اندراگاندی کسلخانه مسئوللری نینگ ایتیشلریچه، اوتگن بیر آیده موسومی کسللیکلر گه چلینگن ۷۰۰دن آرتیق باله اوشبو کسلخانه گه درمان اوچون کیلتیریلگن که اولر ارا، ۱۹ باله جان بیرگن.
مذکور کسلخانه نینگ ایچکی کسللیکلر بولیمی مسئولی محمدعارف حسن‌زی نینگ ایتیشیچه، کوپراق بیش یاش نی تولدیرمه‌گن بالهلر، موسومی کسللیکلر خوفی بیلن روپه‌ره دیر.
بیزلرنینگ فیسبوک صحیفه‌میزگه باش اورینگ!
حسن‌زی، بالهلر نینگ موسومی کسل‌لیکلردن حمایه قیلیش اصوللری حقیده ایتیشیچه: «عایله‌لر باله‌لری نینگ واکسین قیلیشلری کیره‌ک، اولر نینگ یخشی آوقت‌لنیشی و باله گه آنه سوتی بیریلیشی و اولر نینگ ایسیق سقلنیشی، موسومی کسل‌لیک نینگ کمه‌یتیریش موردلریدن دیر.»
هوا نینگ ساووق بولیشی بیلن، سینه‌بغل، توبرکلوز، ساووق اورمه و ریزش کبی کسللیکلر کوپهیهدی.
شونده‌ی بیرحالده، کسل‌دارلر و اندراگاندی کسلخانهسیده بستری بولگن کسل‌لردن قطاری نینگ ایتیشلریچه، ساووق نینگ کوپه‌یشی بیلن، موسومی کسللیکلر کوپه‌یشی خصوصیده خواطرده‌لر.
باله‌سی سینه‌بغل کسل‌لیگی گه چلینیب و مذکور کسل‌خانه‌ده بستری بولگن کابل یشاوچیسی زهرا نینگ ایتیشیچه: «باله‌م نینگ کسلخانه گه کیلتیریب و بستری قیلگنیم‌دن ایکی کون بوله‌دی. دارو ییگنی صورت‌ده، قیته ینه قیتره‌دی. موسوم اوزگرگنی سبب، باله‌م کسل بولدی.»
باشقه بیر تامان‌دن۷ کابل نینگ انتانی کسلخانه مسئوللری نینگ ایتیشلریچه، هر ییل ساووق کوپه‌یشی بیلن، پایتخت ده موسومی کسللیکلر گه چلینگنلر سانی کوپهیهدی. اولر نینگ کوپه‌یتیریشلریچه، حاضر ایسه کونده موسومی کسللیکلر گه چلینگن قریب ۳۰۰ کیشی اوشبو کسلخانه گه مراجعت قیله‌دی.
کابل نینگ انتانی کسلخانهسی نینگ متخصص ترینری احسان‌الله حکیمی نینگ ایتیشیچه: «اوشبو موسوم‌ده، ریزش و زکام، سینه‌بغل و باشقه موسومی کسللیکلر کوپهیهدی و کونده، قریب ۳۰۰ کسل اوشبو کسلخانه گه مراجعت قیله‌دی.»
بیزلرنینگ «ایکس» ترماغی ده هم تعقیب قیلینگ!
ساغلیق مسئله‌لر بیلرملن‌لریدن قطاری، قتیق ساووق، نادرست آزیق-آوقات و ساغلیق بولیمی خصوصیده توجه‌سیزلیک نینگ، تنفسی و موسومی کسللیکلر کوپه‌یگنی اصلی عامل‌لریدن بیله‌دی.
عین حالده، بوندن آلدین هم یشاوچیلردن قطاری اینیقسه بالهلر باشقه ولایت‌لرده موسومی کسللیکلر گه چلینگنلری طفیلی جان بیرگنلر.
