کابل ده اندراگاندی کسلخانهسی مسئوللری نینگ ایتیش‌لریچه، اوتگن آی گه نسبتاً اوشبو کسلخانه گه مراجعت قیلگن ایچکیتمه گه چلینگن باله‌لر سانی، ۴۰ فایز‌دن آشگن دیر.
مذکور کسلخانه نینگ «OPD» بولیمی مسئولی پاینده‌محمد صالحی نینگ سلام‌وطندار گه ایتیشیچه، هر کونی اوشبو کسلخانه گه ۱۰۰ دن آرتیق ایچکیتمه گه چلینگن باله‌لر مراجعت قیله‌دی که، اولردن کوپ قطاری بستری بوله‌دی.
جناب صالحی نینگ کوپه‌یتیریشیچه: «اوتگن ییل‌لرده ایچکیتمه گه چلینگن باله‌لر سانی ایکی فایز ایدی، حاضر ایسه اوشبو کسل‌لر سانی کوپه‌یگن. کسلخانه گه وضعیتی جدی بولگن، تنه‌سی سوو کمه‌یتیرگن و قوسه دیگن کسل‌لرنی بستر قیلهمیز، بستری بولمه‌گنلر گه اوی‌لریده اوزلریدن مراقبت قیلیش اوچون دارو بیره‌میز.»
بیزلرنینگ توییترده هم تعقیب قیلینگ!
باشقه تاماندن، اندراگاندی کسلخانهسی نینگ ایچکیتمه بولیمی مسئولی فرشته فرهمند نینگ ایتیشیچه، هر کونی ایچکیتمه کسل‌لیگی گه چلینگن ۲۵ باله نی بستر قیله‌دیلر.
خانم فرهمند نینگ کوپه‌یتیریشیچه: «سونگی اوچ هفته‌ده، بستری بولگن باله‌لر سانی کوپه‌یگن، بیراق اوتگن بیر آی ده هر کونی ۸ واقعه بار ایدی. بیش یاشنی تولدیرمه‌گن باله‌لر نی بستری قیلهمیز، اولردن بیر قطاری ولایت‌لردن کیلگن و کوپینچه‌سی ایسه کابل‌دن دیر.»
شونده‌ی بیرحالده، اوشبو کسل‌خانه‌ده باله‌لری بستری بولگن آنه‌لردن قطاری نینگ ایتیش‌لریچه، نیچه کوندن بویان باله‌لری ایچکیتمه گه چیلنگن دیر.
ایچکیتمه گه چلینگن اوچ یاشر باله آنه‌سی مریم نینگ ایتیشیچه، بیر هفته‌دن بیری باله‌سی اوشبو کسل‌خانه‌ده بستری دیر.
او نینگ کوپه‌یتیریشیچه: «باشقه بیر کسلخانه گه آلیب بارگندیک ایکی کیچه بستری بولدی لیکن یخشی بولمه‌دی، بو ییر گه آلیب کیلدیک، شفاکارلر معاینه قیلیشی بیلن بستری بولیشی کیره‌ک دیدیلر، دستلب ایچکیتمه ایدی، ایسیتمه و قوسر ایدی حاضر هم ساغلگن یوق.»
ایکی یاشر باله آنه‌سی شبنم نینگ ایتیشیچه: «بوگون داکتر گه آلیب کیلدیم، بستری بولیشی کیره‌ک دیدی، باش اول کوپ ناتینچ و سنچیق ایدی.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، شفاکارلر هوا ایسیق‌لیگی، ویروس نینگ باله‌لر گه انتقال تاپیشی و باله‌لر نینگ سلامت‌لیگیگه دقت قیلینمسلیک، مذکور کسل‌لیک کوپه‌یش عامل‌لری عنوان قیلینگن.
شفاکارلردن بیری الیاس نینگ ایتیشیچه: «بو ییر گه کیله‌دیگن کسل‌لردن کوپینچه‌سی نینگ باغزی آغریگن، هوا ایسیق‌لیگی و باله‌لر نظافتی رعایت بولمسلیگی اولر نینگ ایچکیتمه کسل‌لیگیگه چلینیش‌لری گه سبب بوله‌دی.»
عین حالده، اوتگن کون بیرلشگن ملت‌لر تشکیلاتی نینگ باله‌لردن حمایت قیلووچی صندیغی (یونیسف)، باله‌لر حاد ایچکیتمه کسل‌لیگی گه چلینگن تقدیرده، ۱۳۷ مینگ باله نینگ درمان قیلیش اوچون تیارگرلیک کورگنلر.