ایچکی ایشلر وزیرلیگی سرپرستی سراج‌الدین حقانی و همراه هیئتی بیرلشگن عرب امیرلیگی رسمی‌لری بیلن اوچره‌شماقده اېکن، ینگی‌لیکده اسلام امیرلیگی سۉزلاوچیسی ذبیح‌الله مجاهد ایکس صحیفه‌سیده، اېریم موردلر اینیقسه اقتصادی ترقیات و خوفسیزلیک ساحه‌لریده همکارلیک قیلیش خصوصیده ایکّی مملکت کېلیشگنینی یازگن.
مجاهد نینگ کوپه‌یتیریشیچه، افغانستان نینگ حاضرگی وضعیتینی قوریقلش ده ابوطبی نینگ همکارلیک قیلیشی، منطقه ده خوفسیزلیک تأمین اېتیلیشی اوچون ایکّی تامانلمه سعی-حرکت‌لر، افغانستان نینگ قیته قوریش ایشلریده بیرلشگن عرب امیرلیگی نینگ حصه قوشیشی بو کېلیشوو نینگ بیر بولیمی دیر: «بیرلشگن عرب امیرلیگی گه سفر قیلگن مملکت ایچکی ایشلر وزیرلیگی سرپرستی، اېریم موردلرده اوشبو مملکت مسئوللری بیلن گپلشیب و کېلیشگن؛ ایکّی مملکت اۉرته‌سیده‌گی علاقه‌لر مستحکم‌لنیشی، افغانستان ده ساغلیق و خوفسیزلیک بنالرنی قوریش گه همکارلیک قیلیش، بیرلشگن عرب امیرلیگیده افغانستان‌لیک محبوس‌لر نینگ قوییب یوباریش مسئله‌سی، افغان‌لر اوچون ویزه صادر اېتیش، حاضرگی وضعیت نی قوریقلش و منطقه ده خوفسیزلیک تأمین اېتیلیشی اوچون سعی-حرکت قیلیش حقیده کېلیشیلگن.»
بیزلرنینگ فیسبوک صحیفه‌میزگه باش اورینگ!
شو بیلن بیرگه، سیاسی ایش بیلرمان‌لردن بیرقطاری چین نینگ افغانستان بیلن اقتصادی علاقه‌لرینی کېنگه‌یتیریش، روسیه نینگ سرپرست حکومت نی تن آلیش اوچون سعی-حرکت‌لری، قزاقستان نینگ تروریستی گروه‌لر رویخطی دن اسلام امیرلیگینی چیقریش و بیرلشگن عرب امیرلیگی نینگ همکارلیک قیلیش اوچون کېلیشووی گه اشاره قیلیب، افغانستان حاضر ینگی باسقیچ گه کېرماقده دیه ایشانه‌دیلر.
سیاسی ایش بیلرمان محمود اضطرابی نینگ سلام‌وطندار گه ایتیشیچه: «خلق‌ارا مناسبت‌لر ساحه‌سیده‌گی سۉنگی سعی-حرکت‌لر اینیقسه اسلام امیرلیگی تامانیدن فعال بیر دیپلماسی و بیر امید دیر، اولر نینگ امارات گه سفری اۉزی ینگی بیر حرکت دیر، بو منطقه ده باشقه اویین‌لردن درک بیره‌دی.»
بیزلرنینگ «ایکس» ترماغی ده هم تعقیب قیلینگ!
برچه‌سی بیلن اسلام امیرلیگی عملدارلری نینگ بیرلشگن عرب امیرلیگی گه سفری گه مناسبت، امریکا تشقی ایشلر وزیرلیگی سۉزلاوچیسی متیومیلر مملکت‌لردن اسلام امیرلیگی رسمی‌لری نینگ سفری و اولر گه یره‌تیلگن تحریم‌لرنی رعایت اېتیش‌لرینی اېسته‌گن.
ایتیش کېره‌ک، ایچکی ایشلر وزیرلیگی سرپرستی یېتکچیلیگیده اسلام امیرلیگی هیئتی، اوشبو هفته ابوظبی گه تشریف بویرگن.