سرپرست حکومت سوزلاوچیسی ذبیح‌الله مجاهد‌نینگ ایتیشیچه، روسیه خوفسیزلیک کینگشی باش‌کاتبی سرگی شویگو، افغانستان گه قیلگن سفری‌ده، اوشبو مملکت‌نینگ تقیق‌لنگن گروه‌لری رویخطیدن اسلام امیرلیگی آتی چیقریلیش موضوع‌سی‌‌نینگ اینگ یقین‌ده نهایی بولیشی‌دن ایشانچ بیلدیرگن.
مجاهد‌نینگ کوپه‌یتیریشیچه، روسیه‌نینگ تقیق‌لنگن گروه‌لری رویخطیدن اسلام امیرلیگی آتی چیقریلیشی، ایکی مملکت آره‌سیده‌گی دیپلماتیک مناسبت‌لر‌نینگ ینگی باسقیچ‌گه آلیب باریشی ممکن. «بو موضوع ایکی مملکت اوچون مهم دیر؛ چونکه افغانستان و روسیه مناسبت‌لری یخشی‌لنماقده و ایکی مملکت بیر-بیریگه کوپینچه سوداگرلیک و اقتصادی نیازی بار و ایکی مملکت آرقه‌لی بو توسیق‌لیک‌لر‌نینگ حل قیلینیشی‌گه نیاز بار.»
بیزلرنینگ «ایکس» ترماغی ده هم تعقیب قیلینگ!
بو بیلن بیرگه، ۶-قوس، سه‌شنبه کونی کرملین سوزلاوچیسی دیمیتری پسکوف، خبری بیر ییغیلیش‌ده ایتیشیچه، اوشبو مملکت‌نینگ تقیق‌لنگن گروه‌لری رویخطیدن اسلام امیرلیگی آتی چیقریلیشی‌نینگ رسمی بولیشی کیره‌ک.
شونینگدیک روسیه‌نینگ پارلمان نمایده‌لریدن قطاری، اوشبو مملکت پارلمانی گه قانون لایحه‌سینی اوزه‌تگنلر که اونینگ اساسیده، اسلام امیرلیگی وقتینچه‌لیک شکلده روسیه‌نینگ تقیق‌لنگن گروه‌لری رویخطیدن چیقیشی ممکن.
شونده‌ی بیرحالده، سیاسی مسئله‌لر و خلق‌ارا رابطه‌لر بیلرمان‌لریدن قطاری‌نینگ ایتیشلریچه، روسیه بیلن اسلام امیرلیگی همکارلیک‌لری‌نینگ کینگه‌یشی، ایکی مملکت آره‌سیده‌گی دیپلماتیک علاقه‌لر کوچ‌لنیشی اوچون زمینه یره‌تیشی ممکن.
سیاسی مسئله‌لر بیلرمان‌لریدن محمدزلمی افغانیار پوپل‌نینگ ایتیشیچه: «افغانستان حکومتی اوتگن اوچ ییل‌ده اقتصاد محور سیاست بیلن باشقه مملکت‌لر‌نینگ ایچکی ایشلری گه اره‌لشمسلیک‌نی بیان قیلگن که انه شوو سبب، افغانستان بیلن مناسبت‌لر کینگه‌یشی اوچون روسیه قناعتی یره‌تیلگن.»
خلق‌ارا رابطه‌لر بیلرمان‌لریدن ولی فروزان‌نینگ ایتیشیچه، روسیه اوز منفعت‌لری اوچون اسلام امیرلیگی بیلن مناسبت‌لرینی برقرار ایتیش‌گه سعی‌وحرکت قیلماقده. اونینگ کوپه‌یتیریشیچه: «روسیه خوفسیزلیک و دنیا رقابت‌لری اوچون اوزی گه متحد قیدیرماقده؛ چونکه اوچ یول‌دن کوپ زیان کوره‌دی که مذکور یوللردن بیری افغانستان دیر. شونینگدیک افغانستان و بگرام پایگاه‌سی حقیقده ترامپ‌نینگ بیاناتی روسیه‌نینگ افغانستان گه قیزیقیشی‌گه سبب بولگن.»
بیزلرنینگ فیسبوک صحیفه‌میزگه باش اورینگ!
سرپست حکومت‌نینگ قدرت گه ایریشگنی‌دن کیین، روسیه نیچه مرته تقیق‌لنگن گروه‌لری رویخطیدن اسلام امیرلیگی آتی‌نینگ چیقریشینی ایتگن دیر؛ بیراق بو قرار حاضرگچه عمل‌گه آشیریلمه‌گن.
اوتگن اوچ ییل‌ده، قزاقستان و قرقیزستان افغانستان بیلن مناسبت‌لری‌نینگ کینگه‌یشی اوچون، تقیق‌لنگن گروه‌لری رویخطیدن اسلام امیرلیگی آتی‌نی چیقرگن.