بوگون (یکشنبه، ۲۰-جوزا)، سرپرست حکومت کانلر و پترولیم وزیرلیگی مسئوللری بیر ییغین یولگه قوییش بیلن، آمو دریا نفت حوزه‌سی «انگوت» ساحه‌سی نینگ ۲۰ مینگ تُن خام نفتی ساتیلیش قراردادی نی کابل ده ایچکی بیر شرکت بیلن امضا قیلگنلر.
کانلر و پترولیم وزیرلیگی سرپرستی شهاب‌الدین دلاور نینگ ایتیشیچه، بو مقدار نفت پروسس مقصد قریب ۱۱ میلیون دالر ارزشی گه ساتیلگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «قیصربابا لمیتد شرکتی کوپ یخشی نرخ بیرگن و مبارک دیه‌میز که بو قرارداد ۱۰ میلیون ۵۴۹ مینگ ۴۴۴ دالر گه ساتیلگن.»
مذکور داوطلب‌لیک‌ده ۱۰ شرکت نینگ حضوری بولیب و بو آره‌ده ایچکی بیر شرکت نینگ اوشبو داوطلب‌لیککه غالب بولگنی اعلام بولگن.
شونده‌ی بیرحالده، مذکور داوطلب‌لیککه غالب بولگن شرکت مسئوللری نینگ ایتیشلریچه، بو مقدار نفت نینگ پروسس و ایچکی بازارلر گه عرضه بولگنی‌دن کیین، مملکت‌ده تیل قیمتی گه تغییرات کیلیشی ممکن.
اوشبو داوطلب‌لیککه غالب بولگن شرکت مسئولی گل‌زاده کتوازی نینگ ایتیشیچه: «بو نفت قیمتی تعیینی‌ده تاثیری بار و شو رقم افغانی ثباتی سقلنیشی اوچون هم یاردم بیره‌دی. نفت نینگ پروسس و بازار گه عرضه بولگنی‌دن کیین بازارده تیلی قیمتی‌ده تغییر کیلیشی ممکن.»
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، کانلر و پترورلیم وزیرلیگی سرپرستی نینگ ایتیشیچه، پکتیکا ولایتی «کتوازی» ساحه‌سیده ۴۰ مینگ کیلومتر مربع و هرات ولایتی‌ده ۲۳ مینگ کیلومتر مربع مساحت گه گاز و نفت ایشلب چیقریش ۱۱ بلاک قراردادی داوطلب‌لیککه قوییلگن.
ایتیش کیرهک که، کانلر و پترولیم وزیرلیگی اوتگن ۱۰ کون جریانیده «قشقری» و «انگوت» ساحه‌لری نینگ ۱۳۰ مینگ تُن خام نفتی نی داوطلب‌لیک آرقه‌لی ۷۲ میلیون دالر ارزشی گه ساتگن.
