سونگی نیچه ییل ده اقلیم اوزگریشی، دنیا بویلب جدی قیینچیلیکلر گه اوزگرگن، انسان‌لر و باشقه جانلی حیوان‌لر نینگ تیریکچیلیگی و نهایت ییرنی خطر بیلن روپه‌ره قیلگن.
دنیا صناعتی بولیشی و جمعیت کوپه‌یشی، یشش محیط اوستیده‌گی سلبی تأثیرات‌لر، قطار مملکت‌لرده یامان عاقبت‌لر گه سبب بولگن.
شو بیلن بیرگه، اقلیم اوزگریش عاقبت‌لری یالغیز کینگه‌یگن مملکت‌لر گه خلاصه بولمه‌یدی و کینگ کولمده کاربن تولیدی و ییر ایسیشیده سهمی بولمه‌گن مملکت‌لر گه هم زیان ییتکیزگن که اولردن بیری افغانستان دیر.
سونگی ییل‌لرده اینیقسه اوشبو ییل، افغانستان اقلیم اوزگریشی باعث تورلی خیل طبیعی آفت‌لر گواهی بولدی.
بیزلرنینگ فیسبوک صحیفه‌میزگه باش اورینگ!
قورغاقچیلیک، بی‌وقت یاغیش و حتا یاز موسومیده قار یاغیش و کوچلی سوو تاشقین‌لری، افغانستان ده اقلیم اوزگریش نمونه‌لریدن دیر که مملکت نینگ قطار ولایت‌لریده یشاوچیلر گه آغیر زیان ییتکیزگن.
برچه‌سی بیلن، اسلامی امارت سرپرست حکومتی رسمی‌لری، کابل ده خلق‌ارا اقلیم اوزگریش هفته‌سی مناسبتی بیلن اوتکزگن ییغینده، افغانستان ده اقلیم اوزگریش عاقبت‌لریدن خواطر بیلدیرگنلر.
اسلامی امارت باش وزیری نینگ اورین باسری عبدالسلام حنفی گه کوره، حکومت اقلیم اوزگریشینی باشقریش مقصدیده سعی و حرکت قیلماقده دیر.
جناب حنفی نینگ کوپه‌یتیریشیچه، حکومت اقلیم اوزگریشینی قنده‌ی باشقریشی خصوصیده کنفرانس یولگه قوییشی ممکن.
دنیا ده اقلیم اوزگریشینی باشقریش، حکومت‌لر نینگ جدی و مهم ایشلریدن سنله‌دی، لیکن افغانستان حکومتی بوتوغریده بی فرق دیر.
اورمان‌لر و سبز منطقه‌لر کیسیلیشی، حیات وحش یوق ایتیلیشی، صفت‌سیز یاقیلغی ماده‌لردن قوللنیش و خلق‌ارا اقلیم قاعده‌لری برابری ده بی فرق‌لیک، اولکه بویلب اقلیم اوزگریشی گه قرشی کوره‌ش توسیق‌لریدن دیر.
بیزلرنینگ توییترده هم تعقیب قیلینگ!
برچه‌سی بیلن، یشش محیط نی اسره‌ش ملی اداره گه کوره، اوشبو اداره اقلیم اوزگریشینی باشقریش اوچون ایریم ریجه‌لرنی نظرگه آلگن بولسه ده، بیراق اقلیم اوزگریشینی باشقریش اوچون اوزاق مدتلی برنامه‌لر آلینیشی کیره‌ک دیدی.
یشش محیط نی اسره‌ش ملی اداره نینگ معلوماتی اساسیده، اسلامی امارت حاکمیتیدن بویان، افغانستان ده اقلیم اوزگریش بولیمیده خلق‌ارا تشکیلات‌لر گه عاید ۳۲ پروژه ایشی توخته‌تیلگن.
عین‌حالده، سرپرست حکومت رسمی‌لری، دنیا همجمعیت دن اقلیم اوزگریشینی باشقریش خصوصیده دقت قیلیب و یاردم بیریشینی طلب قیله‌دی.
تشقی ایشلر وزیرلیگی نینگ سیاسی معینی شیرمحمدعباس استانکزی گه کوره، اوتگن نیچه سنه ده افغانستان ده‌گی اوروش گه دخیل مملکت‌لر، اقلیم اوزگریشی گه باعث بولگنلر و اقلیم نی باشقریش اوچون افغانستان گه یاردم بیریش‌لری کیره‌ک.
ایتیش کیره‌ک که، نیچه ییل دن بویان، بویوک شهرلر اینیقسه کابل یشاوچیلری، قیش موسومیده هوا دغللیگی طفیلی تورلی خیل کسللیکلرگه چلینگنلر.