امریکا خزانه‌دارلیک وزیرلیگی، افغانستان، چین، ایران و هائیتی دن ۲۰ سیاسی و حربی سیمانی تحریم قیلگن. امریکا خزانه‌دارلیک وزیرلیگی نینگ ینگی تحریم‌لر رویخطی ده، افغانستان امر بالمعروف و نهی عن‌المنکر سرپرست وزیری و بیلیم‌لر اکادمی باشلیغی فریدالدین محمود شامل دیر.
اسلام امیرلیگی اوشبو تحریم‌لر گه مناسبت بیلدیریب ایتیشیچه، افغانستان وضعیتی اوزگریشی اوچون دنیا تامانیدن سرپرست حکومت رسمی‌لری تحریم بولیشی و اولر نینگ باسیم‌لری نتیجه بیرمه‌یدی.
اسلام امیرلیگی سوزلاوچیسی ذبیح‌الله مجاهد سلام‌وطندار گه ایتیشیچه، بشر حقلری نقض ایتیلیشی اوچون امریکا نینگ باشقه‌لرنی تحریم قیلیشی منطق‌سیزلیک دیر.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «امریکا اسرائیل دن حمایت ایتیش اوچون، دنیا ده انسان حقلری ناقض‌لریدن بیری سنله‌دی، انسان حقلرینی نقض ایتیش گه باشقه‌لرنی عیبلش و کیین ایسه اولرنی تحریم قیلیش منطق‌سیزلیک دیر.»
امریکا خزانه‌دارلیک وزیرلیگی، سرپرست حکومت بیلیم‌لر اکادمی باشلیغی فریدالدین محمود نی قیزلر نینگ تعلیم دن محروم قیلیش دن حمایت ایتیش و امر بالمعروف و نهی عن‌المنکر سرپرست وزیری محمدخالد حنفی نی، انسان حقلرنی نقض ایتگنی اوچون تحریم قیلگنینی ایتگن.
افغانستان اوچون امریکا ایلچی‌خانه‌سی نینگ شارژدافیری کرن دکر، اوشبو تحریم‌لر خبرینی ایکس اجتماعی ترماغی ده ترقه‌تیش بیلن یازیشیچه، امریکا اسلام امیرلیگینی انسان حقلرینی نقض ایتگنی اوچون جوابگر بیله‌دی.
افغانستان اوچون امریکا ایلچی‌خانه‌سی نینگ شارژدافیری گه کوره: «خالد حنفی و فریدالدین محمود، افغانستان ده انسان حقلرینی نقض ایتیش ده شریک دیر. بیز اولرنی افغانستان خلقی نینگ یریم اهالیسینی حقلریدن محروم قیلیش‌لری اوچون جوابگر بیله‌میز.»
بیزلرنینگ «ایکس» ترماغی ده هم تعقیب قیلینگ!
بوندن آلدین، بیرلشگن ملت‌لر تشکیلاتی و دنیا همجمعیت تامانیدن، اسلام امیرلیگی کابینه اعضالری و ییریک رسمی‌لریدن بیرقطاری تحریم بولگن بیر حالده، امریکا خزانه‌دارلیک وزیرلیگی سرپرست حکومت ایکی رسمی‌سینی تحریم قیلگن.
بیلرمان‌لر نینگ ایشانچی گه کوره، ینگی‌لیکده امریکا تامانیدن اسلام امیرلیگی رسمی‌لری تحریم بولیشی، اسلام امیرلیگی نینگ دنیا همجمعیت تامانیدن تن آلینیشی اوچون سعی‌وحرکت‌لری نتیجه بیرمه‌گنیدن درک بیره‌دی.
سیاسی ایش بیلرمان محمدباقر محسنی، اوشبو تحریم‌لر عاقبتی و افغانستان نینگ تنزل گه یوز توتیشیدن آگاه‌لنتیره‌دی: «افغانستان ده سیاسی تنزل کمبغل‌لیک‌که سبب بوله‌دی و شونینگدیک، افغانستان ده سیاسی بحران و ناتینچ‌لیک‌لر کوچه‌یشی ممکن، یشاوچیلر نینگ ناراضی‌لیگی و اقتصادی باسیم‌لر شونده‌ی عاقبت‌لر گه سبب بولیشی ممکن.»
ایتیش کیره‌ک، دنیا همجمعیت سونگی ایکی ییل ده اسلام امیرلیگینی بشر حقلری اینیقسه قیزلر نینگ تعلیم و عیاللرنی ایش دن محروم قیلیش گه عیبلب کیلگن بولسه ده؛ بیراق اسلام امیرلیگی اوشبو عیبلاولر همده دنیا همجمعیت نینگ طلب‌لرینی عملگه آشیریش اوچون هیچ اعتبار بیرمه‌گن.
