نیورک تایمز کونده‌لیگی ینگی‌لیکده بیر تحقیقی گزارش نشر ایتگن، کوریلیشیچه، اسلامی امارت حکومتی نینگ دستلبکی ۶ آییده، سابق حکومت حربی کوچلری و ایشلاوچیلریدن کمیده ۵۰۰ ته‌سی اولدیریلگن یا اوغیرلنگن.
گزارش‌ده کیلگن دیرکه اسلامی امارت تامانیدن عمومی کیچیریم اعلام قیلنیشی «یالغان بیر ادعا» ایکن و بو ایش سابق حکومت نظامی کوچلرینی توزاققه توشیریش اوچون عملگه آشیریلگن.
گزارش‌دن نقل قیلینیشیچه، سابق دولت ایشچیلری و حربی‌لردن انتقام آلیش هجوم‌لر ریجه‌لنتیریلیب عملگه آشیریلگن و شونینگدیک غرب مملکت‌لر نینگ یاردم‌لرینی جلب ایتیش اوچون عمومی کیچیریم اعلام بولگن.
بیزلرنینگ فیسبوک صحیفه‌میزگه باش اورینگ!
نیورک تایمز نینگ ایتیشیچه؛ اسلامی امارت قدرت‌گه ایریشگنیدن کیین، سابق حکومت نظامی کوچلرینی قولگه آلیب «کلتکله‌ب اوق و یا باشلرینی کیسیب اولدیرگن.»
گزارش اساسیده، مملکت نینگ ۳۲ ولایتی‌دن معلومات توپلنگن، اسلامی امارت، سابق حکومت نظامی کوچلرینی اولدیریش و یوقاتیش‌گه قول اورگن که یالغیز بغلان ولایتیده اسلامی امارت قدرت گه ایریشگنی نینگ دستلبکی ۶ آییده ۸۶ نظامی اسلامی امارت کوچلری تامانیدن اولدیریلگن.
شونینگدیک کوپینچه یوقالیش و اولدیریلیشلر قندهار ولایتیده رویخط گه آلینگن.
بوندن آلدین هم بیرلشگن ملت‌لر تشکیلاتی بیر گزارش ترقه‌تیب ایتگن ایدی، سابق حکومت نظامی کوچلری و ایشلاوچیلریدن، ۱۰۰ گه یقین کیشی اسلامی امارت کوچلری تامانیدن اولدیریلگن.
شونینگدیک بشر حقوقی دن حمایت قیلوچی نهادلرهم نیچه مراتبه قصداً اوزباشیمچه شکلده اولدیریلیشلر خصوصیده گزارش بیرگن ایدی.
بیراق، اسلامی امارت سوزلاوچیسی ذبیح‌الله مجاهد، بیرلشگن ملت‌لر تشکیلاتی نینگ بو ادعاسینی ناتوغری عنوان قیلیب ایتگن ایدی، عمومی کیچیریم اعلان قیلینگن‌دن کیین هیچ بیر کیشی‌گه بیراوگه ضرر ییتکیزیش اوچون رخصت بیریلمه‌یدی.
او کوپه‌یتیرگن ایدی اگرده شونده‌ی بیر ایش عملگه آشیریلگن بولسه، اسلامی امارت اونی تیکشیریب و قضیه عامللرنی جزاله‌یدی.
اسلامی امارت مسئوللری اوشبو تحقیقی گزارشنی تیار قیلگن کیشیلرگه جواب قیترمه‌گن وشونینگدیک حاضرگچه بو توغریده فکرهم بیلدیرمه‌گن‌لر.
بیزلرنینگ توییترده هم تعقیب قیلینگ!
نیورک تایمز نینگ بو تحقیقی گزارشی ۹ آی آقیمیده ۹ خبرنگار اویغونلیگی بیلن افغانستان نینگ تورلی حدودلریدن تیارلنگن و بو حاضرگه قدر «اسلامی امارت نینگ، سابق حکومت کوچلریدن اوچ آلیش هجوم‌لری خصوصیده» تیارلنگن جامع و همه تامانلمه تحقیق دیر.
اوشبو تحقیقی گزارشنی تیارله‌گن کیشیلر ایتگن‌لر که اسلامی امارت کوچلری تامانیدن اولدیریلیب یوقالگن موردلرنی بیرمه – بیر تیکشیریب، بشر حقوقی‌دن حمایت قیلوچی نهادلر معلومات‌لریدن ایش آلیب، قربان‌لر عایله اعضالری و گواه‌لر بیلن صحبت قیلیب اوشبو تحقیقی گزارشنی تیارقیلگن‌لر.
