«بوییمدن اَیرتیرگنیمده بوتونلی ایریلمه‌گن ایدی، رحم ایچیده قالگن پارچه توشیب کیتمه‌گونچه ۱۸ کون قان کیتدی. بو مدت ایچیده کوپ دارو استعمال قیلدیم.» بو اروپا گه باریش و اروپا مملکت‌لری تامانیدن مهاجرت ایشلری رد بولمسلیگی اوچون بوییدن ایرتیریش (سقط جنین) گه مجبور بولگن افغانستانلیک فقرا (مستعار اسملی) نسرین نینگ سوزلریدن بیر بولیمی دیر.
جمهوریت توزومی قولشیدن سونگ پاکستان گه باش پنه‌‌ایزلب بارگن نسرین گه کوره، اوشبو ییل کوکلم موسومی ده حامله‌دار بولیب و ایکّینچی مراتبه آنه بولیشنی سیزگندن کیین، مهاجرت ایشلری کیچیکتیریلمسلیگی اوچون، رحمیده‌گی ۴۵ کون‌لیک جنین‌نی دارودن قوللنیب ایرتیرگن.
نسرین نینگ ایتیشیچه، بوییدن ایرتیریش اونی روحی و جسمانی کسللیکلر گه چلینتیرگن. اونگه کوره: «دارو استعمال قیلیش اوستیمگه تاثیر قیلدی؛ جوده هم توشکونلیکّه توشگن‌من. ایریم بیلن یامان یانده‌شه من؛ کیچیک نرسه اوستیگه جنجللشه‌من؛ حتا اوز جانیمگه قصد قیلدیم؛ ایریم سیزیب رخصت بیرمه‌دی.»
بیزلرنینگ فیسبوک صحیفه‌میزگه باش اورینگ!
نسرین پاکستان گه باریش بیلن، جرمنی و امریکا قوشمه ایالتلری گه باش‌پنه تاپیش عریضه‌سینی بیرگن ایتیشیچه، باشقه چقه‌لاغی بولیش بیلن مهاجرت ایشلری کیچیکتیریلیشی و بوندن آرتیق پاکستان ده قالیشنی ایستمه‌یدی.
قاچقینلرنی قبول قیلووچی مملکت‌لر گه باریش اوچون بوییدن ایرتیریش گه قرار قیلگن یالغیز نسرین ایمس؛ بلکه سونگی ایکّی ییل ده پاکستان گه باریب و باشقه مملکت‌لر گه باش‌پنه عریضه‌سینی بیرگن باشقه بیر قطار عیاللر هم بوییدن ایرتیریش گه اقدام قیلگنلر.
جمهوریت توزومی قولشیدن سونگ عایله‌سی بیلن پاکستان گه بارگن افغانستانلیک (مستعار اسملی) مریم، بیر ییل آلدین داور استعمال قیلیب و عایله‌سیدن خبرسیز بوییدن ایرتیرگن.
حاضر ۳۰ یاشر و اوچ باله آنه‌سی مریم گه کوره، کانادا گه مهاجرت ایشلری کیچیکتیریلمسلیگیدن قورقیب، اوچ آی‌لیک جنین‌نی ایرتیریش گه مجبور بولگن. او نینگ کوپه‌یتیریشیچه: «بو ایش قولی ایمسدی؛ چونکه مین آنه‌من؛ بیراق قیزلریم نینگ تقدیری اوچون بو ایش گه اقدام قیلدیم. بوییمدن ایرتیرگنیمدن کیین نسایی-ولادی قیینچیلیگی تاپیلدی؛ نیچه مراتبه شفاکار گه مراجعت قیلدیم فایده قیلمه‌دی.»
بیزلرنینگ «ایکس» ترماغی ده هم تعقیب قیلینگ!
مریم و عایله اعضالری اوغیل بولیشنی آرزو قیلگن؛ لیکن مقصد قیلگن مملکت گه ایریشیش و پاکستان ده‌گی تقدیرسیزلیک دن قوتیلیش اوچون بونده‌ی ایش گه قول اورگن.
آنه بولیش آنه‌لر اوچون یخشی تویغو بولسه ده؛ بیراق مهاجرت و قاچقینلرنی قبول قیلووچی مملکت‌لر گه ایریشیش اوچون آنه‌لردن بیرقطاری آنه بولیش تویغوسی گه اعتبار بیرمه‌ی و بوییدن ایرتیریش دن سونگ روحی و جسمانی کسل‌لیکنی تحمل قیلیش گه مجبور بولگنلر.
شفاکارلر دن بیرقطاری نینگ ایتیشلریچه، بوییدن ایرتیریش یاکه ایریلیش، آنه‌لر اوچون عاقبتی یامان بولیشی ممکن.
پاکستان ده‌گی کسلخانه‌لر دن بیری نینگ شفاکاری شازیه گه کوره، بوییدن ایرتیریش آنه‌لرنی افسرده‌لیک، تشویش و جسمانی کسللیکلر گه چلنتیره‌دی. «چقه‌لاغینی قولدن بیریش هر بیر آنه اوچون قیین دیر. ایریم پیت‌لر عیاللر افسرده و یشش دن امیدسیز بوله‌دی و آنه بو مدت ایچیده روحی و جسمانی لحاظ دن اوزاق دوالنیشی کیره‌ک.»
جمهوریت توزومی قولشیدن سونگ پاکستان گه بارگن کوپ سانده عیاللر، اوزلری یا که عایله اعضالریدن بیری اروپا اولکه‌لری و امریکا قوشمه ایالتلری گه باش‌پنه عریضه‌سینی بیریشگن. بو عیاللردن بیرقطاری مهاجرت ایشلری کیچیکتیریلمسلیگی اوچون بوییدن ایرتیریش گه اقدام قیله‌دیلر.