تخار ولایتی محلی رسمی‌لری، اوشبو ولایت مرکزی تالقان شهریده سیس افلاسلنیشی گه سبب بوله‌دیگن موتر و موترسایکل‌لر قتنه‌شیگه ایزین بیریلمسلیگینی اېته‌دیلر. تخار ولایتی امنیه قوماندانلیگی نینگ امنیت آمری ذکرالله ذاکر، باغلیق مسئوللر گه شهر ایچیده سیس افلاسلنیشی گه سبب بوله‌دیگن موتر و موترسایکل کبی واسطه‌لر توخته‌تیلیشی و اولر گه قتنش ایزینی بیریلمسلیک بویروغینی بیرگن.
تخار ولایتی خواجه‌غار تومنیده محلی مسئوللر، شاعرلر، یازووچیلر و فرهنگ‌سیورلر نینگ اشتراکی بیلن یولگه قوییلگن مخصوص احتفالده، اوچ کتاب نینگ تقدیمات مراسمی اۉتکزیلگن. «یورک قیغوسی»، نوای هزارباغ» و «ارمغان تخار» عنوانیده یازیلگن کتاب‌لر نینگ تقدیمات مراسمی محلی مسئوللر، شاعرلر، فرهنگ‌سیور و ضیالی کیشی‌لر نینگ حضوری بیلن تخار ولایتی خواجه‌غار تومنیده اۉتکزیلگن.
تخار ولایتی محلی رسمی‌لری، اوشبو ولایت نینگ فرخار تومنیده ترافیکی حادثه عاقبتیده بیر عایله نینگ توقیز اعضاسی اولیب و یره‌لنگنیدن خبر بیرگنلر. تخار ولایتی امنیه قوماندانلیگی سۉزلاوچیسی عبدالمبین صافی، اوشبو خبرنی تصدیقلب ایتیشیچه، بو حادثه فرخار تومنی «سینگان» منطقه‌سیده «آلتو» رسوملی بیر موتر سرکدن چیقیب قوله‌شی عاقبتیده یوز بیرگن.
مملکت شمال-شرقی ده جایلشگن تخار ولایتی نینگ مرکزی تالقان شهریده «تخار قصری» ده «وطنی و قول توقیمه» محصولات کورگزمه‌سی یولگه قوییلگن. اوشبو کورگزمه تشکیلاتچیلری بوگون (۱۶-اسد، سه‌شنبه) سلام‌وطندار بیلن اۉتکزگن صحبت‌لریده، تدبیرکار عیال و ایرکک‌لر اۉز محصولات و قول توقیمه‌لرینی ۱۰۰ غرفه ده کورگزمه گه قویگنلرینی معلوم قیله‌دیلر.
تخار ولایتی دشت‌قلعه تومنی یشاوچیلری آی‌خانم بولاغی نینگ بوزیلیشیدن خواطر بیلدیریب و سرپرست حکومت‌دن اوشبو بولاق بیلن اونینگ اطرافیده‌‌گی دیوارلر نینگ قیته قوریلیشی نی ایسته‌گنلر.
تخار ولایتی فدراسیون مسئوللری، اوشبو ولایت نینگ مرکزی تالقان شهری ده کوره‌ش بیلله‌شوولری اۉتکزیلگنینی معلوم قیلگنلر.
تخار ولایتی خواجه‌غار تومنیده جایلشگن امیر علی‌شیر نوایی مکتبی‌ده‌گی اوقیتووچیلر نینگ ایتیشلریچه، اوشبو مکتب اوتگن اوروشلر نتیجه‌سیده ویران بولگن. مذکور اوقیتووچیلر گه کوره، اوشبو مکتب نینگ دیوارلری و صنفلری ویران بولگنی سبب درس جریانیده صنفلر تامی ییقیلیب، اوزلری و اوقووچیلر گه زیان ییتیشیشی‌دن قورقه‌دیلر.
تخار معلومات و مدنیت ریاستی نینگ کتاب‌خانه‌سیده، بوگون «مخمل خیال» آتیده نقاشلیک صناعتی کورگزمه‌سی اوتکزیلگن.
یاز موسومی ییتیب کیلیشی بیلن تخار ولایتی‌ده‌گی ایکینچیلر و باغ‌دارلر محصوللری نینگ توپلش بیلن شغللنگنلر. اولر اوتگن ییل گه قره‌گنده بو ییل حاصللری کوپه‌یگنی‌دن خورسند‌لیک قیلیب؛ بیراق محصوللری گه ماس بازار یوقلیگی‌دن شکایت قیله‌دیلر.
ایکینچیلیک، سوغاریش و چاروه‌چیلیک وزیرلیگی نینگ سوولی ییرلرنی قوریتیش و تیگیسلش رسمی‌لری، تخار ولایتیده مینگلب جریب سوولی ییر قوریتیلیب و تیگیسلنیشیدن خبر بیرگنلر. ایکینچیلیک وزیرلیگی نینگ سوولی ییرلرنی قوریتیش و تیگیسلش اداره باشلیغی شیرمحمد حاتمی ییتکچیلیگیده اوشبو وزیرلیک هیئتی، بوگون (۱۹-سرطان، سه‌شنبه) تخار ده سوولی ییرلرنی کوزه‌تیش مقصدیده بو ولایت گه سفر قیلگن.
تخار ولایتی معلومات و مدنیت ریاستی نینگ سیاحتچی‌لیک بولیمی آمری نورالدین راسخ نینگ ایتیشیچه، اوتگن بیر آیده ۳۰ مینگ‌دن آرتیق ایچکی و تشقی سیاحتچی تخار ولایتی نینگ فرخار، ورسج، کلفگان، چاه‌آب و دشت‌قلعه تومن‌لریدن کوریب چیققنلر.
تخار ایکینچیلیک، سووغاریش و چاروه‌چیلیک ریاستی، دهقانلر گه آسایشته‌لیک یره‌تیلیشی و مشوره بیریلیشی مقصد، رواجلنتیریش آنلاین خذمت‌لر مرکزی نی ایجاد قیلگنلر.
تخار ده چین‌لیک بیر کیشی، اوشبو ولایت مرکزی تالقان شهری ده مسلمان بولگن. مالی اسملی مذکور کیشی بوگون (۸-سرطان، جمعه) تالقان شهری جامع مسجدی ده، محمد زکریا فائز نینگ جمعه نمازی خطبه‌سیدن سۉنگ شهادت کېلتیریب و اسلام دینینی قبول قیلگن.
تخار ولایتی مرکزی و دشت‌قلعه تومنی قیشلاقلری‌دن ۱۰ تیم نینگ اشتراکی بیلن «جام عیدی» اسمی آستیده یولگه قوییلگن تورت کونلیک والیبال بیللشوولری، اوتگن پنج‌شنبه کونی یکونلنگن. مذکور بیللشوولرده جوانان کوکچه تیمی بیرینچی اورین و عقابان دشت‌قلعه تیمی ایسه ایکینچی اورین‌نی ایگه‌لگنلر.
سرپرست حکومت ترانسپورت و هوا یول‌لری وزیرلیگی نینگ هواشناسلیک ریاستی بوگون (۲۸-جوزا، دوشنبه) مملکت نینگ ۶ ولایتیده نسبتاً کوچلی یامغیر بیلن سوو تاشقینی و بوران یوز بیریشی احتمالی‌دن آگاه‌لنتیرگن.
تخار خوفسیزلیک مسئوللری نینگ ایتیشلریچه، اوشبو ولایت‌ده یوز بیرگن ترافیکی حادثه نتیجه‌سیده، توقیز کیشی اولیب و یره‌لنگن.
تخار امنیه قوماندانلیگی سوزلاوچسی عبدالمبین صافی نینگ ایتیشیچه، مذکور حادثه بوگون ایرته‌لب «سراچه» و «فولدر» رسوملی ایکی موتر هیداوچیلری نینگ احتیاط‌سیزلیگی نتیجه‌سیده، اوشبو ولایت بهارک تومنی نینگ «پوسته‌ی کوترمه» منطقه‌سیده یوز بیرگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
