بلخ ساغلیق‌نی سقلش ریاستی مسئوللری نینگ ایتیشلریچه، اوشبو ریاست نینگ بلخ آمبولانس بولیمی خذمت‌لری، یشاوچیلر گه قولی‌لیک یره‌تیش مقصدیده خلق‌ارا ساغلیق‌نی سقلش تشکیلاتی نینگ مالی حمایتی بیلن ایشگه باشله‌گن.
بلخ ساغلیق‌نی سقلش باشلیغی نجیب‌الله توانا گه کوره، بلخ آمبولانس خذمت‌لری دوشنبه کونی، ۹ اسد، ۱۳۰ مینگ دالر خرجت بیلن فعال بولگن.
بیزلرنینگ فیسبوک صحیفه‌میزگه باش اورینگ!
توانا جنابلری نینگ کوپه‌یتیریشیچه، ۱۴ آمبولانس مزارشریف شهری و مذکور ولایت قتناو یوللری ده زمانه‌وی امکانیت بیلن، یشاوچیلر گه خذمت کورسته‌دی.
بلخ ساغلیق‌نی سقلش باشلیغی گه کوره، بلخ آمبولانسی خذمت‌لری فعال بولیشی بیلن قریب ۵۰ کیشی ایش بیلن تأمینلنگن و بلخ نینگ مینگلب اهالیسی بو خذمت‌لردن فایده‌لنیش‌لری کوتیله‌دی.
عین‌حالده، بلخ محلی رسمی‌لری، بوندن کیین یشاوچیلر «۱۰۲» رقمی گه قونغیراق قوریب یاردم سوره‌ش‌لری ممکن دیدیلر.
اوشبو بولیم ایشگه باشله‌شی بیلن، ایریم واقعه‌لر و کسل‌لیکلر طفیلی اولیم میزانی سیزیلرلی درجه ده کمه‌یشی ممکن دیدی، بلخ حاکمی اورین باسری نورالهادی ابو ادریس.
بیزلرنینگ توییترده هم تعقیب قیلینگ!
بلخ آمبولانس خذمت‌لری ایشگه باشله‌شی، بلخ اهالیسی تامانیدن خوش قرشی‌لنگن. اولر نینگ ایتیشلریچه، شاشیلینچ حالت‌لرده آمبولانس‌لر مناسب ساغلیک خذمت کورسه‌تیش‌لری ممکن.
بلخ ساغلیق‌نی سقلش مسئوللری گه کوره، بلخ آمبولانس خذمت‌لری هر کونی یشاوچیلر گه ساغلیک خذمت کورسه‌تیش اوچون فعال بولگن.