افغانستان ده ۱۴۰۲تعلیمی ینگی ییل باشله‌نیشی بیلن، امریکا تشقی ایشلر وزیری آنتونی بلینکن نینگ ایتیشیچه، انسان حقلری نقض ایتیلیشی و قیز اوقووچیلر نینگ محروم ایتیلیشی باعث، اسلام امیرلیگی بیلن مناسبت‌لرنی عادی‌لشتیریش ممکن‌سیز دیر.
افغانستان ده بیرلشگن ملت‌لر تشکیلاتی اورین باسرلیک هیئت دفتری و اوشبو تشکیلات نینگ باله‌لردن حمایت قیلووچی صندیغی (یونیسف)، ینگی ییل باشله‌نیشی مناسبتی بیلن علیحده ترقه‌تگن بیانیه‌لریده، اسلام امیرلیگی دن قیزلر نینگ مکتب و بیلیم یورت گه باریش رخصتی بیریلیشینی سوره‌گنلر.
هجری قویاش ۱۴۰۲_تعلیمی ییل، سه‌شنبه کونی، ۱ حمل، افغانستان نینگ ساووق ولایت‌لریده قیزلر نینگ حضورسیزلیگی بیلن باشلندی.
بیزلرنینگ فیسبوک صحیفه‌میزگه باش اورینگ!
ایش بیلرمان‌لر نینگ ایتیشلریچه، اسلام امیرلیگی تامانیدن خاتین قیزلر گه قرشی یره‌تیلگن چیکلاولر، کوپراق یشاوچیلرنی قیینچیلیک بیلن دوچ قیله‌دی.
سیاسی ایش بیلرمان نجیب‌الرحمان شمال نینگ ایتیشیچه: «افغانستان یشاوچیلری انسان پرورلیک یاردم‌لردن محروم بولمسلیگی اوچون، اسلام امیرلیگی دن جهان بیلن یخشی تعامل قیلیب و قیزلر گه مکتب و بیلیم یورت گه باریش اجازه‌سینی بیریشینی ایسته‌یمیز.»
معارف وزیرلیگی نینگ سابق معینی و تعلیم و تربیه ایش بیلرمانی صدیق‌الله پتمن، تعلیم اهمیتی اوستیگه تأکیدلب ایتیشیچه: «متمدن بیر جمعیت تعلیم و تربیه گه نیازمند دیر اینیقسه افغانستان کبی کیینگه قالگن ممکت مترقی اولکه‌لر گه نسبتن، تعلیم و تربیه گه نیازمند دیر.»
شونینگدیک قیز اوقووچیلر، مکتب گه باریش رخصتی بیریلمسلیگی باعث، کیله‌جک‌لریدن خواطر بیلدیرماقده‌لر.
کابل شهری ده دولتی مکتب‌لردن بیری نینگ اون ایکینچی صنف اوقووچیسی کبرا گه کوره: «ایکی ییل دن بویان مکتب‌لر یاپیق دیر و بو ایش اوقووچیلر نینگ روحیه‌سی اوستیگه سلبی تأثیر قیلگن، اوزیم اون ایکینچی صنف اوقووچیسی من و مکتب‌لر ایشیگی آچیلییشنی کوتماقده‌من.»
بیزلرنینگ توییترده هم تعقیب قیلینگ!
کابل شهری ده اوقووچیلردن باشقه بیرقطاری کیم‌لیگی سر قالیش شرطی بیلن سلام‌وطندار گه ایتیشیچه: «قیز اوقووچیلر جوده هم امیدسیز بولیشگن، قطار قیزلر زوردن تورموش گه چیقریلماقده و باشقه بیرقطاری نینگ اوقیگن نرسه‌لری ایسلری دن چیققن.»
بیراق اسلام امیرلیگی، قیز اوقووچیلر نینگ مکتب‌لری یاپیق قالیشی گه دایر خواست‌لر و خواطرلر گه جواب ایتیشیچه، قیز اوقووچیلر نینگ تعلیمی ریجه‌سی حاضرگچه نهایی بولمه‌گن و بو توغریده ایشلر دوام ایتماقده.
اسلام امیرلیگی سوزلاوچیسی نینگ اورین باسرلریدن بلال کریمی نینگ ایتیشیچه: «مملکت بویلب بوتکول تعلیم جریانی دوام ایتماقده، بیراق معارف و یوکسک اوقوو وزیرلیک‌لریده قیز اوقووچیلر یوزی گه مکتب‌لر آچیلیش ایشی آلغه آلیب باریلماقده دیر.»
ایتیش کیره‌ک که، بوندن آلدین اروپا اتفاقی، افغانستان ده انسان حقلری نقض ایتیلیش جریانی دوام ایتگن تقدیرده، اسلام امیرلیگی رسمی‌لری گه قرشی تحریم‌لر وضع ایتیلیشیدن آگاه‌لنتیرگن.