خلق‌ارا بیش تشکیلات قوروقچیلیک نینگ دوامی و اونینگ افغانستان جمعیتی‌دن یریمی‌دن آرتیغی اوستیگه تاثیری قیلیشی‌دن آگاه‌لنتیرگن. آچلیکّه قرشی کوره‌ش تشکیلاتی، خلق‌ارا ساغلیق‌نی سقلش تشکیلاتی، اسلامی انسان‌پرورلیک یاردم‌لر تشکیلاتی، باله‌لرنی قوتقریش خلق‌ارا تشکیلاتی و ورلد ویژن خلق‌ارا تشکیلاتی، ۱۶-دلو، دوشنبه کونی بیر بیانیه آرقه‌لی افغانستان ده قوروقچیلیکلر دوامی خصوصیده آگاه‌لنتیریب، اوشبو مملکت جمعیتی نینگ یریمی دن آرتیغی قوروقچیلیک دن تاثیرلنگنینی ایتگنلر.
بو بیانیه نینگ بیر بولیمی‌ده خلق‌ارا باله‌لر تشکیلاتی، افغانستان ده‌گی باله‌لر قوروقچیلیک طفیلی تاثیرلنگنیدن خواطر بیلدیرگن. «ایکینچیلیک بیلن شغللنگن عایله‌لر، کوپراق زیان کوریشلری ممکن و خلق‌ارا معلومات‌لر اساسیده، ۲۰۲۴-ییل‌ده افغانستان ده قریب ۷.۸ میلیون باله ییترلی آزیق-آوقتلنه آلمه‌ی و قوروقچیلیک نینگ دوام تاپگنی صورت‌ده، باله‌لر حیاتی کوپراق خطر آستیده قرار تاپیشی ممکن.»
شونینگدیک، پروان ولایتی ده‌گی ایکینچیلردن قدیر گه کوره، قوروقچیلیک طفیلی بیر قطار ولایت‌لرده دهقان‌لر و باغدارلر زیان کورگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «قوروقچیلیک دوام قیلگنی صورت‌ده، اهالی آچیلیک بیلن روپه‌ره بوله‌دی و اهالی ایکینچیلیک یولی آرقه‌لی یخشی درآمد قولگه کیلتیره آلمه‌یدی.»
کابل ولایتی بوت‌خاک تومنی یشاوچیسی راشد نینگ ایتیشیچه، اوتمیش ده بیر ییل‌ده ییرلریدن ایکی برابر حاصل قولگه کیلتیره‌ر ایکنلر؛ بیراق حاضر ایسه دواملی قوروقچیلیک طفیلی، یالغیز بیر مرته حاصل آله‌دیلر.
اونگه کوره: «تومنی‌میز‌ده ایکی مرته حاصل قولگه کیلتیره‌ر ایدیک، بیراق حاضر ایسه قوروقچیلیک طفیلی یالغیز بیر مرته حاصل قولگه کیلتیره‌میز و بوغدای، جواری یا که باشقه ایکینچیلیک نرسه ایککنلری صورت‌ده، سوو یوقلیگی سبب، حاصل بیرمه‌یدی.»
شونینگدیک سوو و برق وزیرلیگی مسئوللری نینگ ایتیشلریچه، قوروقچیلیک اثرلری کمه‌یشی اوچون ۱۱ ولایت‌ده ۱۴۳ سوو توغانی نی قورگنلر.
بیزلرنینگ «ایکس» ترماغی ده هم تعقیب قیلینگ!
سوو برق وزیرلیگی نینگ سوو ییتکزیش بولیمی باشلیغی عمار مموزی نینگ ایتیشیچه، مذکور وزیرلیک قوروقچیلیک بیلن قرشی کوره‌ش اوچون، سوو حوزه‌سینی باشقریش برنامه‌لری و سوولر نینگ حد‌دن تشقری قوللنیلیشی آلدی آلینیش طرحی اوستیگه ایشله‌ماقده‌لر. «سوو و برق وزیرلیگی ۱۱ ولایت‌ده ۱۴۳ توغان‌لر نی قوریب و نیچه مینگ متر مکعب سوو نی ذخیره قیله آله‌دی و بو توغان‌لر میدان‌وردک، پکتیا، غزنی، لوگر، کابل، بغلان و باشقه ولایت‌لرده قوریلگن دیر. سوو حوزه‌سینی باشقریش برنامه‌لری و سوولر نینگ حد‌دن تشقری قوللنیلیشی آلدی آلینیش طرحی اوستیگه ایشله‌ماقده‌میز.»
عین‌حالده، ایکینچیلیک، چاروه‌چیلیک و سووغاریش وزیرلیگی مسئوللری نینگ ایتیشلریچه، قوروقچیلیک دهقان‌لر برابری ده‌گی اساسی معما بولیب و اولر گه کوپ ضرر ییتیشتیرگن.
اوشبو وزیرلیک سوزلاوچیسی مصباح‌الدیم مستعین یاردم بیرووچی مملکت‌لردن افغانستان ده قوروقچیلیک تاثیری کمه‌یشی اوچون، بو وزیرلیک بیلن همکارلیک قیلیشلرینی ایسته‌گن. «قوروقچیلیک مملکت‌ده ایچکی تولیدلر کمه‌یشی، ایکینچیلیک ییرلر بوزیلیشی و ایکینچیلیک تاسیسات زیان کوریشی گه سبب بوله‌دی. قوروقچیلیک اقلیم اوزگریشلری نینگ اثرلریدن بیری دیر که یالغیر افغانستان ده ایمس و او بیلن یالغیز قرشی کوره‌ش ممکن ایمس. مملکت‌لردن بیزلر بیلن همکارلیک قیلیب و ایکینچیلیک نی قوللب-قوتلش‌لرینی ایسته‌یمیز.»
عین‌حالده، طبیعی منبع‌لر بولیمی بیلرمانی خالد استانکزی نینگ سلام‌وطندار گه ایتیشیچه، سرپرست حکومت سطحی سوولر نینگ مدیریت قیلیشی کیره‌ک.
اونینگ کوپه‌یتیریشیچه: «ایکینچیلیک بولیمی‌ده قوروقچیلیک سبب، اورمان‌لر بولگن ساحه‌لرده، کوپراق مقاومتی بولگن درخت‌لر ایکیلیشی، سطحی سوولر مدیریت بولیشی و جذبی قودوق‌لرگه قار و یامغیر نینگ تشلنیشی کیره‌ک.»
ایتیش کیره‌ک که، بوندن آلدین بیرلشگن ملتلر تشکیلاتی نینگ آزیق-آوقت و ایکینچیلیک تشکیلاتی (فائو)، افغانستان ده ایکینچیلیک وضعیتی نی تیکشیریش‌دن کیین خواطر بیلدیریب ایتیشیچه، قوروقچیلیکلر سبب، جاری میلادی ییل‌ده ایکینچیلیک محصوللر کمه‌یگن دیر.
