۲۴-ییل جنوری آخریگچه افغانستان وضعیتی گه دایر تورت تامانلمه ییغیلیش اوتکزیلیشینی یازگن.
تاس آژانسی بیلن صحبت اوتکزگن ضمیر کابلوف اوشبو ییغیلیش قیسی مملکت میزبان‌لیگی و قچان اوتکزیلیشی حقیده ایضاح کیریتمه‌گن لیکن بو ییغیلیش ده همه‌شمول حکومت شکللنیشی، عصیانچی گروه‌لر گه قرشی کوره‌ش و بنگی‌وار ماده‌لر قاچاقی بحث گه آلینیشی ممکن دیگن.
ضمیر کابلوف دن نقل قیلینیب یازیلگن گزارش ده کیلیشیچه: «افغانستان دولتی نینگ حاضرگی عملدارلری بیلن بو مملکت ده همه‌شمول حکومت شکللنیشی، عصیانچی گروه‌لر گه قرشی کوره‌ش و بنگی‌وار ماده‌لر قاچاقی و باشقه مسئله‌لر بحث گه آلینه‌دی.»
بیزلرنینگ فیسبوک صحیفه‌میزگه باش اورینگ!
روسیه افغانستان وضعیتی گه دایر تورت تامانلمه ییغیلیش اوتکزیلیشیدن عین‌حالده خبر بیرماقده، بوندن آلدین افغانستان نینگ حاضرگی حکومت رسمی‌لری نیچه مراتبه همه‌شمول حکومت شکللنیشی، عصیانچی گروه‌لر گه قرشی کوره‌ش و بنگی‌وار ماده‌لر قاچاقی خصوصیده اوز جواب‌لرینی اعلام قیلگنلر.
ینگی‌لیکده سرپرست حکومت سوزلاوچیسی ذبیح‌الله مجاهد، روسیه تشقی ایشلر وزیری سرگئی لاوروف نینگ افغانستان ده همه شمول حکومت شکللنیشی گه دایر بیاناتی گه جواب، حکومت‌لرینی همه‌شمول و بو توغریده‌گی بیانات‌لر نی افغانستان نینگ ایچکی ایشلری گه اره‌لشیش دیگن.
برچه‌سی بیلن، منطقه مملکت‌لری بو کبی ییغیلیش‌‌لرنی اوتکزیش دن مقصدلری نیمه و بو ییغیلیش‌لر عاقبتی نیمه بولیشی ممکن؟
بیزلرنینگ «ایکس» ترماغی ده هم تعقیب قیلینگ!
سیاسی ایش بیلرمان ویس ناصری نینگ سلام‌وطندار گه ایتیشیچه: «بو کنفرانس‌لر گه کوره، اولکه‌لر افغانستان نینگ وضعیتینی اوزاق دن کوزه‌تماقده و اولر افغانستان ده اوزگریش کیلیشنی ایسته‌یدیلر.
ایکّی ییل دن بیری قطار مملکت‌لر افغانستان ده همه‌شمول حکومت شکللنیشی اوستیگه تاکیدلب و بو مملکت توپراغی باشقه اولکه‌لر اوچون تهدید ایکن‌لیگیدن خواطر بیلدیرگن بولسه‌لر ده، بیراق افغانستان سرپرست حکومتی حاضرگچه اوشبو مملکت‌لر نینگ بوتوغریده‌گی خواست‌لری اوچون قانیقتیره آلمه‌گن.
خلق‌ارا مناسبت‌لر ایش بیلرمانی ولی فروزان نینگ ایشانچی گه کوره، دنیا همجمعیت افغانستان ده‌گی وضعیت حلی اوچون واحد بیر قرار گه کیله آلمه‌گن. «مملکت‌لر همه‌شمول حکومت شکللنیشی حقیده گپله‌یدیلر و مقصدلری ائتلافی حکومت شکللنیشی دیر، سونگی قیرق ییل ایچیده بو کبی حکومت افغانستان ده نتیجه بیرمه‌گن.»
ایتیش کیره‌ک سونگی ایکی ییل ده افغانستان وضعیتی گه دایر کوپ سانده ییغیلیش‌لر اوتکزیلدی بیراق بو ییغیلیش‌لردن هیچ بیری عملی نتیجه بیرمسلیگی باعث تنقیدلر گه سبب بولگن.
