بلخ ایکینچیلیک ریاستی‌ده مسئوللر نینگ ایتیشلریچه، بوگون (پنج‌شنبه، ۱۹-میزان)، اوشبو ولایت مرکزی مزارشریف شهریده بیر کون‌لیک ایچکی تولیدلر، ایکینچیلیک محصوللری و قول صناعتی کورگزمه‌سی یولگه قوییلگن.
بلخ ولایتی ایکینچیلیک، سوغاریش و چاروه‌چیلیک ریاستی مسئوللری، اوشبو ولایتده اۉتگن ییل گه نسبتن بو ییل سایبین حاصلی ۳۰ فایز آشگنینی معلوم قیله‌دیلر. مذکور اداره مسئوللری، ۱۵-میزان یک‌شنبه کونی بلخ ولایتی شولگره تومنیده اۉتکزگن ییغیلیش ده، دهقان‌لر نینگ سایبین ایکینی گه یوز کېلتیریشی بیلن بو محصول نینگ حاصلی کوپه‌یگنینی اېتگنلر.
بلخ ولایتی امنیه قوماندان‌لیگی ترافیک مسئوللری، بلخ-سمنگان قتناو یولیده ترافیکی حادثه عاقبتیده ایکّی کیشی هلاک بولیب و باشقه اوچ کیشی یره‌لنگنینی معلوم قیله‌دیلر.
بلخ معارف ریاستی مسئوللری نینگ ایتیشلریچه، تیکا دفتری مالی حمایتی بیلن قوریلگن سکیز صنف‌لی بیر مکتب نینگ قوریلیش ایشی یکونلنیب و فایده‌لنیش گه تاپشیریلگن.
بلخ ولایتی مطبوعات اداره‌سی، قرغیزستان نینگ انسان پرورلیک یاردملری اوشبو ولایت مرکزی مزارشریف شهری گه یېتیب کېلگنینی معلوم قیلگن. بلخ ولایتی مطبوعات اداره‌سی نینگ بیانیه‌سیده، اون، یاغ و شکر دن عبارت بولگن بو یاردملر ۷-میزان، شنبه کونی بلخ ولایتی مرکزی مزارشریف شهریده قیزیل آی جمعیتی اداره‌سی گه تاپشیریلگنی اېتیلگن.
بلخ معلومات و مدنیت ریاستی مسئوللری نینگ ایتیشلریچه، خلق‌ارا قول صناعتی کینگشی یا-ده «WCC» موسسه‌سی آرقه‌لی، اوشبو ولایتده ۵۰ ییگیت گه تیکووچیلیک اورگه‌نیش زمینه‌سی یره‌تیلگن.
بلخ ولایتی محلی مسئوللری، اوشبو ولایتدن افغانستان و اۉزبېکستان قۉشمه بازاری گه بیرینچی مرته ۲۰۰ تُن کچالو صادر قیلینگنینی معلوم قیله‌دیلر. بلخ ولایتی مقامی یېتکرمه‌لر مرکزی، ۲۷-سنبله، سه‌شنبه کونی بیر بیانیه ترقه‌تیب، اوشبو ولایتدن حیرتان سوداگرلیک بندری آرقه‌لی بیرینچی مرته یوک تاشووچی ۱۰ موتر ده ۲۵۰ تُن کچالو صادر قیلینگنیدن خبر بیرگن.
بلخ ده‌گی صناعتچیلر و ایشلب چیقریش شرکت‌لر مسئوللریدن بیرقطاری، اسلام امیرلیگی مسئوللریدن اولرنی قۉللب-قوتلش اوچون برق نرخی و تشقریدن وارد اېتیله‌دیگن خام اشیا سالیق‌لری کمه‌یتیریلیشینی سوره‌گنلر.
بلخ قاچقینلر ریاستی مسئوللری نینگ ایتیشلریچه، ایران و پاکستان دن قیتگن قاچقینلر گه ۱۲۵ یشش اوی نینگ قوریلیش ایشی باشلنگن. بلخ قاچقینلر ایشلری بوییچه باشلیغی اسدالله وفا نینگ ایتیشیچه، اوشبو یشش اویلر مذکور ولایت زارع، کلدار، چهاربولک و نهرشاهی تومن‌لریده قوریله‌دی.
بلخ ولایتی قاچقینلر باشلیغی اسدالله وفا گه کوره، قالین ایشلب چیقریش و پروسس قیلیش اوشبو مرکز مذکور ولایت نینگ قالین‌بافان شهرچه‌سیده قوریلگن، بو مرکز ۲۰-سنبله، سه‌شنبه کونی عصر پیتی، قاچینلر وزیرلیگی نینگ معینی عبدالرحمان راشد حضوری بیلن آچیلیب و فایده‌لنیشگه تاپشیریلگن.
بلخ ولایتی مقامی ترقه‌تگن بیانیه‌سیده، اسلام امیرلیگی رهبری اوشبو ولایت محلی مسئوللریدن، اسلامی تېزیم مستحکم‌لنیشی اوچون بیرینچیدن شریعت نی اۉزلری و کېین اېسه اهالی اوستیگه تطبیق اېتیش بویروغینی بیرگنینی بیلدیرگن. شیخ هبت‌الله آخوندزاده، اۉز بیاناتیده اتفاق، بیردملیک و برادرلیک اوستیگه تأکیدلب و بلخ ولایتی محلی مسئوللریدن تفرقه، قوم‌پرست‌لیک، تیل و سمتی قرشی‌لیک‌لر گه چېک قوییش‌لرینی سۉره‌گن.
ایکینچیلیک، سووغاریش و چاروه‌چیلیک وزیرلیگی مسئوللری نینگ ایتیشلریچه، جاری ییل جریانیده مملکت بویلب ۳۸ مینگ تُن بوغدای نی ساتیب آلیب و ذخیره قیله‌دیلر.
بلخ ولایتی مزارشریف شهری نینگ کامگار تورتیولیده، ۲۲ میلیون افغانی خرهجت بیلن بیر مسجد قوریلیب و بوگون (جمعه، ۹-سنبله)، مذکور ولایت محلی رسمیلری نینگ حضوری بیلن فایده‌لنیش گه تاپشیریلگن.
بلخ ده محلی مسئوللر نینگ ایتیشلریچه، مذکور ولایت مرکزی مزارشریف شهریده اوزبیکستان مملکتی نینگ مالی حمایتی بیلن قریب آلتی میلیون دالر ارزشی‌گه دینی بیر مدرسه قوریله‌دی.
اوتگن دوشنبه کونی ۲۹-اسد، بلخ ولایتی نهرشاهی تومنیده خیریه بیر موسسه آرقه‌لی درمانی بیر مرکز نینگ قوریلیش ایشی باشلنگن.
بلخ محلی مسئوللری نینگ ایتیشلریچه، اوشبو ولایتدهگی «مفید گروپ» اسملی خصوصی بیر شرکت آرقه‌لی تولید بولگن ۲۵ تُن حیوانی آذوقه، بیرینچی مرته تاجیکستان گه صادر بولگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
