غور ده تاووقچیلردن بیرقطاری نینگ ایتیشلریچه، اوشبو ولایت ده «پلورم» کسل‌لیگی کوپه‌یشی اولر نینگ خواطری گه سبب بولگن.
چرچاق‌لیک، ضعیف‌لیک، پرلری نینگ بیر بیری گه یاپیشی، تاووق‌لر نینگ ظاهری اوزگریلیشی پلورم کسل‌لیگی نینگ بیلگی‌لریدن دیر.
غور مرکزی فیروزکوه شهری ده ۱۰ ییل دن بیری تاووقچیلیک قیلیب کیلگن رستم نینگ ایتیشیچه: «پلورم کسل‌لیگی حاضرگی بیر کسل‌لیک ایمس و اوشبو کسل‌لیک هر وقت بار. اوشبو جوجه‌لر گه یخشی قره‌یمیز. یخشی دانه و ویتامین بیره‌میز.»
بیزلرنینگ فیسبوک صحیفه‌میزگه باش اورینگ!
غور ده تاووقچیلر، مذکور ولایت مسئوللری و یاردم بیرووچی موسسه‌لردن، قوشلر کسل‌لیگی نی تانیش، آلدینی آلیش و درمانی اوچون، اولر گه تعلیم و دارو ترقه‌تیلیشی نی ایسته‌یدیلر.
شونده‌ی بیرحالده، تاووق‌دارلیک بوییچه ایش بیلرمان‌لری نینگ ایتیشلریچه، پلورم کسل‌لیگی آق ایچ‌کیتمه و بیر تور یوقمه کسل‌لیک دیر و تورلی یول آرقه‌لی تاووق‌لر اینیقسه جوجه‌لر گه انتقال تاپیب و اولر نینگ تلف بولیشی گه سبب بوله‌دی.
غور ده تاووق‌دارلیک بوییچه ایش بیلرمان‌لریدن غوث‌الدین اسماعیل‌زاده نینگ ایتیشیچه: «تاووق یومورتقه‌سی و اوشبو کسل‌لیککه چلینگن تاووق یولی آرقه‌لی جوجه‌لر گه انتقال تاپه‌دی و آزیق-آوقات و سوو نینگ افلاسلنیشی بیلن هم انتقال تاپه‌دی. افلاسلنگن اینکوبتسیه ماشین‌لری یولی آرقه‌لی هم کسل‌لیک انتقال تاپه‌دی.»
اونگه کوره، کسل تاووق‌لر نی درمان قیلیش اوچون «یورزودولیدون» اسملی دارو‌لردن قوللنیله‌دی.
غور ایکینچیلیک، چاروه‌چیلیک و سووغاریش ریاستی مسئوللری نینگ ایتیشلریچه، تاووق‌لر گه علاوه، باشقه قوشلر هم پلورم کسل‌لیگی گه چلینه‌دی.
بیزلرنینگ توییترده هم تعقیب قیلینگ!
غور ایکینچیلیک باشلیغی غلام‌محمد شهامت کاظم نینگ ایتیشیچه، حاضرگچه پلورم کسل‌لیگی نینگ تانیش و درمان قیلیش اوچون، مرکور مملکت‌ده سروی صورت تاپمه‌گن؛ بیراق اونگه کوره، اوشبو ریاست مسئوللری کلینیک‌لر و وترینر هماهنگ‌لیگی‌ده تاووق فارم‌لری ایگه‌لری بیلن همکارلیک قیلماقده‌لر.
غور ایکینچیلیک باشلیغی نینگ کوپه‌یتیریشیچه: «بو موضوع اوچون مرکزدن بودجه ایسته‌گن‌میز و بودیجه بیریلگنی صورت‌ده، سروی نی باشله‌یمیز. تومن‌لر بوییچه ۵۰ ته حیوانی کلینیک، دارو‌خانه‌لر، شفاکار و وترینر بار و اهالی مراجعت قیله‌دی.»
پلورم قوشلر آره‌سیده ترقله‌دیگن و کوپراق کیچیک جوجه‌لر چلینه‌دیگن یوقمه بیر کسل‌لیک دیر.
