افغانستان برق ییتکیزیش شرکتی (برشنا) پنجشنبه کونی، ۲۳-قوس، ایکس اجتماعی ترماغی ده، اوزبیکستان دن ساتیب آلینگن برق شرطنامه‌سی، ۲۰۲۴-ییل اوچون اوزه‌یتیریلگنیدن خبر بیرگن.
برشنا شرکتی گه کوره، اوشبو اداره نینگ بیر هیئتی اوزبیکستان گه قیلگن سفری دایره‌سیده، میلادی ۲۰۲۴-ییل اوچون اوزبیکستان دن ساتیب آلینگن برق شرطنامه‌سینی اوزه‌یتیرگن.
بیزلرنینگ فیسبوک صحیفه‌میزگه باش اورینگ!
مذکور اداره نینگ کوپه‌یتیریشیچه، برشنا شرکتی نینگ اجرائیه و عمومی باشلیغی محمدحنیف حمزه، اوزبیکستان گه قیلگن سفری ده مذکور مملکت نینگ برق وزیری میرزا محمداوف جوره‌بیک بیلن اوچره‌شیب، ۲۰۲۴-ییل اوچون اوزبیکستان دن ساتیب آلینگن برق شرطنامه‌سینی اوزه‌یتیریش گه قوشیمچه، بو مملکت رسمی‌لریدن افغانستان گه صادراتی برق مقدارینی آشیریش، برق تعرفه‌سینی کمه‌یتیریش، بو شرکت نینگ تخنیکی ایشلاوچیلری گه ویزه بیریش قولی‌لشتیریلیشینی سوره‌گن.
مذکور اوچره‌شووده، اوزبیکستان برق وزیری برق ایشلب چیقریش اوچ ماشین نینگ قیینچیلیگی حلی ایتیلیشی اوچون ایش آلیب باریلماقده و بو قیینچیلیک حل بولیشی بیلن، ایکی مملکت آره‌سیده امضالنگن شرطنامه اساسیده، افغانستان گه برق بیریلیش وعده‌سینی بیرگن.
بیزلرنینگ «ایکس» ترماغی ده هم تعقیب قیلینگ!
عین‌حالده، قیش موسمی ییتیب کیلیشی بیلن مملکت یشاوچیلری اینیقسه پایتخت کابل اهالیسی، برق نینگ حددن تشقری پرچاوی بولیشیدن شکایت قیله‌دیلر.
افغانستان احتیاجی بولگن برق نینگ کتته قسمینی، قوشنی اولکه‌لر جمله دن اوزبیکستان، تورکمنستان، تاجیکستان و ایران دن تامینله‌ماقده.
