مملکت معارف وزیرلیگی سرپرستی و جوزجان محلی رسمی‌لری نینگ حضوری بیلن، شنبه کونی، ۱ میزان، مذکور ولایت نینگ آقچه تومنیده قیزلر گه عاید بیر مدرسه نینگ تمل تاشی قوییلگن.
معارف وزیرلیگی سرپرستی حبیب‌الله آغا، جوزجان ولایتی آقچه تومنیده قیزلر گه عاید بیر مدرسه نینگ تمل تاشینی قوییش مراسمی ده ایتیشیچه، دینی تعلیم آلیش اوچون ییگیت‌لر کبی قیزلر نینگ اوستیمیز گه حقی بار و قیزلر نینگ «جهالتی» اوغیل باله‌لر گه قره‌گنده کوپراق دیر.
بیزلرنینگ فیسبوک صحیفه‌میزگه باش اورینگ!
معارف وزیرلیگی سرپرستی گه کوره، زمانه‌وی تعلیم بیلن تکنالوژی اخترا قیلیش ممکن و زمانه‌وی تعلیم آلمسدن مملکت نینگ رواجلنیشی امکان‌سیز دیر.
حبیب‌الله آغا اوز سوزلری دوامیده، وحدت و اتفاق‌لیک نی مملکت نینگ یوکسه‌لیش سببی عنوان قیلیب و مملکت ده مکتب و دینی مدرسه‌لر قوریلیشی اوستیگه تأکید ایتگن.
مذکور مراسم ده جوزجان امنیه قوماندانی حفیظ‌الله پهلوان نینگ ایتیشیچه، اوشبو مدرسه اوچ قووت ده پخته و اساسی شکلده قوریلیب و بیر مینگ ۵۰۰ قیز اوقووچی سیغه دی و خرجتی ۱۵ میلیون افغانی تخمین ایتیلگن.
جوزجان امنیه قوماندانی گه کوره، قیزلر نینگ دینی تعلیم گه علاقه‌سی کوپه‌یگن شونی اوچون مذکور مدرسه نینگ تمل تاشینی قویگنلر.
بیزلرنینگ «ایکس» ترماغی ده هم تعقیب قیلینگ!
اوشبو مراسم ده، جوزجان حاکمی گل‌حیدر شفق، مملکت ده مسلکی کدرلر جدی نیازی بارلیگی اوستیده تأکیدلب و یاش‌لرنی عصری و دینی تعلیم آلیش اوچون تلاش قیلیش‌لرینی سوره‌گن.
باشقه تاماندن، جوزجان آقچه تومنی اولسوالی اسلام امیرلیگی رسمی‌لریدن، مکتب و مدرسه‌لرنی قوریش بیلن، اوشبو تومن ده‌گی اوسمیرلر و ییگیت‌لر گه تعلیم زمینه‌سی یره‌تیلیشینی طلب قیلگنلر.
