بامیان ولایتی یکاولنگ نمبر ۱ تومنیده یاش‌لر وفرهنگی‌لردن قطاری، مطالعه و کتاب اوقیش فرهنگینی رواجلنتیریش مقصدیده «کتاب‌خانه فرهنگی کاتب» نی ایجاد ایتگنلر. مذکور کتاب‌خانه دوشنبه کونی، ۱۵ حوت، اونلب محل یشاوچیلری و فرهنگی‌لر حضوری بیلن رسمی روشده آچیلگن.
اوشبو کتاب‌خانه اساسچیلریدن نسیمه بیگ‌زاد نینگ سلام‌وطندار گه ایتیشیچه، مذکور کتاب‌خانه محل یشاوچیلری آره‌سیده کتاب اوقیش فرهنگینی رواجلنتیریش مقصدیده ایجاد ایتیلگن.
خانم بیگ‌زاد نینگ کوپه‌یتیریشیچه، کاتب فرهنگی کتاب‌خانه‌سی اوچون کتاب ییغیش کمپاینی، اوشبو ییل یاز موسومی ده باشلنگن ایدی و حاضرگچه تورلی ساحه‌لرده ۳۰۰۰ دن آرتیق کتاب بامیان، کابل، هرات، بلخ و باشقه ولایت‌لردن ییغیلگن.
بیزلرنینگ فیسبوک صحیفه‌میزگه باش اورینگ!
اونگه کوره، اوتمیش ده اوشبو منطقه ده هیچ کتاب‌خانه یوق ایدی و کاتب کتاب‌خانه‌سی ایجاد ایتیلیشی بیلن، یاش‌لر اینیقسه تعلیم دن محروم ایتیلگن قیزلر نینگ مطالعه و کتاب اوقیش گه علاقه‌سی کوپه‌یگن؛ اوشبو ییل اول‌لریده مذکور کتاب‌خانه فعالیت گه باشله‌شی بیلن، چمه‌سی ۴۸۰ کتاب امانت شکلده آلینگن.
نسیمه بیگ‌زاد نینگ کوپه‌یتیریشیچه، اوشبو کتاب‌خانه حکومت نینگ همکارسیزلیگی و بامیان ولایتی فرهنگی‌لری نینگ ابتکاری بیلن ایجاد ایتیلگن. او مسئوللردن کتاب‌خانه‌نی باییتیش، کتاب‌خانه مکانی و کتاب‌‍دار نینگ معاشی خصوصیده اولرنی قوللب_قوتلشینی طلب قیله‌دیلر.
عین‌حالده، محل یشاوچیلری اوشبو کتاب‌خانه آچیلیشیدن خورسندلیک قیلیب ایتیشلریچه، کاتب کتاب‌خانه‌سی ایجاد ایتیلیشی بیلن قیینچیلیکلریدن بیر بولیمی حل ایتیلگن.
محل یشاوچیلریدن حسین گه کوره، مذکور کتاب‌خانه ایجاد ایتیلیشی بیلن کتاب اوقیش اوچون هفته‌لر سرگردان بولمه‌یدیلر؛ چونکه نیازلری بولگن کتاب نی محل ده‌گی کتاب‌خانه دن قولگه کیریتیش‌لری ممکن.
بیزلرنینگ توییترده هم تعقیب قیلینگ!
او نینگ کوپه‌یتیریشیچه، اوشبو کتاب‌خانه آچیلیشی بیلن، یاش‌لر و اوسمیرلر بازار و کوچه‌لرده یوریش اورنیده، مذکور کتاب‌خانه ده کتاب اوقیش بیلن مصروف بولیشگن.
عین‌حالده، قریب بیر آی آلدین بامیان مرکزی ده بیر عیال نینگ ابتکاری بیلن «کاج» آتیده عیاللر اوچون مخصوص بیر کتاب‌خانه آچیلگن ایدی.
