تخنیکی و مسلکی تعلیمات اداره‌سی مسئوللری بوگون (یکشنبه، ۲۵-سنبله)، امارتی اداره‌لر نینگ بیر ییل‌لیک یوتوقلرینی بیان قیلیش برنامه‌سیده ایتیشلریچه، حاضر مدیریت بولیمی‌ده ۳۵ مینگ «مجاهد» تعلیم کورماقده.
تخنیکی و مسلکی تعلیمات اداره‌سی سرپرستی غلام‌حیدر شهامت نینگ ایتیشیچه، اسلام امیرلیگی کوچلری نینگ بیلیم درجه‌سی انیق‌لنگنیدن کیین ۹- و ۱۲-صنف‌دن اوشبو اداره نینگ تعلیمی مرکزلری گه جذب بوله‌دیلر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «تخنیکی و مسلکی تعلمات اداره‌سی، ۹- و ۱۲-صنف‌دن بیلیم درجه‌سی انیق‌لنگنیدن کیین اسلام امیرلیگی کوچلریگه تعلیم نی باشله‌گن. حاضر افغانستان بویلب ۳۵ مینگ مجاهد مدیریت بولیمی‌ده تعلیم کورماقده که بو مذکور اداره اوچون بویوک بیر فخر و شونینگدیک ییل‌لر جان و ماللری بیلن مبارزه قیلیب، تعلیم و تحصیل‌دن اوزاق قالگن کیشیلر گه یخشی بیر خذمت دیر.»
شونینگدیک مسلکی و تخنیکی تعلیمات اداره‌سی مسئوللری نینگ ایتیشلریچه، اوتگن بیر ییل‌ده ۳۲ میلیون دالر ارزشی‌گه ۱۶ همکارلیک شرط‌نامه مذکور اداره بیلن ایچکی و تشقی نهادلر آره‌سیده امضالنگن. اولر نینگ کوپه‌یتیریشلریچه، اوتگن بیر ییل‌ده قریب ۸۰ مینگ کیشی مذکور اداره نینگ مکتب‌لری و انستیتوت‌لری گه جذب بولگنلر.
تخنیکی و مسلکی تعلیمات اداره‌سی مسئوللری گه کوره، شو مدت‌ده ۱۹ مینگ کیشی مذکور اداره نینگ تعلیمی مرکزلریدن فارغ بولیب و شونینگدیک اوشبو اداره اسلام امیرلیگی‌دن ۲۰ مینگ مسلکی و حرفه‌ای کوچلر تعلیمی اوچون تعهد قولگه کیلتیرگن.
شونده‌ی بیرحالده، تخنیکی و مسلکی تعلیمات اداره‌سی نینگ تخنیکی و مسلکی ایشلری بوییچه اورین‌باسری غلام‌سعید احساس نینگ ایتیشیچه، بوندن کیین مذکور اداره وزیرلیکلر نینگ تخنیکی و مسلکی نیازلریدن برچه‌سی گه جواب قیتریشی ممکن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «تخنیکی و مسلکی تعلمیات اداره‌سی، ایش اداره‌سی آرقه‌لی برچه وزیرلیکلر گه مکتوب یوبارگن که بو رقم اولر نینگ تخنیکی و مسلکی نیازلری بو اداره آرقه‌لی تانیلسه و حل بولسه.»
تخنیکی و مسلکی تعلیمات اداره‌سی مسئوللری، ۷۰ تقنینی حجت نینگ یکونلنیشی، کوزدن عاجز کیشیلر اوچون ۶ مرکز یره‌تیلیشی، حرفه‌ای تعلیم‌لر اوچون ۹ مملکت نینگ اوقوو دستورینی مدل‌لشتیریلیشی، درسی منبع‌لرنی یازیش بوییچه کورستمه‌لرنی ترتیب‌گه سالینیشی، علمی و تحقیقی رساله‌لر و باشقه بیر قطار نرسه نی، اوتگن بیر ییل‌ده مذکور اداره نینگ باشقه یوتوقلریدن دیگنلر.
