تخار، سمنگان و قندوز ده‌گی دهقان‌لردن بیرقطاری نینگ ایتیشلریچه، بیر آی دن بویان چیگیرتکه‌لر (ملخ) بوغدای، قاوون و پمیدار ایکین‌لری گه هجوم قیلیب و اولرنی یوق ایتگن.
تخار دشت‌قلعه تومنی یشاوچیسی آدم‌خان نینگ ایتیشیچه، ییرلریدن بیری ده ۸۰ سیر بوغدای ایککن ایدی، بیراق چیگیرتکه‌لر ۵۰ سیرینی یوق ایتگن. او نینگ کوپه‌یتیریشیچه: «چیگیرتکه‌لر چوللردن کیلیب و ایکین‌لریمیز اوستیگه هجوم قیله‌دی. بیرینچی موسوم ایکینینی بوتکول ییگن، شالی، ماش و باشقه نرسه‌لر شامل ایکینچی موسوم ایکینیدن حاصل آلیش یا آلمسلیک معلوم ایمس. چیگیرتکه‌لر سانی کوپ و آلدینی آلیش قیین دیر.»
سمنگان ده قوم بویوکی و دهقان غوث‌الدین گه کوره، اوشبو ولایت ده بوغدای و ارپه ایکین‌لریدن ۴۰ فایزینی چیگیرتکه‌لر یوق ایتگن. او نینگ کوپه‌یتیریشیچه: «بیز کوپ سان ده چیگیرته‌لرنی یوق ایتدیک. بو ییل چیگیرتکه‌لر حد دن آشه کوپ ایدی، یوق ییتمه‌گن حالده سمنگان بویلب ییره‌لیشی ممکن ایدی. حاضر هم مینگلب هکتار ییر تهدید آستیده دیر.»
بیزلرنینگ فیسبوک صحیفه‌میزگه باش اورینگ!
شونینگدیک، قندوز یشاوچیسی جواد گه کوره، دله‌لریده چیگیرتکه‌لر هجومی آلدی آلینمه‌گن تقدیرده، اوشبو ییل ده محصول آلالمسلیک‌لری ممکن. او چیگیرتکه‌لر هجومی باعث محصولات‌لریدن بیر قسمی یوق ایتیلیشیدن خواطر بیلدیریب ایتیشیچه: «چیگیرتکه‌لر دله‌لریمیز گه هجوم قیلیب و محصولاتیمیز نینگ بیر قسمینی یوق ایتدیلر.»
عین‌حالده، سمنگان ولایتی ایکینچیلیک ریاستی نینگ اوسیم‌لیک‌لرنی حفاظت قیلیش و قرنتین عمومی مدیری گلاب‌الدین غیاثی نینگ ایتیشیچه، چیگیرتکه‌لرنی یوق ایتیش اوچون کیمیاوی و مکانیکی ایشلردن قوللنگن بولسه ده؛ بیراق مذکور ولایت نینگ قطار تومن‌لری جمله دن رباتک تومنیده چیگیرتکه‌لر دهقان‌لر نینگ ایکین‌لری اوچون کتته تهدید سنله‌دی. او نینگ کوپه‌یتیریشیچه: «بو خوفلی بیر آفت دیر. دقت بولمه‌ی و وقتیده دهقان‌لر گه دارو بیریلمه‌گن تقدیرده، محصول‌لری یوق بولیشی ممکن. یشاوچیلر نینگ دارو ساتیب آلیش توانی یوق دیر.»
باشقه تاماندن، ایکینچیلیک، سوغاریش و چاروه‌چیلیک وزیرلیگی گه کوره، اوشبو وزیرلیک چیگیرتکه‌لر اینیقسه مراکش‌لیک چیگیرتکه‌لرنی آلدینی آلیش اوچون، آفت‌لر گه قرشی کوره‌ش تیم‌لرینی ۳۴ مینگ ۵۵۰ لیتر اولدیرووچی ماده و لابراتوار بیلن، برچه ولایت‌لر گه یوللـه‌گن.
مذکور وزیرلیک سوزلاوچیسی مصباح‌الدین مستعین نینگ سلام‌وطندار گه ایتیشیچه، ولایت‌لر گه ییترلیچه دارو یوباریلگن. دهقان‌لر کسل بوته‌لری بیلگیسی بیلن شفاکارلر گه مراجعت قیلگن حالده، شفاکارلر انیقلش دن کیین، بوته نی کوریب اولر گه دوا بیره‌دی.»
بیزلرنینگ توییترده هم تعقیب قیلینگ!
ایکینچیلیک، سوغاریش و چاروه‌چیلیک وزیرلیگی گه کوره، چیگیرتکه‌لر دهقان‌لر نینگ ایکین‌لری اوچون جدی تهدید حسابلنمه‌یدی و مذکور وزیرلیک نینگ محافظتی گروه‌لری وضعیت نی کنترول قیلگنلر.
اوتگن هفته چهارشنبه، ۲۰ ثور، بیرلشگن ملت‌لر تشکیلاتی آزیق_آوقات تشکیلاتی ترقه‌تگن گزارشی ده، افغانستان نینگ شمال و شمال‌شرقی سکیز ولایتیده بوغدای ایکین‌لریده مراکش‌لیک چیگیرتکه‌لر نینگ هجومی دن آگاه‌لنتیرگن ایدی. قندوز، بدخشان، بادغیس، بغلان، سمنگان، سرپل و تخار مراکش‌لیک چیگیرتکه‌لر بارلیگی حقیده گزارش بیریلگن ولایت‌لر دیر.
