بیرلشگن ملت‌لر تشکیلاتی خوفسیزلیک کینگشی، ۲۶۶۵ قطعنامه نی تصدیقلش بیلن اسلام امیرلیگی ییریک رسمی‌لری و اولر گه باغلیق نهادلر گه قرشی تحریم‌لرنی نظارت قیلووچی تیم ماموریتینی ینه بیر ییل گه قدر اوزه‌یتیریش گه قرار قیلگن.
اوشبو قطعنامه تائید بولیشی بیلن تحریم‌لرنی نظارت قیلووچی تیم، تحریم‌لر عملگه آشیریلمسلیگی خصوصیده معلومات ییغیب و اونی تحریم‌لر کمیته‌سی اختیاری گه قرار بیریش‌گه مکلف دیر.
شو بیلن بیرگه، اسلام امیرلیگی سوزلاوچیسی نینگ اورین باسرلریدن بلال کریمی بیرلشگن ملت‌لر تشکیلاتی خوفسیزلیک کینگشی نینگ سونگی قراری گه مناسبت بیلدیریب ایتیشیچه، دنیا افغانستان خلقی و اسلام امیرلیگی بیلن یخشی یول‌لر آرقه‌لی تعامل قیلیشی کیره‌ک و تحریم‌لر برچه تامان‌لر اوچون یامان عاقبتی بولیشی ممکن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «بیز دیپلوماسی و مذاکره‌لر گه ایشانه‌میز. افغانستان خلقی و دنیا اونمیگه دیر، قیینچیلیککه سبب بوله‌دیگن حرکت‌لر آلدی آلینیشی لازم، چونکه افغانستان ده برچه تامان‌لر اوچون یامان عاقبتی بولیشی ممکن.»
خلق‌ارا مناسبت‌لر ایشلری بوییچه ایش بیلرمان شفیق‌الله سادات نینگ ایتیشیچه، اسلام امیرلیگی گه قرشی تحریم‌لرنی نظارت قیلووچی تیم نینگ ماموریتی اوزه‌یتیریلیشی، افغانستانده دنیا همجمعیت نینگ خواست و اراده‌لری عملی بولمسلیگیدن درک بیره‌دی.
اونگه کوره: «انسان حقلری و عدالت اساسیده، خلق‌ارا اسلوب‌لر شکللنه‌دی و اوشبو تیم نینگ ایشی اوزه‌یتیریلیشی بیلن، بیرلشگن ملت‌لر تشکیلاتی خلق‌ارا اسلوب‌لر رعایت ایتیلیشی گه قوشیمچه، افغانستان ده همه شمول حکومت شکللنیش مقصدیده سعی و حرکت قیلماقده.»
باشقه تاماندن بیلیم یورت اوقیتووچیسی حیدر شجاعی گه کوره، بیرلشگن ملت‌لر تشکیلاتی خوفسیزلیک کینگشی نینگ تحریم‌لرنی نظارت قیلووچی تیم ایشی اوزه‌یتیریلیشی و تحریم‌لر دوام ایتیش سببی خلق‌ارا توزوم، اسلام امیرلیگی نینگ تن آلمسلیک دیر.
بیلیم یورت اوقیتووچیسی حیدر شجاعی نینگ کوپه‌یتیریشیچه: «اسلام امیرلیگی دنیا همجمعیت تامانیدن حاضرگچه تن آلینمه‌گن و شونینگدیک اسلام امیرلیگی بیرلشگن ملت‌لر تشکیلاتی نینگ قیرمز چیزیغینی رعایت قیلمه‌گن، بو ایش تحریم‌لر دوامی و تحریم‌لرنی نظارت قیلووچی تیم نینگ ایشی اوزه‌یتیریلیشی گه سبب بولگن.»
بیزلرنینگ توییترده هم تعقیب قیلینگ!
ایتیش کیره‌ک که، بیرلشگن ملت‌لر تشکیلاتی اسلام امیرلیگی قدرت گه ایریشگنیدن بویان، اولر گه قرشی سیاسی و اقتصادی تحریم‌لرنی عملگه آشیرگن.
اسلام امیرلیگی رهبرلری نینگ خارجی سفرلری معافیتی لغو ایتیلمسلیگی و بیرلشگن ملت‌لر تشکیلاتی ده افغانستان نماینده‌لیگی اسلام امیرلیگی گه بیریلمسلیگی، اوشبو تحریم‌لر نینگ ییریک موردلریدن سنله‌دی.